प्रेरितो कै काम 16:34 - सिरमौरी नौवाँ नियम

³⁴ औरौ तैणै तिनु आपणै घोरे नियौ कै, तिनु खाणौ कै दियु, औरौ सौबी कुड़बे समैंत पौरमेशवर पांदी बिशवाश कौरेयौ सैजै सौबै जोणे बैजाए खुशी होवे।

Sirmouri

³⁴ तबे तेने ठाँणेंदार ऐ तिनू आप्णे कागी नींऐं अरह् तिनखे भोजन बंणाँया, अरह् बादे घराँने सहमेंत्त पंण्मिश्वर गाशी बिश्वाष करियों मंजा करा।

प्रेरितो कै काम 16:34 ပူးပေါင်းရင်းမြစ်များ

लूका 15:32

पौरौ ऐबै जोश्न मोनाया औरौ खुशी हौया जिथुकै ऐजा तैरा भाई मौरे गौआ थिया औरौ ऐबै जियुंदा औसौ; ऐजा हाँईची गौआ थिया, ऐबै भैटी गौआ।”

लूका 19:6

सै तावल़ा डाल़ो पौरैशा उदा उतरा औरौ यीशु कै आपणै घोरे लोए गौआ, औरौ खुशी शै तैसका स्वागत कौरा।

लूका 5:29

तोबै लेवीए आपणै घोरे तैसी कारिए ऐक बौड़ा भोज दिया, औरौ मामला लोणो वाल़ै औरौ कुणजैई औकै लोग बै जू तैसकै साथै खाणौ खांदै बौठै रौवै थिए, सोबै ऐक बौड़ै भीड़ थी।

प्रेरितो कै काम 11:14

सै तुऔं ऐशणी बातौ बोताला, जिथलैई पौरमेशवर ताखै औरौ तैरै घोराणे कै सौबी लोगौ खै बौचांदा।

प्रेरितो कै काम 16:15

औरौ जोबै तियैं आपणै कुड़बे समैंत बपतिस्मा लौआ, तौ तियैं बिन्ती कौरे, “जै तुऐं मुखै सौथीखै प्रभु कै बिश‍वाशनी सौमझौ, तौ चालैयौ मैरै घोरे रौव, औरौ सै आमु कै मौनायो कै लोय गौए।”

प्रेरितो कै काम 16:35

आगली झीशो तोबै राज्यपाले सिपाहियांगे बैवरा दिया कै तिनु आदमी कै छोड़ दैंव।

प्रेरितो कै काम 2:46

सै हर दूसै ऐक मन हौयौ मन्‍दिर कै आँगणो दै कौठै हौं थिए औरौ घोर-घोर प्रभु भोज कौरदै बैई खुशी मौनांदै औरौ नम्र मन शै खाणौ खांव थिए।

प्रेरितो कै काम 8:39

जोबै सै पाणी मुंजीदै निकल़ैयो बायरै ओऊवे, तौ प्रभु का आत्मा फिलिप्‍पुस खै टिपयौ लोय गौआ, औरौ खोज़े तैसी हौजौ ना दैखी, औरौ सै खुश हौआ कै पौरमेशवरे तैसीखै बौचाए पाए औरौ आपणै देश कै पाछु हौटै गौआ।

रोमियों 15:13

हांव प्रार्थना कौरु कै पौरमेशवर जू आशा का दाता औसौ तैसी पांदी तुंआरै बिशवाश कौरणौ कै बौजै शै सै तुऔं पूरी तरह शै आनन्द औरौ शान्तै शै भौरी दैंव, कै पवित्र आत्मा कै अनौखी शौकतै लैई तुंआरै आशा बौढ़दै जांव।

रोमियों 5:11

औरौ सिरफ ऐजौ नी, पौरौ ऐबै तौ अमारै प्रभु यीशु मसीह दवारा पौरमेशवर आरी अमारा मैल-मिलाप हौए रौआ; इथकारिए आमु पौरमेशवर दै खुशी औसौ।

रोमियों 5:2

अमारै बिशवाश की बौजैह शै, मसीहे आमु ऐसी अनुग्रह दै लाए राए जिथै आमै इबी खौड़ै औसौ, औरौ आमै निशोंक औरौ खुशी कै साथै पौरमेशवर कै महिमा कै साझा कौरणौ कै आशा दैखु।

गलातियौं 5:22

सैजै गुण जू पौरमेशवर कै आत्मा कै दवारा पौयदा हौंव, ऐजै औसौ प्यार, आनन्द, शान्तै, धीरज, औरौ दया, भोलाए, बिशवाश,

फिलिप्पियों 4:17

हांव ऐजौ इथकारिए ना लिखु कै हांव तुऔं कैईंदै पौयसै कै मौदद चोऊं पौरौ हांव चोऊं कै ऐजौ तिनु आछी चीज़ौ कै सूची मुंजी शामिल कौरौ जू तुऐं आगै दौ ही कौरे राए औरौ जिथकारिए पौरमेशवर तुऔं इनाम दैंदा।

फिलिप्पियों 4:4

प्रभु दै सौदा खुशी रौव; हांव हौजौ बुलू, खुशी रौव।

फिलेमोन 1:7

जिथुकै ओए रै बिशवाशी भाई, हांव बैजाए खुशी औरौ उत्साहित होऊं जोबै ओकीआरी तैरै प्यार कै दैखु, इथकारिए कै तैरै दवारा पौरमेशवर कै लोग तरो ताजा हौए जांव।

1 यूहन्ना 3:18

ओए रै प्यारे नानड़िया, तुऔं साची मौदद कौरेयौ ओकीआरी आपणा प्यार दिखाणा चैंई ना कै सिरफ प्यार कै बारै मुंजी बातौ कौरणी चैंई।