प्रेरितो कै काम 16:14 - सिरमौरी नौवाँ नियम

¹⁴ औरौ लुदिया नांव कै थुआतीरा शहर कै मोंगे बैंगनी रंगो कै खोटणो बिकणोवाल़ी ऐक बैटमाणिश जू पौरमेशवर कै भोक्‍ती कौरणौवाल़ै थी, ऐजी बातौ शौणै लोए थी। प्रभुए तियौंका मन खोले दिया, ताकि पौलुस की बातौ पांदी ध्यान लांव।

Sirmouri

¹⁴ लुदिया नाँव का थुआथीरा नंगर की बतिया के रंगो के खट्णों बिकणों वाल़ी, ऐक भगतिण तिरंई ऐं अमाँरी बातो शुँणी लई थी। अरह् प्रभू ऐ तियारा मंन खुली दिता, के संत्त-पौलुस की बातो गाशी मंन लाँव।

प्रेरितो कै काम 16:14 ပူးပေါင်းရင်းမြစ်များ

लूका 24:45

तोबै तैणै पवित्र शास्त्र सौमझाणौ कारिए तिनकै मौदद कौरे।

यूहन्ना 12:20

तिथै कुणिए यूनानी देश कै लोग थिए, जू फसह कै तैयारो कै सौमय आराधना कौरणौ कारिए यरूशलेम शहर दै आए रौवै थिए।

प्रेरितो कै काम 10:2

सै पौरमेशवर कै भोक्‍ती कौरौ थिया, औरौ आपणै सौबै कुड़बे समैंत पौरमेशवर शै डौरौ थिया, औरौ गरीब यहूदी लोगौ कै बैजाए दान दैंव थिया, औरौ हमैशा पौरमेशवर शै प्रार्थना कौरौ थिया।

प्रेरितो कै काम 11:21

औरौ प्रभु कै शौकतै तिनु पांदी थै, औरौ बौहितै बैगानै यहूदी लोगै तिनकै सौंदेश पांदी बिशवाश कौरा औरौ प्रभु यीशु पांदी बिशवाश कौरणा शुरु कौर दिया।

प्रेरितो कै काम 13:43

औरौ जोबै सभा-घोरो शै सौबवे हौटै गौवै तौ यहूदी नेता औरौ यहूदी मत दै आएयौंदे भोक्‍तो मुंजीदै भौरिशै पौलुस औरौ बरनबास कै पौछौड़ियौ हौए गौवै; औरौ तिनुऐ तिनुआरी बातौ कौरेयौ सौमझाए, कै पौरमेशवर कै अनुग्रह दै बौणैयौंदे रौव।

प्रेरितो कै काम 13:50

पौरौ यहूदी नेताए भोक्‍त औरौ पौरमेशवर का डौर मानणोवाल़ी बैटमाणिशौ खै औरौ नगर कै खास लोगौ कै उकसोऊवे, औरौ पौलुस औरौ बरनबास कै खिलाफ तरकीब बाणैयौ तिनु आपणै इलाके शै बायरै निकाल़ै दियै।

प्रेरितो कै काम 16:40

सै कोयदखाने पौरैशै निकल़ैयो लुदिया कै घोरे हौटै, औरौ बिशवाशी भाईआरी भैटियो कै तिनु शान्तै दै, औरौ आगु हौटै।

प्रेरितो कै काम 18:7

औरौ सै यहूदी सभा-घोरो दा हांडेयो तीतुस यूस्‍तुस नांव कै पौरमेशवर कै ऐकी बैगानै यहूदी भोक्‍तो कै घोरे शिखांदा ओऊवा, जैसकौ घोर सभा-घोर कै धोरे थियु।

प्रेरितो कै काम 8:27

सै बिज़यो चाल पौड़ा औरौ कूश देश का ऐक आदमी जांदा लागै रौआ थिया जू ऐक खोजा थिया औरौ खास औधिकारी थिया। जू कूशियो की राणी कन्दाके का मंत्री औरौ खोजांची थिया, (कूश देश कै लोग राणी कै आपणी भाषा दै कन्दाके बौल़ौ थिए) औरौ आराधना कौरणौ कारिए यरूशलेम शहर दा आए रौआ थिया।

रोमियों 9:16

इथकारिए पौरमेशवर सैजा आदमी चुणदा, जैसी पांदी सै दया दिखाणौ का फोयसला लोंव; पौरमेशवर कै पसंद इयौं बातौ कै भरोशै ना रौंव कै लोग का चांव या का कौरणौ कै कौचिश कौरौ।

फिलिप्पियों 2:13

जिथुकै पौरमेशवर ही औसौ, जू तुऔं मुंजी काम कौरौ औरौ सैजाई तुऔं काम कौरणौ कै इछा औरौ शौकतै दैंव जू तैसीखै खुश कौरौ।

प्रकाशितवाक्य 1:11

“आवाज़ै बौल़ौ, जू किछै तू दैखै, तिथु किताब दो लिखयो तिनु सात कलीसियाओं खै भैज जू इनु शहरो दै औसौ: यानी कै इफिसुस, स्मुरना, पिरगमुन, थुआतीरा, सरदीस, फिलदिलफिया, औरौ लौदीकिया खै।”

प्रकाशितवाक्य 3:20

शुणौ, तोंवारै मन दै रौणौ कारिए, हांव तैसी आदमी कै जैशणा औसौ जू घोर कै बायरै खौड़ा औसौ औरौ दरवाज़ा खटखटांव। जै तुऐं मैरी आवाज़ खै शुणौए औरौ मैरै खातिर आपणा मन खोलो तौ हांव भीतरै आन्दा औरौ आमु ऐकी-दूजै कै साथै संगति कौरदै।

प्रकाशितवाक्य 3:7

फिलदिलफिया शहर कै कलीसिया कै स्‍वर्गदूत खै ऐजा सौंदेश लिख: ऐजा सौंदेश तैसकै ढौबौशा औसौ जू पवित्र औरौ साचा औसौ, सैजौ जैसी कैई दाऊद कै राज्य पांदी औधिकार औसौ। जै सै दरवाज़ा खोलो, तौ कुणिए बै तैसी बंद ना कौरे सौकौ। औरौ जै सै तैसी बंद कौरे दैंव, तौ कुणिए बै तैसी खोले ना सौकौ, हांव जू बुलूए सैजौ शुण,