प्रेरितो कै काम 17:24 - सिरमौरी नौवाँ नियम

²⁴ जैसी पौरमेशवरे दुनिया औरौ तिथमुंजी सौबै चीज़ौ बाणी, सै स्वर्ग औरौ धोरती का स्‍वामी हौयौ हाथौ कै बौणैयौंदे मन्दिरो दा ना रौंव।

Sirmouri

²⁴ जेने पंण्मिश्वर ऐ संईसारी अरह् ईन्दें की बादी चींजो बंणाऐ थई, से स्वर्ग अरह् धर्ती का स्वामी-माँलिक हऐयों, हाथो की बाँणी अंदी कोसी भी देऊँठी दा ने रंऐ सक्दा;

प्रेरितो कै काम 17:24 ပူးပေါင်းရင်းမြစ်များ

मत्ती 11:25

तौलोंई यीशुए बौल़ौ, “ओए रै पिता, स्वर्ग औरौ धोरती कै प्रभु, हांव तैरा धन्यवाद कौरु, कै तुऐं इनु बातौ खै ज्ञानी लोगौ औरौ सौमझदारो कैईंदी छिपायो राखै रैई, औरौ नानड़िया पांदी प्रगट कौरी।

मत्ती 5:34

पौरौ हांव तुऔं खै ऐजौ बुलू कै कौलोंई शौं नै खाया, ना तौ स्वर्ग कै जिथुखै सै पौरमेशवर का सिंहासन औसौ।

लूका 10:21

तैसी सौमय यीशु पवित्र आत्मा दा हौयौ खुशी शै भोरै गौआ, औरौ बौल़ौ, “ओए रै पिता, स्वर्ग औरौ धोरती कै प्रभु, हांव तैरा धन्यवाद कौरु, कै तुऐं इनु बातौ खै ज्ञानी लोगौ औरौ सौमझदारो कैईंदी छिपायो राखै रैई, औरौ नानड़िया पांदी प्रगट कौरी, हौर बै, ओए रै पिता पौरमेशवर जिथुखै ताखै ऐजौ आछौ लागौ।

यूहन्ना 1:1

इयौं सारै दुनिया कै बाणणौ दै औगौड़ियौ ऐजौ थियु, जैसी वचन बौल़ै जांव, सैजा पौरमेशवर कै साथै थिया, औरौ सैजा पौरमेशवर थिया।

प्रेरितो कै काम 14:15

“ओए रै लोगौ, तुऐं का कौरौ? आमुए बै तौ तुऔं साए दुख-सुख भुगतणो वाल़ै आदमी औसौ, औरौ तुऔं सुसमाचार शुणौऊं, कै तुऐं इनु बैकार कै चीज़ौ शै जौई हौयौ जियुंदै पौरमेशवर कै ढौबौ आंव, जैणै स्वर्ग औरौ धोरती औरौ समुन्द्र औरौ जू किछै तिंदु औसौ बाणै राए।

प्रेरितो कै काम 4:24

ऐजौ शोणेयो, तिनुऐ ऐक मन हौयौ कै जोर शै पौरमेशवर कै बौल़ौ, “ओए रै प्रभु, तू सैजाई औसौ जैणै स्वर्ग औरौ धोरती औरौ समुन्द्रो औरौ जू किछै तिथमुंजी औसौ बौणाए राए।

प्रेरितो कै काम 7:48

पौरौ सौबीदा बौड़ा पौरमेशवर हाथौ कै बाणैयोंदै मंदिरो दा ना रौंव, जैशैखै यशायाह पौरमेशवर कै बातौ बौताणौवाल़ै कै पवित्र शास्त्र दो लैखै राए, कै

रोमियों 1:19

इथकारिए लोग आसानी शै पौरमेशवर कै बारै मुंजी सोही तरीकै शै सौमझै सौकौ थिए, जिथुकै पौरमेशवरे आपणै बारै मुंजी साफ-साफ बौताए राए।

इब्रानियों 1:2

पौरौ इनु आखरी दूसौ दी आमुआरी आपणै बैटै यीशु मसीह कै दवारा बातौ कौरी। पौरमेशवरे आपणै बैटै कै दवारा सारी दुनिया कै बाणै औरौ तैसीखै सौबी चीज़ौ का वारिस ठैहरोऊवा।

इब्रानियों 3:4

जिथुकै हरेक घौरौ का कुणिए ना कुणिए बाणणौवाल़ा हौंव, पौरौ जैणै सौबै ठुँ बाणै राए सै पौरमेशवर औसौ।

प्रकाशितवाक्य 20:11

तोबै मोऐं ऐक चिटा सिंहासन दैखा जिथपांदी पौरमेशवर बौठै रौआ थिया, पौरौ तिथै जिथै पौरमेशवर बौठै रौआ थिया, तिथैशै धोरती औरौ स्वर्ग सौबै गायब हौए गौवै, औरौ कोसीए बै तिनु औटेयौ ना दैखी।