प्रेरितो कै काम 16:22 - सिरमौरी नौवाँ नियम

²² तोबै भीड़ कै लोग पौलुस औरौ सीलास कै खिलाफ दै कौठै हौयौ आए, औरौ राज्यपाले तिनकै खोटणो चिरेयौ कै खोले दिए, औरौ तिनु डैंगै शै मारणौ कै आज्ञा दै।

Sirmouri

²² तबे भीड़ के लोग संत्त-पौलुस अरह् सीलास के बिरूध दे कट्ठै हऐयों तिन्दें पिचराल़िऐं, अरह् हाकमे तिनके खोट्णों चीरियों उडे खुलाऐ, अरह् बैत्त मार्णों की अज्ञाँ दिती।

प्रेरितो कै काम 16:22 ပူးပေါင်းရင်းမြစ်များ

मत्ती 10:17

पौरौ लोगौ कैईंदै चौकश रौया, जिथु सै तुऔं खै महासभाओ दै निलै औरौ तुऔं यहूदी सभा-घोरो दै कौड़ै लान्दै।

मत्ती 27:26

इथपांदी तैणै बरअब्‍बा खै तिनु कारिए छोड़े दिया, औरौ यीशु दै कौड़ै लाएबा रोमी सैनिकौ खै दैय दिया, कै क्रूसो पांदी किलियों खत्म कौरौ।

लूका 12:11

जोबै लोग तुऔं यहूदी सभा-घोरो औरौ राज्यपाल औरौ औधिकारियो कै सामणै लौए जांदै, तौ फिकर नी कौरेया, कै आमुए कैशैखै का जोवाब दैणा या का बौलदै।

प्रेरितो कै काम 16:37

पौरौ पौलुसे तिनुखै बौल़ौ, “तिनुऐ आमु जू रोम शहर कै रौणौवाल़ै आदमी औसौ, दोषी जाणै बिना लोगौ कै सामणै मारै औरौ कोयदखाने दै खोटे औरौ ऐबै तिनुऐ आमु कै मेसो बाईंडे गाड़ै लौवै, ऐशै ना हौंदौ, पौरौ सै आपी आयौ कै आमु कै बायरै लोए जांव।”

प्रेरितो कै काम 17:5

पौरौ यहूदी लोग जू ज़लन शै जौल़ै रौवै थिए तिनुऐ बाज़ारो पौरैशै लोगौ मुंजीदै कैई दुष्ट आदमियों खै आपणै साथी नियै, औरौ भीड़ लायौ खै नोगरो दा रोल़ा पाड़दै लागै, तिनुऐ यासोने कै घोरो पांदी हमला कौरा, पौलुस औरौ सीलास खै लोगौ कै सामणै लाणै चांव थिए।

प्रेरितो कै काम 18:12

जोबै गल्‍लियो अखाया प्रदेश का राज्यपाल थिया तौ यहूदी लोग ऐक हौयौ पौलुस कै खिलाफ हौए गौवै, औरौ तैसी न्याय आसन कै सामणै लायौ बौलदै लागै,

प्रेरितो कै काम 5:40

तोबै तिनुऐ तैसकै बात मान पाए; औरौ चोणेयौंदे चैलै कै बोयदयो पिटौऊवे; औरौ तिनु ऐजै आज्ञा दै कै सै ऐलो शै यीशु कै नांव शै किछै नी बौलेया औरौ हौजौ तिनु छोड़े दिए।

2 कुरिन्थियों 6:5

आमु कौड़ै लैई मारै गौवै, कोयदखाने दै पाए, आमु भीड़ै भौंगराए। आमुए बैजाए मैहनत कौरे, आमु रात-रात भोरै बिजी रौवै, औरौ भूखै रौवै।

1 थिस्सलुनीकियों 2:2

तुऐं आपी बै जाणौए कै, तोंवारै धोरे आणौ शै आगै आमुए फिलिप्‍पी शहर दै जादा दुख सैहन कौरे राए, तोबै बै पौरमेशवरे आमुखै ऐशणै हिम्मत दैय राखै, कै आमै तोंवारै शहर कै लोगौ कै दवारा अमारा बैजाए विरोध हौणौ कै बावजूद बै तुऔं खै पौरमेशवर का सुसमाचार शुणौऊवा।

इब्रानियों 11:36

किछै लोगौ खै तौ ठाटा; औरौ कौड़ै का सामणा कौरणा पौड़ा औरौ किछै कै शांगुल़ी दै बांनैयौ कोयदखाने दै पाए दियै।

1 पतरस 2:24

जोबै मसीह मौरा, तौ अमारै पापौ कै बौजैह शै क्रूस पांदी तैसकै शोरीर खै सौजा दै। तैणै ऐशै इथकारिए कौरौ ताकि आमु पाप कौरणा बंद कौरे दियु औरौ धरमी जीवन जिणा शुरु कौरे दियु औरौ तिनु जख्मौ कै बौजैह शै जू मसीहे झैलै, आमै आत्मा, प्राण औरौ शोरीर दै ठीक हौए गौवै।