प्रेरितो कै काम 17:18 - सिरमौरी नौवाँ नियम

¹⁸ तोबै सैजै गुरुजी जू इपिकूरी औरौ स्‍तोईकी कौरेयौ जाणै जांव थिए, औरौ तिनुमुंजी दै किछै तैसीआरी बैहस कौरदै लागै, “ऐजा बकवादी का बौताणौ चांव?” पौरौ ओकीए बौल़ौ, “सै ओकी देवताओं का प्रचारक जाणियौ,” जिथुकै सै यीशु का औरौ मौरेयौंदे मुंजीदा जियुंदी हौणौ का सुसमाचार शुणांव थिया।

Sirmouri

¹⁸ तबे इपिकूरी अरह् स्तोईकी दर्शण देख्णों वाल़े लोग, भे तेस्की गईलो सवाल जबाब कर्दे लागे; अरह् कंई लोगे ऐ बुलो, “ऐजा बकबादी का बुल्णों चहाँव?” परह् ओकी ऐ बुलो, के “ऐ कोसी ओकी देव्त्ते का प्रचार कर्णो वाल़ा हंणाँ” किन्देंखे के संत्त-पौलुस प्रभू यीशू का अरह् दुज़ाल़िऐं ऊबे जीऊँणों की खुषख्बरी शुँणाँव थिया।

प्रेरितो कै काम 17:18 ပူးပေါင်းရင်းမြစ်များ

मरकुस 9:14

जोबै यीशु औरौ तैसकै तीन चैलै ओकी चैलो कै धोरे पाछु ओऊवे, तौ तिनुऐ दैखौ तिनकै चोऊ ढौबौ खै बौड़ै भीड़ लागै रौए औरौ यहूदी शास्त्रीए तिनकै साथै बैहस कौरे लोए थी।

लूका 11:53

जोबै यीशुए आपणी बातौ बौल़ै पैई, तोबै यहूदी शास्त्री औरौ फरीसी लोग तैसकै इयौं बातौ शै बौहितै नराज हौए, औरौ तैसी सौमय तिनुऐ यीशु कैईंदै भौरिशै सवाल पूछै।

प्रेरितो कै काम 26:23

की मसीह खै दुख उठाणा पौड़दा, औरौ सै सौबिदा आगै मौरेयौंदे मुंजीदा जियुंदी हौयौ, यहूदी लोगौ औरौ बैगानै यहूदी लोगौ कारिए उध्दार कै पेयाशै का प्रचार कौरदा।”

प्रेरितो कै काम 4:2

सैजै बैजाए गुस्से हुवे जिथुकै पतरस औरौ यूहन्ना यीशु कै बारै मुंजी शिखांव थिए औरौ लोगौ खै शिखांव थिए कै जू लोग मौरे गौवै पौरमेशवर तिनु औटेयौ जियुंदी कौरे दैंदा, जैशै तैणै यीशु खै मौरेयौंदे मुंजीदा जियुंदी कौरे दिया।

प्रेरितो कै काम 5:42

इथकै बाद चोणेयौंदे चैलै हर दूस मन्दिरो दै औरौ घोरो-घोरो दै जायौ लगातार उपदैश शिखांदै औरौ सुसमाचार का प्रचार कौरौ थिए कै यीशु ही मसीह औसौ।

प्रेरितो कै काम 6:9

पौरौ किछै लोग स्तिफनुस कै खिलाफ हौए गौवै, सै तियौं यहूदी सभा-घोरो कै सदस्य थिए, जिथु गुलामी शै आज़ाद हौणौ बौल़ौ थिए, सैजै लोग कुरेन औरौ सिकन्‍दरिया शहरो शै औरौ किलिकिया औरौ एशिया प्रदेशो शै बै थिए। सैजै लोग स्तिफनुस कै साथै बैहसबाजी कौरदै लागै।

रोमियों 1:22

सैजै लोग आपी कै बुध्दिमान जतायो मूर्ख बौणै गौवै,

1 कुरिन्थियों 3:18

जै तुऔं मुंजीदै कुणिए बै इयौं दुनिया कै लोगौ कै राय दै सौमझदार औसौ, तौ तुऔं इयौं दुनिया कै लोगौ कै राय मुंजी आपी खै मूर्ख बाणणा पौड़दा, ताकि आमु पौरमेशवर कै राय दै सोही मायनै दै सौमझदार बौणै सौकु।

1 कुरिन्थियों 4:10

लोग आमु मूर्ख मानौ जिथुकै आमु मसीह कै बारै मुंजी उपदैश दियु, पौरौ तुऐं गौलती शै सुंचौए कै तुऐं बैजाए बुध्दिमान मसीह औसौ। बैजाए लोग मानौए कै आमुकैंई औधिकार ना आथी। पौरौ तुऐं गर्व शै बौल़ौए कै तुऔं कैई पौरमेशवर कै शौकतै औसौ। लोग अमारा आदर ना कौरौ पौरौ सै तोंवारा आदर कौरौ।

कुलुस्सियों 2:8

चौकश रौव कै कुणिए तुऔं तैसी बैकार कै ज्ञान औरौ झूठै धौखै कै दवारा फशाए नी दैंव जू आदमी कै भौवारो औरौ दुनिया की दैएयौंदी शिक्षा कै हिसाब शै औसौ, पौरौ मसीह कै हिसाब शै ना आथी।