प्रेरितो कै काम 14:5 - सिरमौरी नौवाँ नियम

⁵ जोबै बैगानै यहूदी औरौ यहूदी लोग तिनकै बैज्जती औरौ तिनु पांदी पथराव कौरणौ कारिए आपणै सरदारो समैंत तिनु पांदी दोऊड़ै।

Sirmouri

⁵ जबे गऐर-यहूदियों अरह् यहूदियों के हाक्में ऐ मीलियों खास-चैले की गईलो बुरा बर्ताव करणाँ, अरह् तिनू गाशी पथराव कर्णों की कोशिष करी।

प्रेरितो कै काम 14:5 ပူးပေါင်းရင်းမြစ်များ

मत्ती 5:44

पौरौ हांव तुऔं खै ऐजौ बुलू कै आपणै बौयरीआरी प्यार कौरौ औरौ आपणै सतानेवाल़ै कारिए प्रार्थना कौरौ।

लूका 6:28

जू तुऔं शराप दैलै; तिनु आशीष दैया, जू तोंवारै बैज्जती कौरौ, तिनु कारिए प्रार्थना कौरौ।

प्रेरितो कै काम 13:45

पौरौ यहूदी नेता भीड़ खै दैखैयो ज़लन लैई भोरै गौवै, औरौ नेंदैया कौरेयौ पौलुस कै बातौ कै खिलाफ दै बौलदै लागै।

प्रेरितो कै काम 13:50

पौरौ यहूदी नेताए भोक्‍त औरौ पौरमेशवर का डौर मानणोवाल़ी बैटमाणिशौ खै औरौ नगर कै खास लोगौ कै उकसोऊवे, औरौ पौलुस औरौ बरनबास कै खिलाफ तरकीब बाणैयौ तिनु आपणै इलाके शै बायरै निकाल़ै दियै।

प्रेरितो कै काम 14:19

पौरौ कैतरै यहूदी लोगै अन्‍ताकिया शहर औरौ इकुनियुम शहरो शै आयौ लोगौ कै आपणै ढौबौ कौर दियै, औरौ पौलुस पांदी पथराव कौरा, औरौ मौरेयौंदा सौमझेयौ तैसी नोगर कै बायरै घोसिटैयौ लोय गौवै।

प्रेरितो कै काम 14:2

पौरौ बिशवाश ना कौरणौवाल़ै यहूदी लोगै बैगानै यहूदी लोगौ कै मन बिशवाशी भाईयों कै खिलाफ दै भड़कौऊवे, औरौ बैर पौयदा कौर दिया।

प्रेरितो कै काम 14:4

पौरौ नोगरो कै लोगौ दै फूट पौड़ै गौए थै; इथलैई कैतरै तौ यहूदी नेता कै ढौबौ औरौ कैतरै चोणेयौंदे चैलै कै ढौबौ हौए गौवै।

प्रेरितो कै काम 17:5

पौरौ यहूदी लोग जू ज़लन शै जौल़ै रौवै थिए तिनुऐ बाज़ारो पौरैशै लोगौ मुंजीदै कैई दुष्ट आदमियों खै आपणै साथी नियै, औरौ भीड़ लायौ खै नोगरो दा रोल़ा पाड़दै लागै, तिनुऐ यासोने कै घोरो पांदी हमला कौरा, पौलुस औरौ सीलास खै लोगौ कै सामणै लाणै चांव थिए।

2 कुरिन्थियों 11:26

हांव बार-बार यात्राओं दा; नोंदी कै खतरै दा; डाकुओं कै खतरै दा; बैगानै यहूदी कै खतरै दा; नोगरो कै खतरै दा, जोंगलो कै खतरै दा; समुन्द्र कै खतरै दा, झूठै बिशवाशियौं कै बीच कै खतरै दा रौआ;

1 थिस्सलुनीकियों 2:14

इथकारिए, ओए रै बिशवाशी भाईयों, तुऐं तैशैखैई सताव झैला जैशै पौरमेशवर कै कलीसियाएं झैला जू यहूदिया प्रदेश दी मसीह यीशु दी औसौ जिथुकै तुऐं बै आपणै लोगौ शै तैशणाई दुख पौऊवा, जैशै तिनुऐ यहूदियों कैईंदा पाए राए थिया।

1 थिस्सलुनीकियों 2:16

औरौ ऐशै कौरेयौ तिनिए आमु बैगानै यहूदी लोगौ खै ऐजौ बौताणौ शै रौकणौ कै कौचिश कौरे लोए थै, कै पौरमेशवर तिनु कैशै बौचाए सौकदा।

1 थिस्सलुनीकियों 2:2

तुऐं आपी बै जाणौए कै, तोंवारै धोरे आणौ शै आगै आमुए फिलिप्‍पी शहर दै जादा दुख सैहन कौरे राए, तोबै बै पौरमेशवरे आमुखै ऐशणै हिम्मत दैय राखै, कै आमै तोंवारै शहर कै लोगौ कै दवारा अमारा बैजाए विरोध हौणौ कै बावजूद बै तुऔं खै पौरमेशवर का सुसमाचार शुणौऊवा।

2 तीमुथियुस 3:11

लोगै मुखै सोताए राए थिया, जिथकै बौजैह शै मोऐं दुख सैहन कौरा। तुऔं पौता औसौ कै अन्‍ताकिया, इकुनियुम औरौ लुस्त्रा शहर दै मुं पांदी कैशणै-कैशणै जूल्म हौवे, तोबै बै तिनु सौबी मुंजी शै प्रभुए मुखै छुड़ोऊवा।