प्रेरितो कै काम 15:3 - सिरमौरी नौवाँ नियम

³ औरौ कलीसिया कै लोगै तिनु बाटो पुंडे कै पौयसै औरौ खाणौ दियु; औरौ सै फीनीके प्रदेश औरौ सामरिया प्रदेश शै हौयौ कै कैशै बैगानै यहूदी लोग सुसमाचार शोणेयो मसीह दै बिशवाशी बोणदै लागै रौवै, औरौ इयौं बात लैई सौबै बिशवाशी भाईयों खै बैजाए खोशे हौए।

Sirmouri

³ तबे: अंन्ताकिया की कलीसिया ऐं तिनू तेथै शे बिदा करे: तबे तिन्ऐं फीनीके अरह् सामरी ईलाके बाटी यात्रा करी; अरह् तेथै के भाऐ-बंईणों खे बुलो, के गऐर-यहूदी लोगे केशे दाँई आप्णें मंन बद्ल़े, अरह् ऐजो शुँणाँऐयों तिन्ऐ सोभी लोग आँनन्दित्त-खुशी करे।

प्रेरितो कै काम 15:3 ပူးပေါင်းရင်းမြစ်များ

लूका 15:32

पौरौ ऐबै जोश्न मोनाया औरौ खुशी हौया जिथुकै ऐजा तैरा भाई मौरे गौआ थिया औरौ ऐबै जियुंदा औसौ; ऐजा हाँईची गौआ थिया, ऐबै भैटी गौआ।”

प्रेरितो कै काम 1:15

औरौ तिनु दूसौ दै जोबै लमसम ऐक शौ बीश बिशवाशी कौठै थिए, तोबै पतरस तिनकै बीच मुंजी खौड़ै हौयौ बौलदा लागा।

प्रेरितो कै काम 13:48

ऐजौ शोणेयो बैगानै यहूदी खुश हुवे, औरौ पौरमेशवर कै वचन कै बौड़ाए कौरदै लागै, औरौ जैतरै सौदा कै जिन्दगी कारिए ठैहराए राए, तिनुऐ बिशवाश कौरा।

प्रेरितो कै काम 13:52

औरौ चैलै अन्‍ताकिया शहर दै खुशी शै औरौ पवित्र आत्मा शै भोरदै रौवै।

प्रेरितो कै काम 14:27

अन्‍ताकिया शहर पोंचैयो, तिनुऐ कलीसिया कौठै कौरे औरौ बौतौऊ, कै पौरमेशवरे अमारै साथी हौयौ कैशणै बौड़ै-बौड़ै काम कौरे! औरौ कैशैखै पौरमेशवरे बैगानै यहूदी लोगौ खै यीशु मसीह पांदी बिशवाश कौरणौ कै लायक बाणै।

प्रेरितो कै काम 15:1

तोबै किछै य‌हूदी बिशवाशी यहूदिया प्रदेश शै अन्‍ताकिया शहर खै आए औरौ बिशवाशियौं खै शिखांदै लागै कै, “जै मूसा कै कानून कै हिसाब शै तोंवारा खतना ना हौं तौ तुऐं उध्दार ना पाए सौकौ।”

प्रेरितो कै काम 15:12

तोबै सारी सभा चुपी हौयौ पौलुस औरौ बरनबास कै शुणदै लागै, कै पौरमेशवरे तिनकै दवारा बैगानै यहूदी लोगौ मुंजी कैशणै बौड़ै-बौड़ै निशान औरौ अनौखै काम दिखाए।

प्रेरितो कै काम 15:22

तोबै यरूशलेम शहर दै सौबै कलीसिया समैंत चोणेयौंदे चैलै औरौ अगुवो खै आछौ लागौ, कै आपी मुंजीदै किछै आदमियों कै चुणो, यानी यहूदा जैसकौ औकौ नांव बरसब्‍बा औसौ, औरौ सीलास कै जू बिशवाशी भाईयों मुंजी जादा इजतदार थिया; औरौ तिनु पौलुस औरौ बरनबास कै साथी अन्‍ताकिया शहर दै कलीसिया कै धोरे भैजै।

प्रेरितो कै काम 15:32

औरौ यहूदा औरौ सीलासे जू आपी बै पौरमेशवर कै बातौ बौताणौवाल़ै थिए, बौहिती बातौ शै बिशवाशी भाईयों खै उपदैश दैयौ मोजबूत कौरे।

प्रेरितो कै काम 15:4

जोबै सै यरूशलेम शहर दै पौऊंचै, तौ कलीसिया औरौ चोणेयौंदे चैलै औरौ अगुवे तिनुआरी खुशी हौयौ भैटियै, औरौ पौलुस औरौ बरनबासे बौतौऊ कै पौरमेशवरे तिनकै साथी हौयौ कैशणै-कैशणै काम कौरे राए थिए।

प्रेरितो कै काम 17:15

सैजै लोग जिनुवै पौलुस खै नै लौआ थिया तैसकै साथै एथेंस शहर तौड़ी हौटै, पौरौ पौलुस कै इयौं आज्ञा कै बौजैह शै सै बिरीया नोगरो कै पाछु हौटै गौवै कै सीलास औरौ तीमुथियुस खै तावल़ै ही तैसकै धोरे भैजै दैंव।

प्रेरितो कै काम 20:38

तिनुऐ खास कौरेयौ इयौं बातौ का दुख कौरे लौआ थिया, जू तैणै बौल़ै राए थी, कै तुऐं मुखै हौजौ ना दैखदै। औरौ तिनुऐ तैसी जहाजो तौड़ी छोड़ा।

प्रेरितो कै काम 21:5

साती दूसौ कै बाद जोबै तिथैदै अमारै जाणौ का सौमय ओऊवा, तौ आमुए तिथैदै चालै पौड़ै, औरौ सौबी बैटमाणिशौ औरौ नानड़िया समैंत तिनिए आमु नगर कै बायरै तौड़ी पोऊंचाए औरौ आमुए किनारे पांदी घुंडू नियुड़ाएयो प्रार्थना कौरे।

प्रेरितो कै काम 28:15

रोम शहर शै किछै बिशवाशी भाईए शुणु कै आमै तिथै आन्दै लागै रौवै औरौ सै आमुआरी भैटिणौ औरौ आमु रोम शहर लौए जाणौ कारिए अप्पियुस नगर कै बाज़ारो औरौ तीन-सराए नगर तौड़ी ओऊवे, जिनु दैखियौ खै पौलुसे पौरमेशवर का धन्यवाद कौरा, औरौ बैजाए हिम्मत बौड़ै।

प्रेरितो कै काम 8:14

जोबै चोणेयौंदे चैलै जू यरूशलेम शहर दै थिए, ऐजौ शुणु कै सामरिया प्रदेश कै लोगै पौरमेशवर कै वचन कै मान पाए तौ पतरस औरौ यूहन्ना कै तिनकै धोरे छाड़ै।

रोमियों 15:24

इथकारिए जोबै हांव इसपानिया देश कै जांदा तौ मुखै आशा औसौ, कै तैसी यात्रा दा तुंआरी मुलाकात कौरु, औरौ जोबै हांव तुंआरी संगति लैई आनंदित हौए जोऊं, तौ हांव चोऊं कै तुऐं इसपानिया देश कै यात्रा कारिए मैरी मौदद कौरौ।

1 कुरिन्थियों 16:11

इथकारिए कुणिए बै तैसकी बैज्जती नी कौरेया, पौरौ शान्तै शै मैरै धोरे भैजी दैया; जिथुकै मोऐं तैसका इंतजार कौरे लौआ, कै सै बिशवाशियौं कै साथै आंव।

1 कुरिन्थियों 16:6

हौए सौकौ कै हांव तोंवारै साथै लाम्बै सौमय तौड़ी रोऊं या शायद पूरै जाड़ै कै मौसम दा, औरौ औटेयौ जिथै बै हांव जोऊं, तौ तुऐं मुखै मैरी यात्रा पांदी भैजै सौकौ।

2 कुरिन्थियों 1:16

मैरै तरकीब थै कै हांव तोंवारै धोरे दा हौयौ मकिदुनिया प्रदेश खै जोऊं, औरौ तोबै मकिदुनिया पौरैशा आयौ तोंवारै धोरे ओऊं, ताकि हांव तुऔं कैईंदै यहूदिया प्रदेश कै यात्रा कारिए मौदद पौऊं।

तीतुस 3:13

जोबै वकील जेनास औरौ अपुल्लोस आपणै यात्रा कारिए निकल़ौ, तौ तिनकै मौदद कारिए जू किछै तू कौरे सौकै, कौरेया। यात्रा दै जिनु चीज़ौ कै जिनकी तिनु जौरुरत औसौ सैजी चीज़ौ तिनुकै दै ताकि यात्रा कौरदै बैई तिनु किछै बै कमी नी हौंव।