प्रेरितो कै काम 15:1 - सिरमौरी नौवाँ नियम

¹ तोबै किछै य‌हूदी बिशवाशी यहूदिया प्रदेश शै अन्‍ताकिया शहर खै आए औरौ बिशवाशियौं खै शिखांदै लागै कै, “जै मूसा कै कानून कै हिसाब शै तोंवारा खतना ना हौं तौ तुऐं उध्दार ना पाए सौकौ।”

Sirmouri

¹ तबे किऐ लोग यहूदिया ईलाके शे बड़े नंगर अन्ताकिया दे आऐ, अरह् आऐयों तिन्ऐं बिश्वाषी भाऐ-बंईणों कैई शो ऐजो शिखाव: के “जे तुवाँरा ऋषी मूसा खे भेटे गुऐ अज्ञाँ निय्म के मुँताबिक खतना ने हुवा! तअ तुओं खे मुँक्त्ति-छ़ूट्कारा ने भेंटी सक्दा।”

प्रेरितो कै काम 15:1 ပူးပေါင်းရင်းမြစ်များ

यूहन्ना 7:22

मूसाए तुऔं खै खतना कौरणौ कै आज्ञा दै, ऐशै नै कै सै मूसा कै औरौ शै औसौ, पौरौ पुराणियो शै हौंदै आए रौवै, औरौ तुऐं विशांव कै दूसै आदमी का खतना कौरौ।

प्रेरितो कै काम 1:15

औरौ तिनु दूसौ दै जोबै लमसम ऐक शौ बीश बिशवाशी कौठै थिए, तोबै पतरस तिनकै बीच मुंजी खौड़ै हौयौ बौलदा लागा।

प्रेरितो कै काम 15:22

तोबै यरूशलेम शहर दै सौबै कलीसिया समैंत चोणेयौंदे चैलै औरौ अगुवो खै आछौ लागौ, कै आपी मुंजीदै किछै आदमियों कै चुणो, यानी यहूदा जैसकौ औकौ नांव बरसब्‍बा औसौ, औरौ सीलास कै जू बिशवाशी भाईयों मुंजी जादा इजतदार थिया; औरौ तिनु पौलुस औरौ बरनबास कै साथी अन्‍ताकिया शहर दै कलीसिया कै धोरे भैजै।

प्रेरितो कै काम 15:23

औरौ तिनुऐ इयौं चिट्ठी खै तिनुआरी भैजै, “अन्‍ताकिया शहर औरौ सीरिया प्रदेश औरौ किलिकिया प्रदेश कै रौणौवाल़ै जू बैगानै यहूदी बिशवाशियौं मुंजीदै औसौ तिनकै चोणेयौंदे चैलै औरौ अगुवो भाईयों का नमशकार।

प्रेरितो कै काम 15:24

आमुए शौणै राए कै आमु मुंजीदै कुणिए तिथै जायौ तुऔं आपणै बातौ लैई डोराए दिए; औरौ तोंवारै मन बौदलै दिए पौरौ आमुए तिनुखै ऐशै कौरणौ कै आज्ञा ना दैय रैई थी।

प्रेरितो कै काम 15:3

औरौ कलीसिया कै लोगै तिनु बाटो पुंडे कै पौयसै औरौ खाणौ दियु; औरौ सै फीनीके प्रदेश औरौ सामरिया प्रदेश शै हौयौ कै कैशै बैगानै यहूदी लोग सुसमाचार शोणेयो मसीह दै बिशवाशी बोणदै लागै रौवै, औरौ इयौं बात लैई सौबै बिशवाशी भाईयों खै बैजाए खोशे हौए।

प्रेरितो कै काम 15:32

औरौ यहूदा औरौ सीलासे जू आपी बै पौरमेशवर कै बातौ बौताणौवाल़ै थिए, बौहिती बातौ शै बिशवाशी भाईयों खै उपदैश दैयौ मोजबूत कौरे।

प्रेरितो कै काम 15:5

पौरौ फरीसी लोगौ कै गुट मुंजीदै जिनुवै बिशवाश कौरे राए थिया, “तिनुमुंजी दै कैतरै बिज़यो बौल़ौ, तिनु बैगानै यहूदी लोगौ खै खतना कौरणौ कै औरौ मूसा कै कानून खै मानणौ कै आज्ञा दैणी चैंई।”

प्रेरितो कै काम 21:20

तिनुऐ ऐजौ शोणेयो पौरमेशवर कै महिमा कौरे, तोबै तैसीखै बौल़ौ, “ओए रै भाई, तू जाणै, कै यहूदी लोगौ मुंजीदै कैईंयौं हजार लोगै बिशवाश कौरा; औरौ सौबवे मूसा कै कानून खै मानौए।

प्रेरितो कै काम 6:14

जिथुखै आमुए ऐसी ऐजौ बौलदै बैई शौणै राए कै ऐजा नासरत गांव का यीशु ऐसी मंदिर कै ढाल़ै दैंदा, औरौ तिनु भौवारो खै बौदलै दैंदा जू मूसाए आमु कै दैय राए।

गलातियौं 2:1

चौदह सालो कै बाद हांव बरनबास कै साथै यरूशलेम शहर खै हौटा, औरौ तीतुस खै बै साथै निया।

गलातियौं 5:6

जै तुऐं मसीह यीशु कै चैलै औसौ तौ इयौं बातौ लैई किछै फर्क ना पौड़ौ कै तोंवारा खतना हौए रौआ कै ना हौए रैई। पौरौ बैजाए खास बात ऐजी औसौ कै आमु मसीह पांदी बिशवाश कौरु औरौ पौरमेशवर औरौ ओकी लोगौ कै प्रति प्यार राखु।

गलातियौं 6:12

जू लोग ओकी यहूदी लोगौ कै खुश कौरणा चांव, सैजैई तुऔं खतना कौरवाणौ कारिए जोर लांव। सै ऐजौ सिरफ इथकारिए कौरौ ताकि लोग तिनु ऐजा प्रचार कौरणौ कै बौजैह शै ना सतांव कै मसीह क्रूसो पांदी मौरा।

कुलुस्सियों 2:16

इथकारिए कोसी खै बै तुऔं धौखा ना दैणौ दैंव, औरौ खाणौ पिणौ की चीज़ौ या तैयार या नौवाँ चांद कै या विशांव कै दूस कै बारै मुंजी कोसी कै बै तोंवारा न्याय नै कौरणौ दैंव।

कुलुस्सियों 2:8

चौकश रौव कै कुणिए तुऔं तैसी बैकार कै ज्ञान औरौ झूठै धौखै कै दवारा फशाए नी दैंव जू आदमी कै भौवारो औरौ दुनिया की दैएयौंदी शिक्षा कै हिसाब शै औसौ, पौरौ मसीह कै हिसाब शै ना आथी।