प्रेरितो कै काम 17:23 - सिरमौरी नौवाँ नियम

²³ जिथुकै मोऐं घोमै-फिरीयो तुंआरी पूज़णो की चीज़ौ दैख लोई थी, तौ ऐक ऐशणी वेदी बै भैटी, जिथपांदी लैख राए थियु, ‘अणजाणै ईशवर कारिए।’ इथकारिए जिनु तुऐं बिना जाणै पूजौ, हांव तुऔं तैसका समाचार शुणौऊं।

Sirmouri

²³ किन्देंखे जबे मुँऐं रीट्दे-फिर्दे, तुँवारी पुज्णों की चींजो देखी लई थी, तअ ऐक ऐशी बैदी देखी, जिदो लिखी थो थियो, ‘अण्जाँण देव्त्ता की बैदी!’ ईन्देंखे तेसी देव्त्ता तुँऐं बिना जाँणें पूजों, अरह् हाँव तुँओं कैई तेसी ही देव्त्ते की खुषख्बरी शुँणाँदा आऐ रूवा।

प्रेरितो कै काम 17:23 ပူးပေါင်းရင်းမြစ်များ

मत्ती 15:9

इनकै आराधना कौरणै मुं कारिए मायनै ना राखौ, जिथुकै ऐजै लोग आदमी कै बाणैयौंदी आज्ञा खै मैरी आज्ञा बोताएयो शिखांव।’”

यूहन्ना 17:25

ओए रै धरमी पिता, दुनिया कै लोगै ताखै ना जाणी, पौरौ मोऐं ताखै जाणै राए, औरौ इनु चैलै बै जाणै पाए कै तुऐंई मुखै भैजै राए।

यूहन्ना 17:3

सौदा कै जिन्दगी ऐजै औसौ कै लोग ताखै जाणै सौकौ, बल्कि सिरफ एकमात्र साची पौरमेशवर कै। औरौ ऐजौ बै कै सैजै मुखै जाणौ, यानी यीशु मसीह कै, जैसी तुऐं भैजै राए।

यूहन्ना 4:22

तुऐं सामरी लोग जैसीकै ना जाणौ तैसकै आराधना कौरौ, औरौ आमै यहूदी लोग जैसीखै जाणुए तैसकै आराधना कौरु; जिथुकै उध्दार यहूदी लोगौ मुंजी औसौ।

यूहन्ना 8:54

यीशुए जवाब दिया, “जै हांव आपी आपणै तारीफ कौरु, तौ मैरी किछै तारीफ ना आथी, जू मैरै तारीफ कौरौ, सै मैरा पिता औसौ, औरौ तुऐं बौल़ौ, कै सै तोंवारा पौरमेशवर औसौ।

प्रेरितो कै काम 17:30

इथकारिए पौरमेशवरे लोगौ कै अज्ञानता कै सौमयो पांदी ध्यान ना दी, पौरौ ऐबै सौबी ठाँव दै सौबी आदमियों खै पाप कौरणै छोड़े दैणौ कै आज्ञा दैंव।

रोमियों 1:28

जिथुकै तिनुऐ पौरमेशवर कै अपनाणा मूर्खता सौमझै, इथकारिए पौरमेशवरे बै सैजै सौबै बुरै काम कौरणौ कै तिनु तिनकै निकम्मे मन कै हालत दै छोड़े दियै।

1 कुरिन्थियों 1:21

जिथुकै पौरमेशवरे आपणी बुध्दि लैई दैखै राए थियु कै आदमी कै ज्ञान कै हिसाब शै दुनिया तैसी कौलोंई ना जाणै पांदै, इथकारिए तैणै बिशवाश कौरणौवाल़ै खै बौचाणौ कारिए ऐसी सुसमाचार कै प्रचार का इस्तैमाल कौरे राए, पौरौ किछै लोग इथु मूर्ख मानौ।

1 कुरिन्थियों 8:5

पौरौ तोबै बै, स्वर्ग दै औरौ दुनिया पांदी कैई लोगौ खै ईशवर औरौ प्रभु बौल़ौ। पौरौ आमु कारिए ऐकैई पौरमेशवर औसौ औरौ सै अमारा पिता औसौ। तैणै सौबै ठुँ बाणै राए, औरौ आमै तैसकै दवारा जियुंदी औसौ। तैशैखैई, अमारा ऐक प्रभु औसौ औरौ सै यीशु मसीह औसौ। तैसी लैई सौबै ठुँ बौणै रौ थियु औरौ तैसकै दवारा आमै सौब जियुंदी औसौ।

इफिसियों 2:12

तुऐं लोग तैसी सौमय मसीह कै ना जाणौ थिए औरौ तुऐं पौरमेशवर कै चोणेयौंदे लोग इस्राएल देश कै जैशणै नागरिक कै रुप दै शामिल नै थी, पौरमेशवरे आपणै वायदै कै हिसाब शै जू कौरार यदूदी लोगौ आरी कौरे राए थै, तुऐं तिथकै बै भागीदार नै थी। औरौ तुऐं ऐसी दुनिया दै बिना आशा कै औरौ बिना ईशवर कै रौंव थिए।

2 थिस्सलुनीकियों 2:4

सै पौरमेशवर औरौ ओकी सौबै चीज़ौ कै जिनकै लोग पूजा कौरौ औरौ पौरमेशवर कै रुप दै सुंचौए, विरोध कौरदा औरौ सै दावा कौरदा कै सै तिनु सौबी शै जादा बौड़ा औसौ इथै तौड़ी कै सै पौरमेशवर कै मन्दिर दा बोठेयो आपी खै सौबिका पौरमेशवर बौतांदा।

1 तीमुथियुस 1:17

ऐबै हमैशा का राजा जू सौदा कारिए जियुंदी औसौ जैसी कुणिए ना दैख सौकौ, तैसी एकमात्र साची पौरमेशवर का आदर औरौ महिमा जुग-जुग हौन्दै रौंव। आमीन।

1 यूहन्ना 5:20

आमै ऐजौ बै जाणुए कै यीशु मसीह पौरमेशवर का बैटा इयौं दुनिया पांदी आए रौआ औरौ तैणै आमुखै सौमझ दैय राए कै आमै तैसी साची पौरमेशवर कै पौछेयाणु। जिथुकै आमै साची पौरमेशवर कै साथै औरौ तैसकै बैटै यीशु मसीह कै साथै बौणैयौंदे रौंव। यीशु मसीह ही साचा पौरमेशवर औरौ सौदा कै जिन्दगी औसौ।