प्रेरितो कै काम 17:19 - सिरमौरी नौवाँ नियम

¹⁹ तोबै सै तैसी आपणै साथी अरियुपगुस नांव कै ऐकी महासभा दै लौय गौवै औरौ पूछु, का आमुए जाणै सौकु, कै ऐजी नोऐं शिक्षा जू तू शुणाए, का औसौ?

Sirmouri

¹⁹ ईन्देंखे तिन्ऐं संत्त-पौलुस आप्णी गंईलो अरियुपगुस कैई नीयाँ, अरह् तेस कैई शो पुछ़ो; “कियों ऐजो आँमें भे जाँण्णों चहाँव, के ऐजी नंऐ शिक्षा जुण्जी तू आँमों कैई शी शुँणाँऐं ऐजी का शिक्षा असो?

प्रेरितो कै काम 17:19 ပူးပေါင်းရင်းမြစ်များ

मत्ती 10:18

तुऔं मुं कारिए राज्यपालो औरौ राजाओं कै सामणै तिनु पांदी, औरौ सौब देशो पांदी गवाह हौणौ कारिए पाहुंचाऐ जांदै।

मरकुस 1:27

इयौं बातौ लैई सौबै लोग हैरान हौयौ आपी मुंजी पूछदै लागै, “ऐजै का बात औसौ? ऐजा तौ नौवाँ ही उपदैश औसौ! सै औधिकारो कै साथै दुष्टआत्मा खै बै झिड़कै दैंव, औरौ सै तैसकै आज्ञा मानौ।”

यूहन्ना 13:34

हांव तुऔं ऐक बौड़ै आज्ञा दियु, कै ऐकी दुजैआरी प्यार राखैया। ऐशैखैई जैशै मोऐं तुऔं आरी प्यार राखा, तैशैकैई तुऐं बै ऐकी दुजैआरी प्यार कौरेया।

प्रेरितो कै काम 17:20

जिथुकै तू ओकबान्ती बातौ आमु शुणाए, इथकारिए आमुए जाणणौ चोऊं कै इनु बातौ का मतलब का औसौ?

प्रेरितो कै काम 17:22

तोबै पौलुसे अरियुपगुस नांव कै ऐकी महासभा दै खौड़ै हौयौ खै बौल़ौ, “ओए रै एथेंस शहर कै रौणौवाल़ै लोगौ, हांव दैखुए कै तुऐं हर बातौ दै देवताओं खै बौड़ै मानणोवाल़ै औसौ।

प्रेरितो कै काम 17:34

पौरौ किछै आदमी तैसकै साथी मिल गौवै औरौ प्रभु पांदी बिशवाश कौरा; जिनु मुंजीदै दियुनुसियुस जू अरियुपगुस गुट का आदमी थिया, औरौ दमरिस नांव कै ऐक बैटमाणिश थी औरौ तिनकै साथै औकै बै किछै लोग थिए।

प्रेरितो कै काम 23:19

सैनिक गुट कै ठोगड़े तैसका हाथ पाकड़ेयो, औरौ तैसी जौई नियौ पूछु, “तू मुंकैई का बौलणौ चांए?”

प्रेरितो कै काम 24:24

किछै दूसौ कै बाद फेलिक्स राज्यपाल आपणै घोरवाल़ी द्रुसिल्ला खै, जू यहूदिनी थी, साथै नियौ कैसरिया नगर दा ओऊवा औरौ पौलुस खै बौएदैयौ तैसी बिशवाश कै बारै मुंजी जू मसीह यीशु पांदी औसौ, तैसीयांदो शुणु।

प्रेरितो कै काम 25:22

तोबै अग्रिप्पाए राज्यपाल फेस्तुस खै बौल़ौ, “हांव बै तैसी आदमी कै शुणणी चोऊं।” तैणै बौल़ौ, “तू दोतियो शौणै पांदा।”

प्रेरितो कै काम 26:1

राजा अग्रिप्पाए पौलुस खै बौल़ौ, “ताखै आपणै बारै मुंजी बौलणौ कि इजाज़त औसौ।” तोबै पौलुसे हाथ लैई इशारा कौरा औरौ आपणै बौचाव दा बौलांदा लागा,