प्रेरितो कै काम 17:14 - सिरमौरी नौवाँ नियम

¹⁴ तोबै बिशवाशी भाईए तावल़ा पौलुस खै विदा कौरा कै समुन्द्र कै किनारे बाटी आगु जा; पौरौ सीलास औरौ तीमुथियुस बिरीया नोगरो दै रोए गौवै।

Sirmouri

¹⁴ ईन्देंखे बिश्वाषी भाऐ-बंईणिऐं तेख्णी संत्त-पौलुस तेथै शा बिदा करा, के संमुन्द्रो के टिराँव्टी गाशी ज़ाँव; अरह् तबे सीलास अरह् तीमुथियुस तैथी बिरीया नंगर दे ही रूऐ।

प्रेरितो कै काम 17:14 ပူးပေါင်းရင်းမြစ်များ

मत्ती 10:23

जौल़ौ सै तुऔं खै ऐकी नगर दै सतालै, तौ ओकी नोगरो दै दौड़ै जाया। हांव तुऔं कै साचौ बुलू, की तुऐं इस्राएल देश कै सौबी नोगरो दै इबी तौड़ी हौटै बै ना रोली तोबै हांव आदमी का बैटा तुऔं दा आगै आए जांदा।”

प्रेरितो कै काम 1:15

औरौ तिनु दूसौ दै जोबै लमसम ऐक शौ बीश बिशवाशी कौठै थिए, तोबै पतरस तिनकै बीच मुंजी खौड़ै हौयौ बौलदा लागा।

प्रेरितो कै काम 15:22

तोबै यरूशलेम शहर दै सौबै कलीसिया समैंत चोणेयौंदे चैलै औरौ अगुवो खै आछौ लागौ, कै आपी मुंजीदै किछै आदमियों कै चुणो, यानी यहूदा जैसकौ औकौ नांव बरसब्‍बा औसौ, औरौ सीलास कै जू बिशवाशी भाईयों मुंजी जादा इजतदार थिया; औरौ तिनु पौलुस औरौ बरनबास कै साथी अन्‍ताकिया शहर दै कलीसिया कै धोरे भैजै।

प्रेरितो कै काम 16:1

तोबै पौलुस औरौ सिलास दिरबे औरौ लुस्त्रा शहर दै बै हौटै। तिथै तीमुथियुस नांव का ऐक चैला रौंव थिया। तैसकै माँ यहूदी बिशवाशी थी, पौरौ तैसका बापू यूनान देश का रौणौवाल़ा थिया।

प्रेरितो कै काम 17:10

बिशवाशी भाईए तौलोंई रातो रात पौलुस औरौ सीलास खै बिरीया नोगरो दै भैज दियै, औरौ सै तिथै पोंचैयो यहूदी लोगौ कै यहूदी सभा-घोरो दै हौटै।

प्रेरितो कै काम 17:15

सैजै लोग जिनुवै पौलुस खै नै लौआ थिया तैसकै साथै एथेंस शहर तौड़ी हौटै, पौरौ पौलुस कै इयौं आज्ञा कै बौजैह शै सै बिरीया नोगरो कै पाछु हौटै गौवै कै सीलास औरौ तीमुथियुस खै तावल़ै ही तैसकै धोरे भैजै दैंव।

प्रेरितो कै काम 17:4

तिनुमुंजी दै कैतरै यहूदी लोगै, औरौ पौरमेशवर का डौर मानणोवाल़ै बैगानै यहूदी लोगौ मुंजीदै बौहितै औरौ बौहुती सारी खास-खास बैटमाणिशै बिशवाश कौर पाए, औरौ पौलुस औरौ सीलास कै साथी मिलै गोई।

प्रेरितो कै काम 17:6

तिनु तिथै ना दैखियौ कै, तिनिए यासोने औरौ किछै बिशवाशी भाईयों खै नोगरो कै राज्यपालो कै धोरे खिंचैयौ लैयाए, तिनिए लैलियायो कै बौल़ौ “ऐजै लोग जिनुवै हर जौगैह पौरैशानी खोड़ी कोरी राए, इथै बै आए रौवै।

प्रेरितो कै काम 18:5

जोबै सीलास औरौ तीमुथियुस मकिदुनिया प्रदेश दै ओऊवे, तौ पौलुसे तोम्बू बाणणौ कै काम बंद कौरे दियै औरौ पौलुस वचन शुणाणौ कै धुनो दा लागैयो यहूदी लोगौ खै गवाही दैंव थिया कै यीशु ही मसीह औसौ।

प्रेरितो कै काम 19:22

इथकारिए आपणी सेवा कौरणौवाल़ै मुंजीदै तीमुथियुस औरौ इरास्तुस खै मकिदुनिया प्रदेश दै तिनुखै आपी दै औगौड़ियौ भैजै दियै, औरौ आपी किछै दूसौ तौड़ी एशिया प्रदेश कै इफिसुस शहर दा रौआ।”

प्रेरितो कै काम 20:3

जोबै तीन मीनै रौयौ कै तिथैदा जहाजो पांदी सीरिया प्रदेश कै ढौबौ जांदा लागै रौआ थिया, पौरौ तैणै शुणौ कै किछै यहूदी नेता तैसी बाटो पुंडा मारणौ कै ताको दै थिए औरौ इथकारिए तैणै मकिदुनिया प्रदेश शै हौयौ सीरिया प्रदेश खै जाणौ का फोयसला कौरा।

प्रेरितो कै काम 9:25

पौरौ राती खै शाऊल कै चैलै तैसीखै ऐक बौड़ै शैकड़ै दा बोठाल़ेयो ऐक पाथरो कै ऊंचे दीवार शै धैनै उतारे दिया जू दीवार पूरै शहर कै घेरो थै ऐशैखैई सै दमिश्क नगर शै बौचेयौ निकल़ै गौआ।

प्रेरितो कै काम 9:30

तोबै बाकी चैलै खै इयौं बातौ कै बारै मुंजी पोता चाला तौ तिनिए शाऊल खै कैसरिया शहर दा निया, औरौ तिथै तैसी कारिए जहाज शै तरसुस शहर खै जाणौ का जूगाड़ कौरा, जू तैसका आपणा शहर थिया।

1 तीमुथियुस 1:3

ओए रै तीमुथियुस जैशैखै तू जाणैए कै इफिसुस शहर दै किछै ऐशणै लोग औसौ जू गौलत शिक्षा दैंव। सै लगातार झूठी कहाणी औरौ पुराणिया कै बारै मुंजी शिखांव। जोबै हांव इफिसुस शहर शै मकिदुनिया प्रदेश दा जाणौ कारिए तैयार थिया, तौ मोऐं ताखै इफिसुस शहर दौ रौणौ कारिए बौल़ौ कै सै ऐशणै शिक्षा नी दैंव। जोबै सै ऐशणी बातौ शिखांव, तौ लोग तिनकै बारै मुंजी चौर्चा कौरौ। इथका नतीजा ऐजा औसौ कै तिनु शिखाणौ वाल़ै तिनु कामौ कै ना कौरे लैई जू पौरमेशवरे तिनु दैय राए थिए, जिनु सै सिरफ पौरमेशवर पांदी भोरोशा कौरेयौ कौरे सौकौ।

तीतुस 1:5

हांव ताखै इथकारिए क्रेते टापू दा छोड़ेयौ ओऊवा थिया ताकि तू तिथै की कलीसिया की मुसीबतौ कै ठीक कौरे सौकै जिनु ठीक कौरणौ का मुंकैई सौमय ना थी औरौ क्रेते टापू कै सौब शहर दै अगुवे कै चुणी पा। इथकै बारै मुंजी ताखै मैरी बौतायौंदे बातौ याद राखणी चैंई: