प्रेरितो कै काम 17:13 - सिरमौरी नौवाँ नियम

¹³ पौरौ जोबै थिस्सलुनीके शहर कै यहूदी लोग जाणै गौवै कै पौलुस बिरीया नोगरो दा बै पौरमेशवर का वचन शुणांवए, तौ सैजै तिथै आयौ बै लोगौ खै भड़काणे औरौ हलचल मौचांदै लागै।

Sirmouri

¹³ जबे थिस्सलुनीकियों के यहूदियों कैई ऐजा पता लागा; के संत्त-पौलुस ऐ बिरीया नंगर दा पंण्मिश्वर के बचन का प्रचार करी लुवा; तअ तबे से भे तेथै आऐयों लोग भड़्काँदें-दोरताँदे लागे।

प्रेरितो कै काम 17:13 ပူးပေါင်းရင်းမြစ်များ

मत्ती 23:13

“ओए रै कपटी यहूदी शास्त्रीयों औरौ फरीसी लोगौ तुऔं पांदी हाय, तुऐं लोगौ कारिए स्वर्ग कै राज्य का दवार बन्‍द कौरौ, ना तौ आपी तिन्‍दै जांव औरौ ना तिन्‍दै ओकी कै जाणौ दैंव।

लूका 12:51

का तुऐं सौमझौ कै हांव धोरती पांदी लोगौ मुंजी शान्तै लांदा आए रौआ? हांव तुऔं बुलू; ना, पौरौ लोगौ खै ऐकी दूजै शै जौई कौरदा आए रौआ।

प्रेरितो कै काम 14:2

पौरौ बिशवाश ना कौरणौवाल़ै यहूदी लोगै बैगानै यहूदी लोगौ कै मन बिशवाशी भाईयों कै खिलाफ दै भड़कौऊवे, औरौ बैर पौयदा कौर दिया।

प्रेरितो कै काम 17:1

तोबै पौलुस औरौ सीलास अम्‍फिपुलिस नोगर औरौ अपुल्‍लोनिया नोगर दै औटेयौ कै थिस्सलुनीके शहर दै ओऊवे, जिथै यहूदी लोगौ का ऐक यहूदी सभा-घोर थिया।

प्रेरितो कै काम 17:10

बिशवाशी भाईए तौलोंई रातो रात पौलुस औरौ सीलास खै बिरीया नोगरो दै भैज दियै, औरौ सै तिथै पोंचैयो यहूदी लोगौ कै यहूदी सभा-घोरो दै हौटै।

प्रेरितो कै काम 17:5

पौरौ यहूदी लोग जू ज़लन शै जौल़ै रौवै थिए तिनुऐ बाज़ारो पौरैशै लोगौ मुंजीदै कैई दुष्ट आदमियों खै आपणै साथी नियै, औरौ भीड़ लायौ खै नोगरो दा रोल़ा पाड़दै लागै, तिनुऐ यासोने कै घोरो पांदी हमला कौरा, पौलुस औरौ सीलास खै लोगौ कै सामणै लाणै चांव थिए।

प्रेरितो कै काम 20:4

इयौं यात्रा दै बिरीया नोगर कै पुरूर्स का बैटा सोपत्रुस औरौ थिस्‍सलुनीके शहर मुंजीदै अरिस्‍तर्खुस औरौ सिकुन्‍दूस, औरौ दिरबे नोगर का गयुस, औरौ लुस्त्रा नोगर शा तीमुथियुस, औरौ एशिया प्रदेश का तुखिकुस औरौ त्रुफिमुस आसिया तौड़ी अमारै साथी यात्री थिए।

प्रेरितो कै काम 21:27

जोबै सैजै सात दूस पूरै हौणौ पांदी थिए, तौ एशिया प्रदेश कै यहूदी लोगै पौलुस खै मन्दिर दा दैखैयो सौबी लोगौ खै उकसाए, औरौ पौलुसो कै उंढा थामा औरौ लैरौ मारदै लागै।

प्रेरितो कै काम 6:12

औरौ तिनुऐ स्तिफनुस कै खिलाफ लोगौ औरौ बुड़ेईको औरौ यहूदी शास्त्री कै उकसाए औरौ तिनुऐ आयौ स्तिफनुस कै थाम्बैयौ महासभा कै धोरे निया।

2 कुरिन्थियों 11:26

हांव बार-बार यात्राओं दा; नोंदी कै खतरै दा; डाकुओं कै खतरै दा; बैगानै यहूदी कै खतरै दा; नोगरो कै खतरै दा, जोंगलो कै खतरै दा; समुन्द्र कै खतरै दा, झूठै बिशवाशियौं कै बीच कै खतरै दा रौआ;