प्रेरितो कै काम 16:18 - सिरमौरी नौवाँ नियम

¹⁸ सै बौहितै दूसौ तौड़ी ऐशैखैई कौरदै रोए, पौरौ पौलुस पौरैशान हौआ, औरौ पाछु फिरैयौ तियौं दुष्टआत्मा कै बौल़ौ, “हांव ताखै यीशु मसीह कै नांव शै आज्ञा दियु कै तू इयौं पौरैशै आगु जा औरौ सै तियौं घोड़ियो दै आगु हौटै गौए।”

Sirmouri

¹⁸ से बैजाऐ देसो तोड़ी तेष्णों ही कर्दी रंऐ; अरह् संत्त-पौलुस तिदा दुखी हुआ, अरह् तेने पाछू फीरियों तियों दुष्ट-आत्त्मा खे बुलो, “हाँव ताँव्खे यीशू मसीया के नाँव शी अज्ञाँ देऊँ, के ईयों शी निक्ल़ी ज़ा” अरह् से तियों शी तेख्णी नीकल़ी गऐ।

प्रेरितो कै काम 16:18 ပူးပေါင်းရင်းမြစ်များ

मत्ती 14:24

तियौं घोड़ी दै किश्‍ती गलील झील कै बीच मुंजी लैहरो दै डगमगाऐ रौए थी, जिथु हावा बैरवें कै थी।

मरकुस 1:34

तैणै बौहितै खै जू कैई भान्त कै बीमारियों लैई दुखी थिए, ठीक कौरे; बौहितै दुष्टआत्माओं खै गाड़ी; औरौ दुष्टआत्माओं खै बौल़ाणौ ना दी, जिथुकै सै तैसीखै पोछैयाणौ थी। कै यीशु ही पौरमेशवर का बैटा औसौ।

मरकुस 16:17

औरौ बिशवाशियौं खै चौमत्कार कौरणौ कै शौकतै दै जांदी औरौ तिनुमुंजी ऐजै निशान हौंदै कै, सै मैरै नांव शै दुष्टआत्मा खै बाईंडी गाड़लै; औरौ हांव तिनु नुई-नुई भाषा बौलणौ कै लायक बौणाऊंबा।

लूका 9:1

तोबै तैणै बारौ चैलै खै बौएदैयौ तिनु सौबी दुष्टआत्माओं औरौ बीमारियों कै दूर कौरणौ कै अनौखी शौकतै औरौ औधिकार दिया।

प्रेरितो कै काम 3:6

तोबै पतरसे बौल़ौ, “चांदी औरौ सूनु तौ मुंआगै ना आथी पौरौ जू मुंआगै औसौ; सैजौ हांव ताखै दियु; नासरत गांव कै यीशु मसीह कै नांव शै ऊबा बिज़ औरौ हांडदा फिरदा लाग।”

प्रेरितो कै काम 9:34

पतरसे तैसी बौल़ौ, “ओए रै ऐनियास! यीशु मसीह ताखै ठीक कौरौ। बिज़, आपणा बिछाणा टिप।” तोबै सै तौलोंई ऊबा बिज़ा औरौ खौड़ा हौआ।

कुलुस्सियों 2:15

औरौ पौरमेशवरे मसीह कै क्रूस पांदी मौरणौ कै दवारा दुनिया कै औधिकारो औरौ प्रधानताओं कै हरायो तिनु सौबी कै सामणै बैज्जत कौरे औरौ तिनु पांदी जीतेयो तिनका खुलैआम तमाशा बाणा।