प्रेरितो कै काम 15:39 - सिरमौरी नौवाँ नियम

³⁹ तिनुमुंजी ऐशणै बैहस हौए कै पौलुस औरौ बरनबास ऐकी दूजै शै जौई हौए गौवै; औरौ बरनबास, मरकुस कै नियौ जहाज शै साइप्रस टापू कै हौटै गौआ।

Sirmouri

³⁹ तबे: ईन्दें गाशी दुई मुँझी, ऐत्रा जादा मंत्त-भेद् हऐ गुवा; के से ओका ओकी शे ज़ोई हऐ गुऐ; तबे संत्त-बरनबास ऐ मरकुस आप्णी गंईलो नींहयों पाँणी के जहाँजो दे कुप्रुस टापु दे हुटे।

प्रेरितो कै काम 15:39 ပူးပေါင်းရင်းမြစ်များ

प्रेरितो कै काम 11:20

पौरौ तिनुमुंजी दै साइप्रस टापू कै रौणौवाल़ै किछै बिशवाशी औरौ कुरेन कै रौणौवाल़ै लोग थिए, जू अन्‍ताकिया शहर दै आयौ बैगानै यहूदी लोगौ खै बै प्रभु यीशु कै सुसमाचार की बातौ शुणादै लागै।

प्रेरितो कै काम 12:12

औरौ ऐजौ जाणैयौ कै पौरमेशवरे तैसी बौचाए दिया थिया पतरस तैसी यहून्ना कै जैसीखै मरकुस बै बौल़ौ तैसकी माँ मरियम कै घोरे ओऊवा, तिथै भौरिशै बिशवाशी लोग कौठै हौयौ प्रार्थना कौरे लोए थै।

प्रेरितो कै काम 15:2

जोबै पौलुस औरौ बरनबास का तिनुआरी मनमुटाव औरौ बैहसबाजी हौए तौ ऐजा फौयसल़ा हौआ कै पौलुस औरौ बरनबास औरौ तिनुमुंजी दै किछै आदमी इयौं बातौ कै बारै मुंजी चौर्चा कौरणौ कारिए चोणेयौंदे चैलै औरौ अगुवो कै धोरे यरूशलेम शहर खै भैजै जांव।

प्रेरितो कै काम 15:37

तोबै बरनबासे यहून्ना जैसीखै मरकुस बै बौल़ौ, साथ लोणो का विचार कौरा।

प्रेरितो कै काम 27:4

तिथैशै आमुए दुजाल़ियो यात्रा शुरु कौरे, औरौ बागूर बैरवें बौणौ की बौजैह शै आमै साइप्रस टापू की आड़ शै हौयौ होटै;

प्रेरितो कै काम 4:36

यूसुफ नांव का ऐक आदमी थिया। जू लेवी गोत्र का थिया औरौ तैसका जन्म साइप्रस टापू दा हौए रौआ थिया। जैसकौ नांव चोणेयौंदे चैलै बरनबास यानी शान्तै का बैटा राखै राए थियु।

प्रेरितो कै काम 6:1

तिनु दूसौ दै जोबै चैलै कै गिनती बौहितै बौढ़ गौए, तोबै इब्रानी भाषा बौलणोवाल़ै यूनानी भाषा बौलणोवाल़ै यहूदी बिशवाशी कै खिलाफ हौए गौवै, कै हर दूस कै पौयसै औरौ खाणौ कै सेवकाई दै अमारै विधवाओं कै दैख रैख ना कौरे जांव।

कुलुस्सियों 4:10

अरिस्‍तर्खुस जू मैरै साथै कोयदखाने दा औसौ, औरौ मरकुस जू बरनबास का चचेरा भाई लागौ। ऐजै तुऔं लोगौ खै नमशकार कौरौ। (हांव जाणुए कै तुऔं कै आगैई मरकुस कै बारै मुंजी बौताए राए कै जै सै तोंवारै धोरे आंव तौ तैसीआरी आछै शै बर्ताव कौरेया)।

याकूब 3:2

आमै सौबै बौहितै बैई चौकी जोऊं पौरौ जै कुणिए आदमै जू सै बौल़ौए तिथमुंजी कौलोंई गौलती ना कौरौ सैजाई तौ सिध्द आदमै औसौ, औरौ सै आपणै सौबी कामौ दा आपी खै काबू कौरे सौकौ।

1 पतरस 5:13

बाबेल शहर जू रोम देश दु औसौ तिथै कै बिशवाशी तोंवारा स्वागत कौरौ, जिनु पौरमेशवरे चोणे राए जैशै तैणै तुऔं चोणे राए। मरकुस, जू मैरा ऐक बैटै जैशणा औसौ, सै बै तोंवारा स्वागत कौरौ।