प्रेरितो कै काम 17:4 - सिरमौरी नौवाँ नियम

⁴ तिनुमुंजी दै कैतरै यहूदी लोगै, औरौ पौरमेशवर का डौर मानणोवाल़ै बैगानै यहूदी लोगौ मुंजीदै बौहितै औरौ बौहुती सारी खास-खास बैटमाणिशै बिशवाश कौर पाए, औरौ पौलुस औरौ सीलास कै साथी मिलै गोई।

Sirmouri

⁴ तिन आरी भगत्त यूनानियों मुँझ्शे भहित्ते लोगे ऐ, अरह् बैजाऐ भहित्ती बिच़्की तिरंई ऐ भे बिश्वाष करा, अरह् से भे संत्त-पौलुस अरह् सीलास की गईलो मिली गई।

प्रेरितो कै काम 17:4 ပူးပေါင်းရင်းမြစ်များ

यूहन्ना 7:35

इथपांदी यहूदी नेताए आपी मुंजी चौर्चा कौरेयौ बौल़ौ, “ऐजा कुकै जांदा कै आमै ऐसी जौए ना सौकदै? शायद सै तिनु यहूदी लोगौ कै धोरे जाला जू यूनानी शहरो दै इस्राएल देश शै बायरै बिखरेयोंदे रौंव, औरौ तिनुकै शिक्षा दैणा चांव।

प्रेरितो कै काम 13:43

औरौ जोबै सभा-घोरो शै सौबवे हौटै गौवै तौ यहूदी नेता औरौ यहूदी मत दै आएयौंदे भोक्‍तो मुंजीदै भौरिशै पौलुस औरौ बरनबास कै पौछौड़ियौ हौए गौवै; औरौ तिनुऐ तिनुआरी बातौ कौरेयौ सौमझाए, कै पौरमेशवर कै अनुग्रह दै बौणैयौंदे रौव।

प्रेरितो कै काम 13:50

पौरौ यहूदी नेताए भोक्‍त औरौ पौरमेशवर का डौर मानणोवाल़ी बैटमाणिशौ खै औरौ नगर कै खास लोगौ कै उकसोऊवे, औरौ पौलुस औरौ बरनबास कै खिलाफ तरकीब बाणैयौ तिनु आपणै इलाके शै बायरै निकाल़ै दियै।

प्रेरितो कै काम 14:1

इकुनियुम शहर दो ऐशै हौं कै पौलुस औरौ बरनबास यहूदी लोगौ कै सभा-घोरो दै साथ-साथ हौटै, औरौ ऐशणी बातौ कौरी कै यहूदियों औरौ बैगानै यहूदी लोगौ मुंजीदै बौहितै लोगै बिशवाश कौरा।

प्रेरितो कै काम 14:4

पौरौ नोगरो कै लोगौ दै फूट पौड़ै गौए थै; इथलैई कैतरै तौ यहूदी नेता कै ढौबौ औरौ कैतरै चोणेयौंदे चैलै कै ढौबौ हौए गौवै।

प्रेरितो कै काम 15:22

तोबै यरूशलेम शहर दै सौबै कलीसिया समैंत चोणेयौंदे चैलै औरौ अगुवो खै आछौ लागौ, कै आपी मुंजीदै किछै आदमियों कै चुणो, यानी यहूदा जैसकौ औकौ नांव बरसब्‍बा औसौ, औरौ सीलास कै जू बिशवाशी भाईयों मुंजी जादा इजतदार थिया; औरौ तिनु पौलुस औरौ बरनबास कै साथी अन्‍ताकिया शहर दै कलीसिया कै धोरे भैजै।

प्रेरितो कै काम 15:27

औरौ आमुए यहूदा औरौ सीलास कै भैजै राए, जू आपी आयौ तुऔं ऐजी बातौ बौताए दैंदै।

प्रेरितो कै काम 15:32

औरौ यहूदा औरौ सीलासे जू आपी बै पौरमेशवर कै बातौ बौताणौवाल़ै थिए, बौहिती बातौ शै बिशवाशी भाईयों खै उपदैश दैयौ मोजबूत कौरे।

प्रेरितो कै काम 15:40

पौरौ पौलुसे सीलास खै चुणा, औरौ बिशवाशी भाईयों खै पौरमेशवर कै अनुग्रह दै सौंपैयौ अन्‍ताकिया शहर शै चालै पौड़ै।

प्रेरितो कै काम 16:3

पौलुस कै इछा थै कै सै तैसकै साथी चालौ; औरौ जू यहूदी लोग तिनु ठाँव दै थिए तिनकी बौजैह शै तैणै तीमुथियुस का खतना कौरा, जिथुकै सै सौबवे जाणौ थिए, कै तैसका बापू यूनान देश का रौणौवाल़ा थिया।

प्रेरितो कै काम 17:10

बिशवाशी भाईए तौलोंई रातो रात पौलुस औरौ सीलास खै बिरीया नोगरो दै भैज दियै, औरौ सै तिथै पोंचैयो यहूदी लोगौ कै यहूदी सभा-घोरो दै हौटै।

प्रेरितो कै काम 17:12

इथकारिए तिनुमुंजी दै बौहितै, औरौ खास-खास यूनान देश कै रौणोवाल़ी बैटमाणिशौ मुंजीदी, औरौ मोरदो मुंजीदै बौहितै बिशवाश कौरा।

प्रेरितो कै काम 17:14

तोबै बिशवाशी भाईए तावल़ा पौलुस खै विदा कौरा कै समुन्द्र कै किनारे बाटी आगु जा; पौरौ सीलास औरौ तीमुथियुस बिरीया नोगरो दै रोए गौवै।

प्रेरितो कै काम 17:17

इथकारिए सै यहूदी सभा-घोरो दा यहूदी लोगौ औरौ बैगानै यहूदी भोक्‍त मुंजीदै औरौ चौको पांदी जू लोग भैटौ थिए, तिनुआरी रौज बैहसबाजी कौरेया कौरौ थिया।

प्रेरितो कै काम 17:34

पौरौ किछै आदमी तैसकै साथी मिल गौवै औरौ प्रभु पांदी बिशवाश कौरा; जिनु मुंजीदै दियुनुसियुस जू अरियुपगुस गुट का आदमी थिया, औरौ दमरिस नांव कै ऐक बैटमाणिश थी औरौ तिनकै साथै औकै बै किछै लोग थिए।

प्रेरितो कै काम 18:4

औरौ पौलुस हर विशांव कै दूसै यहूदी सभा-घोरो दा बैहस-बाजी कौरेयौ यहूदी औरौ यूनान देश कै लोगौ खै यीशु मसीह पांदी बिशवाश कौरणौ कारिए सौमझांव थिया।

प्रेरितो कै काम 19:10

दो सालो तौड़ी ऐशैखैई हौंदौ रो, इथै तौड़ी कै एशिया प्रदेश कै रौणौवाल़ै यहूदी लोगै औरौ यूनान देश कै रौणौवाल़ै सौबी लोगै प्रभु का वचन शौणै पोऊवा।

प्रेरितो कै काम 2:44

औरौ सौबै बिशवाश कौरणौवाल़ै कौठै रौंव थिए, औरौ तिनुकैईं जू चीज़ौ थी तिथमुंजी सौबी का साझा थिया।

प्रेरितो कै काम 21:28

“ओए रै इस्राएल देश कै लोगौ, मौदद कौरौ; ऐजा सैजाई आदमी औसौ, जू लोगौ खै, औरौ मूसा कै कानून खै, औरौ ऐसी ठाँव कै खिलाफ दो हर जौगैह सौबी लोगौ खै शिखांव, इथै तौड़ी कै बैगानै यहूदी लोगौ खै बै मन्दिर दै लायौ तैणै ऐसी पवित्र ठाँव कै अपवित्र कौरे राए।”

प्रेरितो कै काम 28:24

तोबै किछै लोगै पौलुस की बातौ पांदी बिशवाश कौरा औरौ किछै लोगै बिशवाश नी कौरी।

प्रेरितो कै काम 4:23

पतरस औरौ यूहन्ना रिहा हौणौ कै बाद आपणै साथियो कै धोरे ओऊवे, औरौ जू किछै मुख्य यहूदी पुरोहित औरौ बुड़ेईके तिनुकै बौल़ै राए थियु, तिनुकै शुणाए दियु।

2 कुरिन्थियों 8:5

औरौ आमुए ऐशै सोंचै बै ना रैई थी, कै सै ऐशैखै दैय सौकौ, यानी सौबी दो आगै तिनुऐ आपी खै प्रभु कै सेवा कारिए चौढ़ाए दियै। इथकै बाद तिनुऐ पौरमेशवर कै इछा शै अमारै जैशणौ हौणौ कारिए आपी खै चौढ़ाए दियै।