प्रेरितो कै काम 15:18 - सिरमौरी नौवाँ नियम

¹⁸ ऐजा सैजाई प्रभु बौल़ौ जू दुनिया कै बाणणौ शै आगै इनु बातौ का समाचार दैंदा आए रौआ।

Sirmouri

¹⁸ ऐजी सेजी ही प्रभू! की धाव असो; जुण्जी ज़ूगौ शुभी ईन बातो पर्गट कर्दे आऐ रूऐ।

प्रेरितो कै काम 15:18 ပူးပေါင်းရင်းမြစ်များ

मत्ती 13:35

की जू वचन पौरमेशवर कै बातौ बौताणौवाल़ै कै दवारा बौल़ै राए थिया, सै पूरा हौंव की हांव उदारण दैणौ खै आपणौ मुं खुलबा: “हांव तिनु बातौ खै जू दुनिया कै बाणणौ दी औगौड़ियौ छिपैयौंदी औसौ, तिनुखै बौतांदा।”

मत्ती 25:34

तोबै यीशु राजा आपणै सोऐं ढौबौ खौड़ै हौणौवाल़ै कै बौलदा, ‘ओए रै मैरै पिता खै धन्‍य लोगौ, आव, तैसी राज्य कै औधिकारी हौए जाव जू दुनिया कै शुरु सै तुऔं कारिए तैयार कौरे राए।

प्रेरितो कै काम 17:26

तैणै ऐकी आदमी शै सौब जातियाँ सारै धोरती पांदी रौणौ कारिए बाणै राए; औरौ तिनकै ठैहरायौंदे सौमय औरौ निवासो की लोकिरो कै इथकारिए तय कौरी,

इफिसियों 1:11

पौरमेशवरे आमु यहूदी लोगौ कै मसीह कै साथै ऐक हौणौ की बौजैह शै आपणै लोग बाणणौ कारिए चोणे राए जिथुकै शुरु शै ही तैसकै ऐजै योजना थै। औरौ सै ऐजौ सौबै ठुँ आपणी इछा कै हिसाब शै कौरौ।

इफिसियों 1:4

पौरमेशवरे दुनिया कै बाणणौ दै औगौड़ियौ ही आमु आपणै पवित्र लोग हौणौ कारिए चोणे राए जिथुकै आमै मसीह कै साथै ऐक औसौ; ताकि आमै तैसकै सामणै पवित्र औरौ निर्दोष बौणै सौकु।

इफिसियों 3:9

औरौ मुखै इयौं राज़ौ कै योजना खै सौबी कै सौमझाणौ कारिए बै चोणे राए थिया। पौरमेशवर, जू सारी दुनिया का बाणणौवाल़ा औसौ, तैणै शुरु शै ही इयौं योजना कै गुप्‍त राखै राए थै।

2 थिस्सलुनीकियों 2:13

ओए रै बिशवाशी भाईयों, आमुखै सौदा पौरमेशवर का धन्यवाद कौरणा चैंई जिथुकै प्रभु तुऔंआरी प्यार कौरौ। पौरमेशवरे दुनिया कै रौचणौ दै आगै ही तुऔं चोणे राए ताकि तुऔं बौचाए सौकौ। तुऐं यीशु मसीह कै बारै मुंजी साची सौंदेश पांदी भोरोशा कौरणौ शै औरौ तैसकै पवित्र आत्मा कै दवारा पवित्र बौणणौ शै तुऔं मोक्ति पाणौ कारिए चोणे राए।

1 पतरस 1:20

इयौं दुनिया कै बाणणौ दै आगै, पौरमेशवरे ऐजौ साबित कौरे दियु थियु कै यीशु मसीह छुड़ाणौवाल़ा हौंदा। पौरौ सै तोंवारै मौदद कौरणौ कारिए इनु आखरी दूसौ दा इयौं दुनिया दा ओऊवा।

प्रकाशितवाक्य 13:8

धोरती पांदी रौणौवाल़ै सौबै लोग तैसकै पूजा कौरदै लागै। सिरफ तिनु लोगै तैसकै पूजा ना कौरी जिनकै नांव दुनिया कै बाणै जाणै शै आगै ही जीवन कै किताब दै लिखै राए थै। ऐजी जीवन कै किताब तैसी मेम्ने कै किताब औसौ जैसी बलिदान कै रुप दै मारै गौआ थिया।

प्रकाशितवाक्य 17:8

सैजा राकस जिथु तुऐं इबी दैख राए, ऐकी सौमय जियुंदी थिया, पौरौ ऐबै जियुंदी ना आथी; सै डुंगै गौढै पौरैशा बायरै आणौवाल़ा औसौ औरौ पौरमेशवर तैसी पूरी तरह शै नाश कौरे दैंदा। धोरती पांदी रौणौवाल़ै लोग जिनकै नांव पौरमेशवरे धोरती कै बाणणौ दै औगौड़ियौ जीवन कै किताबो दो ना लिखी, सै सौबै हैरान हौए जांदै जोबै सै ऐसी जानवर खै दैखदै। ऐकी सौमय सै जियुंदी थिया; ऐबै सै जियुंदी ना आथी; पौरौ सै औटेयौ पाछु आन्दा।