प्रेरितो कै काम 14:9 - सिरमौरी नौवाँ नियम

⁹ तैणै पौलुस खै बातौ कौरदै बैई शौणै लौआ थिया, औरौ पौलुसे तैसकै ढौबौ ध्यान धोरेयौ दैखौ कै ऐसीखै ठीक हौणौ का बिशवाश औसौ।

Sirmouri

⁹ तेने आदमी ऐ संत्त-पौलुस कैई शे बचन शुँणी लुऐ थिऐ, तबे संत्त-पौलुस ऐ तेस्की ढबे निजाऐयों देखो के ऐस्के मंन दा चाँग्गै हणों का बिश्वाष असो।

प्रेरितो कै काम 14:9 ပူးပေါင်းရင်းမြစ်များ

मत्ती 13:58

औरौ यीशुए तिथै तिनकै बिशवाश ना कौरणौ कै बौजैह शै चौमत्कार कै काम ना कौरी।

मत्ती 15:28

इथपांदी यीशुए तियोंखै जोवाब देएबा बौल़ौ, “की ओए रै बैटमाणिश, तैरा बिशवाश बौड़ा औसौ: औरौ जैशैखै तू चाए, तांव कारिए तैशैखैई हौए जांदो।” औरौ तियौंकै धी तियौंई घोड़ी दै ठीक हौए गौए।

मत्ती 8:10

ऐजौ शौणैबा यीशु हैरान हौए गौआ, औरौ जू तैसकै पाछैदै आए रौवै थिए, तिनुखै बौल़ौ, “हांव तुऔं खै साचौ बुलू, कै मुखै इस्राएल देश दा ऐक बै ऐशणा आदमी ना भैटी जू ऐसी बैगानै यहूदी कै जैशणा मुं पांदी बिशवाश कौरौ।

मत्ती 9:22

औरौ यीशुए पाछु खै घोमेयो दैखौ, औरौ बौल़ौ, “बैटी सब्र राख; तुऐं मुं पांदी भोरोशा कौरे राए कै हांव ताखै ठीक कौरे सौकु।” औरौ सैजै बैटमाणिश तौलोंई ठीक हौए गौए।

मरकुस 10:52

यीशुए तैसीखै बौल़ौ, “आगु जा, तुऐं मुं पांदी बिशवाश कौरे राए।” इथकारिए ऐबै तू ठीक हौए गौआ औरौ घोरो खै जा। औरौ सै तौलोंई दैखदा लागा, औरौ सै तिनकै साथी हौटै गौआ जू यीशु कै पाछैदै जांदै लागै रौवै थिए।

मरकुस 2:5

यीशुए तिनका बिशवाश दैखैयो तैसी ओधरंग कै रोगी खै बौल़ौ, “दैख बैटा, हांव तैरै पापौ कै माफ कौरु।”

मरकुस 8:25

तोबै यीशुए दुजाल़ियो तैसकी आखी पांदी हाथ धोरे, औरौ आन्धै कै पोठाकरो दैखियु। औरौ सै ठीक हौए गौआ, औरौ सौबै साफ-साफ दैखदा लागा।

प्रेरितो कै काम 10:4

कुरनेलियुसे तैसी ध्यान शै दैखा औरौ डौरेयौ बौल़ौ, “ओए रै मालिक का औसौ?” तैणै तैसी बौल़ौ, “तैरी प्रार्थनाए औरौ तैरै दान याद कारिए पौरमेशवर कै सामणै पौऊंचै रौवै।

प्रेरितो कै काम 3:4

पतरसे यूहन्ना कै साथै सीधु तैसकै ढौबौ दैखैयो बौल़ौ, “अमारै ढौबौ दैख!”