प्रेरितो कै काम 16:7 - सिरमौरी नौवाँ नियम

⁷ सै मूसिया प्रदेश कै नेड़िक पोंचैयो कै, बितूनिया प्रदेश जाणौ चांव थिए; पौरौ यीशु कै आत्माए तिनु जाणौ ना दी।

Sirmouri

⁷ अरह् तिन्ऐ मूसिया ईलाके के नंजीक पंह्ऊँचियों, बितूनिया दो ज़ाँणों चहाँव; परह् प्रभू यीशू की आत्त्मा ऐ तिनू ज़ाँणों ने दिती।

प्रेरितो कै काम 16:7 ပူးပေါင်းရင်းမြစ်များ

लूका 24:49

औरौ हांव आपी तुऔं दै पवित्र आत्मा कै छाड़दा, जैसीकै छाड़णौ का वादा मैरै बापूए कौरे राए। पौरौ जांव तौड़ी तुऔं स्वर्ग पौरैशै अनौखी शौकतै ना भैटौ, तांव तौड़ी इयौंई नोगरो दै रौकैयौंदे रौव।”

प्रेरितो कै काम 16:8

इथकारिए सै मूसिया प्रदेश दै हौयौ कै बंदरगाह वाल़ै त्रोआस शहर दै ओऊवे।

प्रेरितो कै काम 8:29

तोबै पवित्र आत्माए फिलिप्‍पुस कै बौल़ौ, नज़दीक जायौ ऐसी रथ कै साथी हांड।

रोमियों 8:9

पौरौ जोबै कै पौरमेशवर का पवित्र आत्मा तुऔं दा बौसौ, तौ तुऐं पापी स्‍वभाव कै काबू दै ना आथी, पौरौ पवित्र आत्मा कै काबू दै औसौ। जै कोसी दी मसीह कै आत्मा ना आथी तौ तैसका मसीह शै नाता ना आथी।

गलातियौं 4:6

जिथुकै आमु पौरमेशवर कै संतान औसौ, इथकारिए तैणै आपणै बैटै कै आत्मा खै अमारै दिल दै भैजै राए, जू आत्मा पौरमेशवर खै, “ओए रै अब्बा, ओए रै पिता” बौलेयौ पुकारौ।

फिलिप्पियों 1:19

जिथुकै हांव जाणुए कै तोंवारै बिन्ती कै दवारा औरौ पवित्र आत्मा जू यीशु मसीहे छाड़ै राए, तैसकै दवारा मोदद का प्रतिफल मैरै उध्दार कारिए काम कौरदा।

1 पतरस 1:1

हांव पतरस, जू यीशु मसीह का चोणेयौंदा चैला औसौ, मोऐं ऐजी चिट्ठी लैखै लोए, मोऐं ऐजी चिट्ठी पौरमेशवर कै चोणेयौंदे तिनु लोगौ खै लैखै लोए जू कै पुन्‍तुस, गलातिया, कप्‍पदूकिया, एशिया, औरौ बितूनिया प्रदेशो कै कैई शहरो दै प्रदेशी कै जैशणै रौंव।

1 पतरस 1:11

मसीह का आत्मा पौरमेशवर कै बातौ बौताणौवाल़ै दा थिया, जू मसीह खै दुखो औरौ तिनु दुखो कै भैटणौ वाल़ी महिमा कै बारै मुंजी तिनु आगै शै बौतांव थिया, तिनुऐ ऐजौ जाणणौ कै कौचिश कौरे कै आत्माए तिनु का दिखाए लौ थियु, ऐजी सौबै बातौ कोलो हौंदी औरौ ऐजी कैशै पूरी हौंदी।