प्रेरितो कै काम 15:9 - सिरमौरी नौवाँ नियम

⁹ औरौ बिशवाश कै दवारा तिनकै मन शुध्द कौरेयौ आमु मुंजी औरौ तिनुमुंजी कुणजाई फोरक ना राखै रैई।

Sirmouri

⁹ अरह् बिश्वाष के जाँणें तिनका मंन भे शुद्ध करियों, आँमों मुँझी अरह् तिनू मुँझी किऐ भेद्-भाव ने थंऐ थंई।

प्रेरितो कै काम 15:9 ပူးပေါင်းရင်းမြစ်များ

प्रेरितो कै काम 10:15

तैसकै दुजाल़ियो आवाज़ शौणै, “जू किछै पौरमेशवरे शुध्द कौरे राए, तिथु तू अशुध्द नी बौल।”

प्रेरितो कै काम 10:28

पतरसे तिनुकै बौल़ौ, “तुऐं जाणौए, कै बैगानै यहूदी लोगौ कै संगति कौरणै या तिनकै इथै जाणौ आमु यहूदी लोगौ कारिए अमारै कानून कै खिलाफ औसौ, पौरौ पौरमेशवरे मुखै बौताए राए कै कोसी आदमी कै अपवित्र या अशुध्द ना बुलू।

प्रेरितो कै काम 10:34

तोबै पतरसे बौल़ौ, ऐबै मुखै बिशवाश हौए गौआ, कै पौरमेशवर कोसी का पक्ष ना लोंव,

प्रेरितो कै काम 11:12

तोबै पवित्र आत्माए मुखै निशोंक हौयौ तिनुआरी जाणौ कारिए बौल़ौ, औरौ ऐजै छौ भाई बै मैरै ही साथी हौए गौवै, औरौ आमु तैसी आदमी कै घोरे दै हौटै।

प्रेरितो कै काम 14:1

इकुनियुम शहर दो ऐशै हौं कै पौलुस औरौ बरनबास यहूदी लोगौ कै सभा-घोरो दै साथ-साथ हौटै, औरौ ऐशणी बातौ कौरी कै यहूदियों औरौ बैगानै यहूदी लोगौ मुंजीदै बौहितै लोगै बिशवाश कौरा।

प्रेरितो कै काम 14:27

अन्‍ताकिया शहर पोंचैयो, तिनुऐ कलीसिया कौठै कौरे औरौ बौतौऊ, कै पौरमेशवरे अमारै साथी हौयौ कैशणै बौड़ै-बौड़ै काम कौरे! औरौ कैशैखै पौरमेशवरे बैगानै यहूदी लोगौ खै यीशु मसीह पांदी बिशवाश कौरणौ कै लायक बाणै।

रोमियों 3:22

यानी आमै पौरमेशवर कै सामणै धरमी तोबै बौणु जोबै आमै यीशु मसीह पांदी बिशवाश कौरु। जिथुकै पौरमेशवर सौबी कै साथै ऐक जैशणा बर्ताव कौरौ;

रोमियों 3:9

आमै का बौल़ै सौकु? का आमै यहूदी लोग, गैर यहूदी लोगौ शै आछोड़ै औसौ? ना! बिल्कुल नी! जिथुकै आमै यहूदी लोगौ औरौ बैगानै यहूदी लोगौ दुईनै पांदी ऐजा दोष लाए राए कै सै सौब कै सौब पापौ की शौकतै कै हवाले औसौ।

रोमियों 9:24

चाहै यहूदी लोग हौंव या बैगानै यहूदी लोग हौंव, आमु सैजै चोणेयौंदे लोग औसौ जिनु पौरमेशवरे चोणे राए।

1 कुरिन्थियों 1:2

मोऐं ऐजै चिट्ठी कुरिन्‍थुस शहर दै प्रभु कै कलीसिया कै लैखै लौए, जिनुखै पौरमेशवर आपणै लोगौ कै रुपो दै यीशु मसीह कै साथै एकजुट कौरे राए, तैणै तुऔं आपणै पवित्र लोग हौणौ कारिए बौएदै राए; जैशै तैणै तिनु सौबी लोगौ कै चोणे राए जू अमारै प्रभु यीशु मसीह कै सेवा कौरौ जिथुकै सै आमु सौबिका प्रभु औसौ।

1 कुरिन्थियों 7:18

उदारण कारिए जोबै ऐक यहूदी प्रभु यीशु पांदी बिशवाश कौरौ, तौ तैसी आपणै यहूदी हौणौ कै छौड़णौ कै जौरुरत ना आथी। औरौ ऐशैखैई ऐजौ बै कै जै कुणिए आदमै जू बैगानै यहूदी औसौ, औरौ प्रभु पांदी बिशवाश कौरौ, तौ तैसी यहूदी बौणणौ कारिए खतना कौरणौ कै जौरुरत ना आथी।

गलातियौं 3:28

मसीह दै ऐक यहूदी या बैगानै यहूदी लोग या ऐक दास या ऐक आज़ाद आदमी कै बीच मुंजी कुणजाई अंतर ना आथी। इथमुंजी कुणजाई भैदभाव ना आथी कै तुऐं ऐक मर्द औसौ या बैटमाणिश औसौ। आमै सौबै मसीह यीशु दै ऐक जैशणै औसौ।

गलातियौं 5:6

जै तुऐं मसीह यीशु कै चैलै औसौ तौ इयौं बातौ लैई किछै फर्क ना पौड़ौ कै तोंवारा खतना हौए रौआ कै ना हौए रैई। पौरौ बैजाए खास बात ऐजी औसौ कै आमु मसीह पांदी बिशवाश कौरु औरौ पौरमेशवर औरौ ओकी लोगौ कै प्रति प्यार राखु।

इफिसियों 3:6

औरौ भैद ऐजा औसौ कै यीशु मसीह कै साथै अमारै सौमबंध की बौजैह शै सुसमाचार कै दवारा यहूदी लोगौ कै जैशणै बैगानै यहूदी लोग बै तिनु आशीषौ कै पांदै, औरौ जू ऐकी शोरीर का हिस्सा औसौ औरौ पौरमेशवर कै कौरेयौंदे वादै दै बै भागीदार औसौ।

कुलुस्सियों 3:11

ऐसी बौजैह शै ऐक यूनान देश कै रौणौवाल़ै लोगौ कै बीच कुणजाई भैदभाव ना आथी औरौ ना यहूदी लोगौ मुंजी, ना खतना कौरणौवाल़ौ मुंजी, ना बिना खतना कौरवाणौवाल़ै लोगौ मुंजी, ना विदेशी लोगौ मुंजी, ना असभ्य लोगौ मुंजी, ना दास औरौ ना गुलामो मुंजी कुणजाई भैदभाव औसौ, पौरौ मसीह ही सौबै ठुँ औसौ औरौ सै आपणै सौबी लोगौ मुंजी रौंव।

1 पतरस 1:22

तुऔं तोंवारै पापौ शै शुध्द कौरे राए ऐबै तुऔं आपणै साथी बिशवाशी शै खराई कै साथै प्यार कौरणा चैंई। औरौ ऐकी दुजैआरी जादा शै जादा औरौ पूरै मन शै प्यार कौरणा जारी राखौ।