प्रेरितो कै काम 16:12 - सिरमौरी नौवाँ नियम

¹² तिथैदै आमु फिलिप्‍पी शहर पौऊंचै, जू मकिदुनिया प्रदेश का मुख्य नोगर, औरौ रोम देश कै लोगौ की बोस्‍ती औसौ; औरौ आमुए तैसी नोगरो दै कुछैक दूसौ तौड़ी रौवै।

Sirmouri

¹² तेथै शे आँमें फिलिप्पी दे पंहईचे, जुण्जा मकीदुनिया का इलाके का खास नंगर अरह् रोमियों के बस्ती असो; अरह् आँमें तेसी नंगर दे किऐ देसो तोड़ी रूऐ।

प्रेरितो कै काम 16:12 ပူးပေါင်းရင်းမြစ်များ

प्रेरितो कै काम 16:10

पौलुस का ऐजा दर्शन दैखदै ही आमुए तौलोंई मकिदुनिया प्रदेश जाणौ चोऊ, ऐजौ सौमझेयौ कै पौरमेशवरे आमु तिनु सुसमाचार शुणाणौ कारिए बौएदै राए।

प्रेरितो कै काम 16:21

औरौ ऐशणै भोवार बौताए लौवै, जिनु अपनाणै या मानणै आमु रोम शहर कै रौणौवाल़ै कारिए ठीक ना आथी।”

प्रेरितो कै काम 16:9

तिथै पौलुसे राती कै ऐक दर्शन दैखा कै ऐक मकिदुनिया प्रदेश का रौणौवाल़ा आदमी खौड़ा हौआ, तैसीयादै बिन्ती कौरेयौ बौलदा लागा, “समुन्द्र कै पार जायौ कै मकिदुनिया प्रदेश दा आ, औरौ अमारै मौदद कौर।”

प्रेरितो कै काम 18:5

जोबै सीलास औरौ तीमुथियुस मकिदुनिया प्रदेश दै ओऊवे, तौ पौलुसे तोम्बू बाणणौ कै काम बंद कौरे दियै औरौ पौलुस वचन शुणाणौ कै धुनो दा लागैयो यहूदी लोगौ खै गवाही दैंव थिया कै यीशु ही मसीह औसौ।

प्रेरितो कै काम 19:21

जोबै ऐजी बातौ हौए गोई तोबै पौलुसे फोयसला कौरा कै मकिदुनिया औरौ अखाया प्रदेशो कै बिशवाशियौं आरी भैटिणौ कै बाद यरूशलेम शहर कै जोऊंबा, औरौ बौल़ौ, “यरूशलेम शहर जाणौ कै बाद मैरै राजधानी रोम शहर खै बै दैखणौ जौरुरी औसौ।

प्रेरितो कै काम 19:29

औरौ सारै नोगरो दा बोईता रोल़ा मोचाए दिया औरौ लोगै मकिदुनिया प्रदेश कै रौणौवाल़ै गयुस औरौ अरिस्‍तर्खुस, खै जू पौलुस कै साथी यात्री थिए, पाकड़ै दियै, औरौ ऐक साथै रंगशाला दै दौड़ै गौवै।

प्रेरितो कै काम 20:1

जोबै रोल़ा बोन्‍द हौए गौआ तौ पौलुसे चैलै खै बौएदैयौ हिम्मत दै, औरौ तिनकै धोरे दा आगु जायौ कै मकिदुनिया प्रदेश कै ढौबौ हौटा।

प्रेरितो कै काम 20:3

जोबै तीन मीनै रौयौ कै तिथैदा जहाजो पांदी सीरिया प्रदेश कै ढौबौ जांदा लागै रौआ थिया, पौरौ तैणै शुणौ कै किछै यहूदी नेता तैसी बाटो पुंडा मारणौ कै ताको दै थिए औरौ इथकारिए तैणै मकिदुनिया प्रदेश शै हौयौ सीरिया प्रदेश खै जाणौ का फोयसला कौरा।

प्रेरितो कै काम 20:6

पौरौ आमु दुए बाटी बाट हौयौ फिलिप्‍पी शहर कै यात्रा कौरे औरौ अखमीरी रोटी कै तैयारो कै बाद फिलिप्‍पी शहर शै पाणी कै जहाज पांदी बौठेयो पाँची दूसौ दै त्रोआस शहर दै तिनकै धोरे पौऊंचै, औरौ साती दूसौ तौड़ी तिथी रौवै।

प्रेरितो कै काम 27:2

अद्रमुतियुम शहर को ऐक जहाज जू एशिया प्रदेश कै जाणौ पांदी थियु, तिथ जहाज पांदी आमुए आपणी समुन्द्री यात्रा शुरु कौरे औरौ अमारै साथै अरिस्‍तर्खुस नांव का ऐक आदमी बै थिया जू मकिदुनिया प्रदेश दा थिस्‍सलुनीके शहर का रौणौवाल़ा थिया।

रोमियों 15:26

जिथुकै मकिदुनिया औरौ अखाया प्रदेशो कै लोगै आपणी इछा शै ऐशै कौरणौ का फोयसला कौरा, जू यरूशलेम शहर दै पौरमेशवर कै लोग औसौ औरौ जू गरीब औसौ तिनुकै किछै दान दैंव।

फिलिप्पियों 1:1

मोऐं पौलुसे तीमुथियुस कै साथै ऐजै चिट्ठी लैखै लौए औरौ आमै मसीह कै सेवक औसौ। मोऐं ऐजै चिट्ठी फिलिप्‍पी शहर दै रौणौवाल़ै कलीसिया कै सौबी ठोगड़े कै औरौ सेवको सहित पौरमेशवर कै पवित्र लोगौ कारिए लैखै लौए।

फिलिप्पियों 1:5

इथकारिए कै तुऐं ऐसी यीशु मसीह कै बारै मुंजी जू सुसमाचार औसौ तिथ पांदी बिशवाश कौरा औरौ ऐलो तौड़ी तुऐं ऐसी सुसमाचार फौयलणौ खै मैरै साथै रौए रौवै।

1 थिस्सलुनीकियों 2:2

तुऐं आपी बै जाणौए कै, तोंवारै धोरे आणौ शै आगै आमुए फिलिप्‍पी शहर दै जादा दुख सैहन कौरे राए, तोबै बै पौरमेशवरे आमुखै ऐशणै हिम्मत दैय राखै, कै आमै तोंवारै शहर कै लोगौ कै दवारा अमारा बैजाए विरोध हौणौ कै बावजूद बै तुऔं खै पौरमेशवर का सुसमाचार शुणौऊवा।