प्रेरितो कै काम 15:19 - सिरमौरी नौवाँ नियम

¹⁹ इथकारिए मैरा विचार ऐजा औसौ, कै बैगानै यहूदी लोगौ मुंजीदै जू लोग पौरमेशवर कै धोरे आंव तिनु पांदी दबाव नी पाव कै तिनु अमारै सौब यहूदी कानून औरौ भोवारो खै मानणै चैंई।

Sirmouri

¹⁹ “ईन्देंखे हे भाईयों! हाँव ऐसी नंत्तिजे गाशी पंह्ईच़ीं रूवा, के जुण्जे गऐर-यहूदी लोग, पंण्मिश्वर की ढबै शे च़ूणें-छ़ाँटे ज़ाँव; तिनू गाशी ऋषी मूसा खे भेंटे गुऐ अज्ञाँ निय्म का भार-बोह्झ ने पाऐ;

प्रेरितो कै काम 15:19 ပူးပေါင်းရင်းမြစ်များ

प्रेरितो कै काम 15:10

तौ हौजौ तुऐं बैगानै यहूदी लोगौ खै इनु सौबी नियम-कानूनो कै मानणौ कारिए जोर जबरदस्ती किथु कौरे लोए। जोबै पौरमेशवरे दिखाए राए कै तिनु तिनकै नियम-कानूनो कै मानणौ कै जौरुरत ना आथी। जिनु ना अमारै बुड़ेईके मानी औरौ ना आमै यहूदी मानै सौकौ।

प्रेरितो कै काम 15:24

आमुए शौणै राए कै आमु मुंजीदै कुणिए तिथै जायौ तुऔं आपणै बातौ लैई डोराए दिए; औरौ तोंवारै मन बौदलै दिए पौरौ आमुए तिनुखै ऐशै कौरणौ कै आज्ञा ना दैय रैई थी।

प्रेरितो कै काम 15:28

पवित्र आत्मा खै, औरौ आमुखै बै ऐजौ ठीक लागौ कै इनु जौरुरी बातौ खै छोड़ेयौ; तुऔं पांदी हौजौ कुणजाई बोझ ना पौड़ौ;

प्रेरितो कै काम 21:21

औरौ तिनु यहूदी बिशवाशियौं खै तैरै बारै मुंजी बौतौऊं कै तू बैगानै यहूदी लोगौ मुंजीदै रौणौवाल़ै यहूदी लोगौ खै मूसा कै कानून छोड़े दैणौ कै बात शिखांए औरौ बौल़ौ कै ना आपणै नानड़िया का खतना कौराया औरौ ना यहूदी भोवारो पांदी चालैया।

प्रेरितो कै काम 21:25

पौरौ तिनु बैगानै यहूदी लोगौ कै बारै मुंजी जिनुवै बिशवाश कौरे राए, आमुए ऐजा फोएसला कौरेयौ तिनुखै ऐजौ बौताणौ कारिए ऐक चिट्ठी लिखयो भैजै दै कै सै सैजौ खाणौ नै खांव जू लोगै मूर्तो कै आगै चौढ़ाए राए औरौ गल़ा घोटेयौंदे गोरु को मांस नै खाया, औरौ गौलत सौमबंध बाणणौ शै दूर रौया।

प्रेरितो कै काम 26:20

पौरौ आगै दमिश्क शहर कै, तोबै यरूशलेम शहर कै रौणौवाल़ै कै, औरौ पूरै यहूदिया प्रदेश दै औरौ बैगानै यहूदियों खै मोऐं प्रचार कौरा, कै पाप कौरणा छोड़े दैंव औरौ पौरमेशवर कै ढौबौ फिरैयौ आपी खै साबित कौरौ कै तुऐं आपणै पापौ कै छोड़ेयौ पौरमेशवर कै ढौबौ फैरै गौवै।

1 थिस्सलुनीकियों 1:9

जिथुकै सैजै लोग ओकी कै बौतांव कै जोबै आमु तोंवारै धोरे ओऊं तौ तुऐं कैशैकै अमारा स्वागत कौरौ। औरौ तुऐं किथु मूर्ति शै दूर हौयौ पौरमेशवर कै ढौबौ फिरो ताकि जियुंदै औरौ साची पौरमेशवर कै सेवा कौरौ।