प्रेरितो कै काम 15:4 - सिरमौरी नौवाँ नियम

⁴ जोबै सै यरूशलेम शहर दै पौऊंचै, तौ कलीसिया औरौ चोणेयौंदे चैलै औरौ अगुवे तिनुआरी खुशी हौयौ भैटियै, औरौ पौलुस औरौ बरनबासे बौतौऊ कै पौरमेशवरे तिनकै साथी हौयौ कैशणै-कैशणै काम कौरे राए थिए।

Sirmouri

⁴ जबे से यरूशलेम दे पह्ईचे, तअ कलीसिया अरह् खास-चैले अरह् माँने-गीणें बुड़े बुजूर्गो ऐ तिनकी गईलो मंजे शे भेंटिऐ, अरह् तिन्ऐं बुलो, के पंण्मिश्वर ऐ तिनकी गईलो रंह्ऐयों केष्णें-केष्णें काँम-काज़ करी थुऐ।

प्रेरितो कै काम 15:4 ပူးပေါင်းရင်းမြစ်များ

मत्ती 10:40

“जू कुणिए मैरै नांव शै तुऔं खै अपनांव, सै मुखै अपनांव; औरौ जू कुणिए मुखै अपनांव, सै पौरमेशवर कै अपनांव, जैणै मुखै छाड़ै राए।

प्रेरितो कै काम 11:30

तिनुऐ ऐशैखैई कौरौ; औरौ बरनबास औरौ शाऊल कै हाथौ अगुवो कै धोरे किछै पौयसा भैज दिया।

प्रेरितो कै काम 14:27

अन्‍ताकिया शहर पोंचैयो, तिनुऐ कलीसिया कौठै कौरे औरौ बौतौऊ, कै पौरमेशवरे अमारै साथी हौयौ कैशणै बौड़ै-बौड़ै काम कौरे! औरौ कैशैखै पौरमेशवरे बैगानै यहूदी लोगौ खै यीशु मसीह पांदी बिशवाश कौरणौ कै लायक बाणै।

प्रेरितो कै काम 15:12

तोबै सारी सभा चुपी हौयौ पौलुस औरौ बरनबास कै शुणदै लागै, कै पौरमेशवरे तिनकै दवारा बैगानै यहूदी लोगौ मुंजी कैशणै बौड़ै-बौड़ै निशान औरौ अनौखै काम दिखाए।

प्रेरितो कै काम 15:2

जोबै पौलुस औरौ बरनबास का तिनुआरी मनमुटाव औरौ बैहसबाजी हौए तौ ऐजा फौयसल़ा हौआ कै पौलुस औरौ बरनबास औरौ तिनुमुंजी दै किछै आदमी इयौं बातौ कै बारै मुंजी चौर्चा कौरणौ कारिए चोणेयौंदे चैलै औरौ अगुवो कै धोरे यरूशलेम शहर खै भैजै जांव।

प्रेरितो कै काम 15:22

तोबै यरूशलेम शहर दै सौबै कलीसिया समैंत चोणेयौंदे चैलै औरौ अगुवो खै आछौ लागौ, कै आपी मुंजीदै किछै आदमियों कै चुणो, यानी यहूदा जैसकौ औकौ नांव बरसब्‍बा औसौ, औरौ सीलास कै जू बिशवाशी भाईयों मुंजी जादा इजतदार थिया; औरौ तिनु पौलुस औरौ बरनबास कै साथी अन्‍ताकिया शहर दै कलीसिया कै धोरे भैजै।

प्रेरितो कै काम 15:3

औरौ कलीसिया कै लोगै तिनु बाटो पुंडे कै पौयसै औरौ खाणौ दियु; औरौ सै फीनीके प्रदेश औरौ सामरिया प्रदेश शै हौयौ कै कैशै बैगानै यहूदी लोग सुसमाचार शोणेयो मसीह दै बिशवाशी बोणदै लागै रौवै, औरौ इयौं बात लैई सौबै बिशवाशी भाईयों खै बैजाए खोशे हौए।

प्रेरितो कै काम 15:6

तोबै चोणेयौंदे चैलै औरौ अगुवे इयौं बातौ कै बारै मुंजी विचार कौरणौ कारिए कौठै हुवे।

प्रेरितो कै काम 16:4

पौलुस औरौ तैसकै साथी जोबै नोगरो-नोगरो जांव थिए तौ सै तिनु नियमौ कै जू यरूशलेम शहर कै चोणेयौंदे चैलै औरौ अगुवे बाणै राए थिए, तिनु नियम कै मानणौ कारिए बिशवाशियौं तौड़ी पौऊचांव थिए।

प्रेरितो कै काम 18:27

औरौ जोबै तैणै ठाणी पोऊँ कै पार ओतरेयो अखाया प्रदेश कै जोऊं तौ बिशवाशी भाईए तैसी जाणौ कारिए हौंसला दैयौ चैलै खै ऐक चिट्ठी लैखै कै सै तैसीआरी आछै शै भैटियो, औरौ अपुल्लोसे तिथै पौंचेयौ तिनु लोगौ कै बौड़ै मौदद कौरे जिनुवै अनुग्रह कै बौजैह शै बिशवाश कौरे राए थिया।

प्रेरितो कै काम 21:17

जोबै आमु यरूशलेम शहर दै पौऊंचै, तौ बिशवाशी भाई बौड़ै खुशी कै साथै आमुआरी भैटियै।

प्रेरितो कै काम 21:19

तोबै तैणै तिनु नमशकार कौरेयौ, जू-जू काम पौरमेशवरे तैसकै सेवा कै जरिए बैगानै यहूदी लोगौ मुंजी कौरे राए थिए, ऐक-ऐक कौरेयौ सौबै बौतौऊ।

रोमियों 15:18

जिथुकै मसीहे मैरै दवारा जू कौरे राए हांव ऐजौ बौलणौ कारिए हिम्मत वाल़ा औसौ, हांव बैगानै जाति कै लोगौ कै पौरमेशवर का पालन कौरवाणौ मुंजी काबिल औसौ। जोबै तिनुऐ मैरै शब्दो कै शुणै औरौ मैरै कामौ कै दैखै तिनुऐ यीशु मसीह पांदी भोरोशा कौरा।

रोमियों 15:7

इथकारिए, ऐकी दूजै कै अपनांव, तोबै, जैशैकै मसीहे तुऔं अपनाए राए, ताकि लोग पौरमेशवर कै तारीफ कौरौ।

1 कुरिन्थियों 15:10

इथकारिए हांव पौरमेशवर कै अनुग्रह लैई चोणेयौंदा चैला औसौ। औरौ तैसकै अनुग्रहे शै मैरै जीवन दा बोड़ा बदलाव आया। मोऐं औकै कोसी बै चोणेयौंदे चैलै शै बौढ़ेयौ मैहनत बै कौरे, तौ बै ऐजौ मैरै ढौबौशौ ना आथी पौरौ पौरमेशवर कै अनुग्रह मुखै तैसका काम कौरणौ दै मौदद कौरे।

2 कुरिन्थियों 5:19

यानी पौरमेशवरे सौबी लोगौ कै खातिर बाट बाणै लौए थै कै जू किछै मसीहे कौरे राए तैसकै दवारा शान्तै कायम कौरे सौकौ, औरौ लोगौ कै पापौ कै दोष तिनु पांदी ना लैई, औरौ पौरमेशवरे शान्तै कै बारै मुंजी तैसकै सौंदेश खै बांटणौ का काम आमु दैय राए।

2 कुरिन्थियों 6:1

पौरमेशवर कै सहयोगी हौणौ कै नातै आमै तुऐं लोगौ शै ऐजी बिन्ती कौरु कै पौरमेशवर का जू अनुग्रह तुऔं पांदी हौआ, तैसी बैकार ना हौणौ दैव।

कुलुस्सियों 4:10

अरिस्‍तर्खुस जू मैरै साथै कोयदखाने दा औसौ, औरौ मरकुस जू बरनबास का चचेरा भाई लागौ। ऐजै तुऔं लोगौ खै नमशकार कौरौ। (हांव जाणुए कै तुऔं कै आगैई मरकुस कै बारै मुंजी बौताए राए कै जै सै तोंवारै धोरे आंव तौ तैसीआरी आछै शै बर्ताव कौरेया)।

2 यूहन्ना 1:10

जै कुणिए आदमी तोंवारै धोरे आंव औरौ सै ऐजै शिक्षा नै दैंव, ना तौ तैसी घोरे आणौ दैव औरौ ना तैसी नमशकार कौरेयौ बौढ़ावा दैव।