प्रेरितो कै काम 16:2 - सिरमौरी नौवाँ नियम

² औरौ लुस्त्रा औरौ इकुनियुम शहर कै बिशवाशी भाईटु मुंजी तैसका आछा नांव थिया।

Sirmouri

² अरह् लुस्त्रा अरह् इकुनियुम के भाई-बंईणों मुँझी से जाँणा-गिंणा आदमी थिया।

प्रेरितो कै काम 16:2 ပူးပေါင်းရင်းမြစ်များ

प्रेरितो कै काम 1:15

औरौ तिनु दूसौ दै जोबै लमसम ऐक शौ बीश बिशवाशी कौठै थिए, तोबै पतरस तिनकै बीच मुंजी खौड़ै हौयौ बौलदा लागा।

प्रेरितो कै काम 13:51

तोबै पौलुस औरौ बरनबास तिनकै सामणै आपणै लातो कै धूल झाड़ेयौ जिथका ऐजा मतलब औसौ कै पौरमेशवरे तिनु नकारै राए औरौ तिनु सौजा दैंदा औरौ सै इकुनियुम शहर कै हौटै गौवै।

प्रेरितो कै काम 14:1

इकुनियुम शहर दो ऐशै हौं कै पौलुस औरौ बरनबास यहूदी लोगौ कै सभा-घोरो दै साथ-साथ हौटै, औरौ ऐशणी बातौ कौरी कै यहूदियों औरौ बैगानै यहूदी लोगौ मुंजीदै बौहितै लोगै बिशवाश कौरा।

प्रेरितो कै काम 14:21

तिथकै बाद पौलुस औरौ बरनबास तैसी नोगर कै लोगौ खै सुसमाचार शुणायौ, औरौ बौहितै चैलै बाणैयो, इथकै बाद, सै आपणै बाटो बाटी पाछु जांदै लागै। सै औटेयौ लुस्त्रा शहर कै हौटै। तोबै सै तिथैदै इकुनियुम शहर खै हौटै, औरौ तोबै सै पिसिदिया प्रदेश कै अन्‍ताकिया शहर खै हौटै।”

प्रेरितो कै काम 14:6

तौ सै इयौं बातौ कै जाणै गौवै औरौ लुकाउनिया प्रदेश कै लुस्त्रा औरौ दिरबे नोगरो दै, औरौ नेड़िक-बेड़िक कै प्रदेशो दै दौड़ै गौवै।

प्रेरितो कै काम 16:40

सै कोयदखाने पौरैशै निकल़ैयो लुदिया कै घोरे हौटै, औरौ बिशवाशी भाईआरी भैटियो कै तिनु शान्तै दै, औरौ आगु हौटै।

प्रेरितो कै काम 6:3

इथकारिए ओए रै बिशवाशी भाईयों, आपी मुंजीदै सात इजतदार मर्दो कै जू पवित्र आत्मा औरौ बुध्दि शै भौरेयौंदे हौंव, जिनकै बारै मुंजी सौबै जोणे जाणौ हौलै, चोणे पाव, कै आमु तिनु ऐसी कामौ कै जुमैवारै सौंपै सौकु।

फिलिप्पियों 2:22

पौरौ तुऐं जाणौए कै तीमुथियुस का चाल चलन आछा औसौ। जैशै बैटा बापू कै साथै कौरौ, तैशैखैई तैणै सुसमाचार कै फौयलाणौ दै मैरै साथै मैहनत कौरे राए।

1 तीमुथियुस 3:7

औरौ कलीसिया शै बायरै कै लोगौ मुंजी बै तैसका आछा नांव हौणा चैंई। ताकि लोग तैसकै बारै मुंजी बुरी बातौ नी कौरौ औरौ शैतान तैसी आपणै जाल दा ना फौशांव।

1 तीमुथियुस 5:10

औरौ ओकी लोगौ कै इयौं बातौ कै पौछेयाण कौरणी चैंई कै तियैं सौदा आछै काम कौरे राए हौलै; जैशैखै, तियैं आपणै नानड़िया का पालन पोषण आछै तरह शै कौरे राए हौला, तियैं यात्रा कौरणौवाल़ै बिशवाशियौं का आपणै घोरे स्वागत कौरे राय हौला, तियैं ओकी बिशवाशियौं कै सेवा ऐक नौकराणी कै जैशणै कौरे राए हौलै औरौ तियैं तिनु लोगौ कै मौदद कौरे राए हौलै जू पौरैशानी दै थिए। तियैं हर तरह कै भले काम कौरणौ कारिए खुद कै पूरी तरह शै दैय राए हौला।

1 तीमुथियुस 5:25

तैशैखैई, जोबै लोग आछै काम कौरौ, तौ ऐजौ ओकी बिशवाशियौं कै दवारा साफ-साफ दैखियौं। औरौ जै सै तिनु ऐक बार बै साफ-साफ ना दैख सौकौ, तौ बाद दै सै तिनु जाणै ही पांदै।

2 तीमुथियुस 3:11

लोगै मुखै सोताए राए थिया, जिथकै बौजैह शै मोऐं दुख सैहन कौरा। तुऔं पौता औसौ कै अन्‍ताकिया, इकुनियुम औरौ लुस्त्रा शहर दै मुं पांदी कैशणै-कैशणै जूल्म हौवे, तोबै बै तिनु सौबी मुंजी शै प्रभुए मुखै छुड़ोऊवा।

2 तीमुथियुस 3:15

बचपन शै ही तू पवित्र शास्त्र कै जाणै, जू पौरमेशवर ताखै मसीह यीशु पांदी बिशवाश कौरणौ औरौ बौचाणौ कै ज्ञान दैणौ लायक औसौ।

इब्रानियों 11:2

अमारै पुराणिया का ऐशणा बिशवाश थिया। सिरफ इयौं बौजैह शै पौरमेशवर तिनुदा खुशी थिया।