प्रेरितो कै काम 17:32 - सिरमौरी नौवाँ नियम

³² मौरेयौंदे मुंजीदा जियुंदी हौणौ की बात शोणेयो किछै लोग तौ ठाटा कौरदै लागै औरौ कैतरै लोगै बौल़ौ, “ऐजै बात आमै तांव कैईंदै हौजौ कोलो शुणदै।”

Sirmouri

³² मरियों ऊबे जीऊदें हणों वाल़ी बातो शुँणियों, बादे आदमी ठाठे पाड़दे लागे; अरह् कंई ऐं बुलो, “ऐजी बातो आँमें ताँव कैई शी हजो जादा शुँण्णीं चहाँव।”

प्रेरितो कै काम 17:32 ပူးပေါင်းရင်းမြစ်များ

लूका 14:18

पौरौ सै सौबै कै सौबै भानै बाणदै लागै, ऐकीए तैसी बौल़ौ, ‘मोऐं बागड़ी मोलै लोए रैई, औरौ जौरुरी औसौ कै तिथु हांव दैखु, हांव तुंआदै बिन्ती कौरु, कै मुखै माफ कौरे दै।’

लूका 22:63

जिनु आदमीए यीशु कै पाकड़ी राए थिया, सै तैसकै ठाटै पाड़ियो पीटदै लागै

लूका 23:11

तोबै राजा हेरोदेस आपणै सिपाहियो कै साथै तैसकी बैज्जती कौरेयौ तैसकै ठाटै उड़ाएयों, औरौ शाही भड़कीले खोटणो बाम्बायो तैसी पिलातुस कै धोरे पाछु छाड़ै दिया।

लूका 23:36

सैनिक बै नेड़िक आयौ औरौ खाटे अंगूरो का रस दैयौ तैसका ठाटा पाड़ैयो बौल़ै लौ थियु,

प्रेरितो कै काम 13:41

“ओए रै नेंदैया कौरणौवाल़ौ, दैखौ, औरौ हैरान हौं, औरौ मिट जाव; जिथुकै हांव तोंवारै दूसौ दा ऐक काम कौरु; ऐशणा काम, कै जै कुणिए तुऔं शै तैसखै चौर्चा कौरौ, तौ तुऐं कौलोंई बै बिशवाश ना कौरदै।”

प्रेरितो कै काम 17:18

तोबै सैजै गुरुजी जू इपिकूरी औरौ स्‍तोईकी कौरेयौ जाणै जांव थिए, औरौ तिनुमुंजी दै किछै तैसीआरी बैहस कौरदै लागै, “ऐजा बकवादी का बौताणौ चांव?” पौरौ ओकीए बौल़ौ, “सै ओकी देवताओं का प्रचारक जाणियौ,” जिथुकै सै यीशु का औरौ मौरेयौंदे मुंजीदा जियुंदी हौणौ का सुसमाचार शुणांव थिया।

प्रेरितो कै काम 17:31

जिथुकै तैणै ऐक दूस ठोराए राए, जिंदै सै तैसी आदमी लैई धार्मिकता शै दुनिया का न्याय कौरदा, जैसी तैणै ठोराए राए, औरौ तैसी मौरेयौंदे मुंजीदा जियुंदा कौरेयौ कै इयौं बातौ का सबूत सौबी लोगौ खै दैय राए।”

प्रेरितो कै काम 17:33

तैसी सौमय पौलुस तिनकै बीच पौरैशा आगु हौटा।

प्रेरितो कै काम 2:13

पौरौ ओकी लोगै ठाटै पाड़ैयो बौल़ौ, “ऐजै तौ नौवें सुरो कै नोशे दै पागल हौए रौवै।”

प्रेरितो कै काम 24:25

जोबै पौलुसे जू पौरमेशवर कै सामणै साचा औसौ औरौ आपणी इछावं पांदी काबू राखौ औरौ पौरमेशवर दवारा आणौवाल़ै न्याय कै बारै मुंजी बौताणौ शुरु कियु, तौ फेलिक्से डौरेयौ जोवाब दिया, “इबी तौ तू जा; जोबै मुंकैई सौमय हौला, हांव आपी ताखै बोईददा।”

प्रेरितो कै काम 25:19

पौरौ तिनुमुंजी सिरफ आपणै धरम खै लोयो औरौ यीशु नांव का ऐक आदमी कै बारै मुंजी किछै मनमुटाव थिया, जैसकै मौत हौए रोए; पौरौ पौलुस दावा कौरौ की सै जियुंदी औसौ।

प्रेरितो कै काम 26:8

तोबै पौलुसे भीड़ दै सौबी यहूदी लोगौ खै बौल़ौ, तुऔं ऐजै बात नामुमकिन काए लागौ कै पौरमेशवर मौरेयौंदे लोगौ खै औटेयौ जियुंदी कौरे सौकौ?

1 कुरिन्थियों 1:23

पौरौ आमु तौ उपदैश दियु कै मसीह कै अमारै पापौ शै छुड़ाणो कारिए क्रूसो पांदी मौरणौ जू यहूदी लोगौ कारिए ढैस कै बौजैह, औरौ बैगानै यहूदी लोगौ कारिए मूर्खता औसौ।

1 कुरिन्थियों 15:12

इथकारिए ऐबै हांव तुऔं कैईंदु ऐजौ पूछणु चोऊं: जिथुकै आमै सौबीए तुऔं मुंजी ऐजाई प्रचार कौरे राए कै जोबै मसीह मौरे गौआ तौ पौरमेशवरे तैसी औटेयौ मौरेयौंदे मुंजीदा जियुंदी कौरे दिया।

1 कुरिन्थियों 4:10

लोग आमु मूर्ख मानौ जिथुकै आमु मसीह कै बारै मुंजी उपदैश दियु, पौरौ तुऐं गौलती शै सुंचौए कै तुऐं बैजाए बुध्दिमान मसीह औसौ। बैजाए लोग मानौए कै आमुकैंई औधिकार ना आथी। पौरौ तुऐं गर्व शै बौल़ौए कै तुऔं कैई पौरमेशवर कै शौकतै औसौ। लोग अमारा आदर ना कौरौ पौरौ सै तोंवारा आदर कौरौ।

2 कुरिन्थियों 6:2

जिथुकै पवित्र शास्त्र दो पौरमेशवर बौल़ौ, “आपणै सोही सौमय पांदी मोऐं तैरी शौणै, औरौ मोक्ति कै दूसै मोऐं तैरै, मौदद कौरे।” शुणौ; ऐबै सोही सौमय औसौ, दैखौ, ऐबै मोक्ति कौ दूस औसौ।

इब्रानियों 11:36

किछै लोगौ खै तौ ठाटा; औरौ कौड़ै का सामणा कौरणा पौड़ा औरौ किछै कै शांगुल़ी दै बांनैयौ कोयदखाने दै पाए दियै।

इब्रानियों 13:13

इथकारिए आव आमै बलिदान कै नियम कै छोड़ेयौ यीशु पांदी बिशवाश कौरु औरौ डैरै कै बायरै जोऊं, जिथै लोग ना रौंव जैशै तैणै नेंदैया सैहन कौरे, तैशै ही आमु बै नेंदैया सैहन कौरु।