प्रेरितो कै काम 17:11 - सिरमौरी नौवाँ नियम

¹¹ ऐजै लोग तौ थिस्सलुनीके शहर कै यहूदी लोगौ शै ठोगड़े थिए, औरौ तिनुऐ बौड़ै चाव शै वचन खै अपनोऊवा, औरौ हर रौज पवित्र शास्त्र पौरैशौ जांचदै रौवै कै ऐजी बातौ साची औसौ कै ना आथी।

Sirmouri

¹¹ ऐजे लोग तअ थिस्सलुनीकियों के यहूदियों शे जादा भले थिऐ, अरह् से बंडी हिछ़या शे प्रभू यीशू के बचन शुंणों थिऐ; अरह् तियों संच्चाई की जाँच-परख कंर्णों खे रोज पबित्र-ग्रन्थों का अध्यन कंरियों तिन्देंके खोज करह् थिऐ।

प्रेरितो कै काम 17:11 ပူးပေါင်းရင်းမြစ်များ

मत्ती 13:23

औरौ जू बड़िया जोमीनो पांदी बौए राए थिए, ऐजै सैजै लोग औसौ; जू पौरमेशवर का वचन शोणेयो सौमझौ औरौ आपणै जीवन दै कैई फोल़ लांव। जैशैकै तीस गुणा बिज़ वाल़ै पोधै, साठ गुणा बिज़ वाल़ै, औरौ शौ गुणा बिज़ वाल़ै पोधै।

लूका 1:2

तिनुऐ सैजौ लिखु जू आमुखै तिनु लोगै बौताए राए थियु, जिनुवै यीशु कै सेवा कै शुरुआत शै दैख राए थिया औरौ जू बाद मै पौरमेशवर कै वचन कै सेवक बौणै गौवै।

लूका 11:3

आमु रौज कै रोटी हर दूस दैया कौर।

लूका 16:29

अब्राहमै तैसी बौल़ौ, ‘तिनकै धोरे चिताए दैणौ कारिए मूसा कै कानून औरौ पौरमेशवर कै बातौ बौताणौवाल़ै की किताबो औसौ, तिनु तिनकौ शुणणौ चैंई औरौ तिनुकै मानेबा पाप कौरणै छोड़णे चैंई।’

लूका 24:44

हौजौ तैणै तिनु बौल़ौ, “ऐजी मैरी सैजी बातौ औसौ, जू मोऐं तोंवारै साथै रौंदै बैई तुऔं कै बौल़ै रैई थी, कै जौरुरी औसौ, कै जैतरी बातौ मूसा कै कानून दी औरौ पौरमेशवर कै बातौ बौताणौवाल़ै औरौ भजन संहिता कै किताबो दी, मैरै बारै मुंजी लैखै रैई, सौबै सच साबित हों।”

यूहन्ना 3:21

पौरौ जू सौचाई पांदी चालौ, सै पेयाशो कै नेड़िक आंव, ताकि तैसकै काम प्रगट हौए जांव कै जू पौरमेशवर चांव सैजौ कौरौ।”

यूहन्ना 5:39

तुऐं पवित्र शास्त्र कै ध्यान शै पोढ़ो, जिथुकै तुऐं सुंचौ कै तिंदी तुऔं कै सौदा कै जिन्दगी भैटौए, औरौ ऐजा सैजाई औसौ, जू मैरी गवाही दैंव।

प्रेरितो कै काम 10:33

तोबै मोऐं तावल़ै तैरै धोरे लोग भैजै, औरौ तुऐं ठीक कियु जू आए गौआ। ऐबै आमु सौबै इथै पौरमेशवर कै सामणै औसौ, ताकि जू किछै पौरमेशवरे ताखै बौल़ै राए सैजौ शुणु।”

प्रेरितो कै काम 11:1

तोबै चोणेयौंदे चैलै औरौ बिशवाशी भाईए जू यहूदिया प्रदेश दै थिए शुणु, कै बैगानै यहूदीए बै पौरमेशवर का वचन मानै पाए।

प्रेरितो कै काम 17:1

तोबै पौलुस औरौ सीलास अम्‍फिपुलिस नोगर औरौ अपुल्‍लोनिया नोगर दै औटेयौ कै थिस्सलुनीके शहर दै ओऊवे, जिथै यहूदी लोगौ का ऐक यहूदी सभा-घोर थिया।

प्रेरितो कै काम 2:41

जू किछै पतरसे बौल़ौ जिनु लोगै तैसकी बातौ पांदी बिशवाश कौरा तिनुऐ बपतिस्मा लौआ; औरौ तैसी दूसै तीन हजार आदमी कै लमसम तिनु बिशवाशी कै गुट मुंजी जोड़े गौवै।

1 थिस्सलुनीकियों 1:6

तुऔं पांदी भारी कौल़ेश थिया, पौरौ तुऐं पवित्र आत्मा लैई खुशी कै साथै सुसमाचार का स्वागत कौरा। तुऐं अमारै उदारण औरौ प्रभु कै उदारण का पालन कौरा।

1 थिस्सलुनीकियों 2:13

आमै बै पौरमेशवर का धन्यवाद सौदा कौरु; कै जोबै अमारै दवारा पौरमेशवर कै सुसमाचार का सैजा सौंदेश शुणा जू आमुए तोंवारै बीच दा प्रचार कौरा, तौ तुऐं तैसी आदमियों का नी, पौरौ पौरमेशवर का सौंदेश सौमझेयौ स्वीकार कौरा औरौ ऐबै पौरमेशवर का ऐजा सौंदेश तुऔं दा काम कौरौ जू मसीह पांदी बिशवाश कौरौ।

2 थिस्सलुनीकियों 2:10

औरौ सै हर तरह कै बुरै काम औरौ तिनु लोगौ खै धौखा दैंदा जू पौरमेशवर कै दवारा नाश हौंदै जिथुकै सै तैसी सौचाई पांदी बिशवाश कौरणौ शै इन्कार कौरौ जू तिनु बौचाए सौकौ।

याकूब 1:21

इथकारिए सारै गंदगी औरौ बैरभाव कि बोढ़ोतरी खै दूर कौरेयौ पौरमेशवरे कै वचन कै नम्रता शै मानै पाव, जैसी तुऐं दिल दा राखै राए थिया, औरौ जू तोंवारै जिन्दगी कै बौचाए सौकौ।

1 पतरस 2:2

हांव तोंवारै तुलना नानड़ै नानड़िया आरी कौरु। ऐक नानड़ो नानड़िया हमैशा माँ कौ दूध चांव ताकि मोजबूत बौणौ। तैशैखैई तुऔं पौरमेशवर कै वचन शिखणौ कै इछा राखणै चैंई ताकि तुऐं मोजबूत बौणै सौकौ। तोबै आखिर दा, पौरमेशवर इयौं दुनिया कै बुरै चीज़ौ शै पूरी तरह शै बौचाए पांदा।