प्रेरितो कै काम 13:48 - सिरमौरी नौवाँ नियम

⁴⁸ ऐजौ शोणेयो बैगानै यहूदी खुश हुवे, औरौ पौरमेशवर कै वचन कै बौड़ाए कौरदै लागै, औरौ जैतरै सौदा कै जिन्दगी कारिए ठैहराए राए, तिनुऐ बिशवाश कौरा।

Sirmouri

⁴⁸ ऐजो शुँणियों गऐर-यहूदी लोग आनन्दित्त-खुशी हुऐ, अरह् प्रभू के बचन की बड़ियाऐं कर्दें लागे; अरह् जैतोड़े लोग अमर-जीवन जीऊँणों खे बंणाँऐ गुऐ थिऐ, तिन्ऐं बिश्वाष करा।

प्रेरितो कै काम 13:48 ပူးပေါင်းရင်းမြစ်များ

मत्ती 25:46

औरौ सैजै लोग जू डैरै ढौबौ औसौ सौदा कै सौजा भुकतदै पौरौ धरमी लोग सौदा कै जिन्दगी दै जांदै।”

मत्ती 28:16

ग्‍यारो चैलै गलील जिले दै तैसी पाहाड़ पांदी हौटै, जू यीशुए तिनुकै बौताए राए थियु।

लूका 7:8

हांव बै कोसी आदमी कै औधिकारियो तौड़ी औसौ, औरौ सिपाही बै मैरै साथै औसौ, जै ऐकी खै बुलू, ‘जा’ तौ सै जांव, औरौ दूजै खै बुलू ‘आ’ तौ सै आए जांव; औरौ आपणै कोसी नोकर खै बुलू, ‘ऐजौ कौर’ तौ सै तिथु कौरौए।”

यूहन्ना 10:16

मैरी ओकी बै भेड़ो औसौ, जू ऐसी बाडे़ की ना आथी मुखै तिनुकै लाणी बै जौरुरी औसौ, सै मैरी आवाज़ पोयछाणली; तोबै ऐकैई डार औरौ ऐकैई चौराईया हौंदा।

यूहन्ना 11:52

पौरौ सिरफ तिनु कारिए ना मौरदा। सै पौरमेशवर कै ओकी संतान कारिए बै मौरदा जू इयौं दुनिया पांदी बिखरेयोंदे औसौ, ताकि तिनु कौठै कौरे सौकौ।

प्रेरितो कै काम 13:12

तोबै राज्यपाले जू किछै हौए रो थियु, दैखैयो औरौ प्रभु कै उपदैश सै हैरान हौयौ तैणै प्रभु यीशु पांदी बिशवाश कौरा।

प्रेरितो कै काम 13:42

जोबै पौलुस औरौ बरनबास सभा-घोरो शै निकल़दै लागै रौवै थिए, तौ लोग तिनु शै बिन्ती कौरदै लागै कै आगलै विशांव कै दूसै आमु ऐजी बातौ हौजौ शुणाया।

प्रेरितो कै काम 15:2

जोबै पौलुस औरौ बरनबास का तिनुआरी मनमुटाव औरौ बैहसबाजी हौए तौ ऐजा फौयसल़ा हौआ कै पौलुस औरौ बरनबास औरौ तिनुमुंजी दै किछै आदमी इयौं बातौ कै बारै मुंजी चौर्चा कौरणौ कारिए चोणेयौंदे चैलै औरौ अगुवो कै धोरे यरूशलेम शहर खै भैजै जांव।

प्रेरितो कै काम 15:31

औरौ सै पौढ़ेयौ तैसी उपदैश कै बातौ शै बौहितै खुशी होवे।

प्रेरितो कै काम 2:41

जू किछै पतरसे बौल़ौ जिनु लोगै तैसकी बातौ पांदी बिशवाश कौरा तिनुऐ बपतिस्मा लौआ; औरौ तैसी दूसै तीन हजार आदमी कै लमसम तिनु बिशवाशी कै गुट मुंजी जोड़े गौवै।

प्रेरितो कै काम 2:47

औरौ पौरमेशवर कै बौड़ाए कौरदै रौंव थिए, औरौ सौबै लोग तिनुदै खुशी थिए। औरौ जू उध्दार पांव थिए, तिनुखै प्रभु हर दूसै तिनकै बिशवाशी गुट मुंजी मिलाए दैंव थिया।

प्रेरितो कै काम 20:13

पौलुसे फोयसला लौआ कै सै अस्‍सुस नगर कारिए हांडेयो यात्रा कौरेयौ जांदा। बाकी आमै सौबै जोणे जहाजो पांदी समुन्द्री बाटो बाटी तैसदै औगौड़ियौ हौटै गौवै, औरौ आमै तिथैदै तैसीकै आपणै साथै जहाजो पांदी निणो कै बारै मुंजी सोंचै लो थियु।

प्रेरितो कै काम 22:10

तोबै मोऐं बुलू, ‘ओए रै प्रभु, हांव का कौरु?’ प्रभुए मुखै बुलू, ‘ऊबा बिज़यो खै दमिश्क शहर दा जा, औरौ जू किछै ताखै कौरणौ कारिए ठोहराए राए, सैजौ ताखै सौबै बौताए दैंदै।’

प्रेरितो कै काम 28:23

तोबै तिनु यहूदी लोगै पौलुस कै साथै ऐक दूस राखौ, औरौ बौहितै लोग तैसकै इथै कौठै होवे, औरौ सै पौरमेशवर कै राज्य कै गवाही दैन्‍दा रौआ, औरौ मूसा कै कानून औरौ पौरमेशवर कै बातौ बौताणौवाल़ै कै किताबो पौरैशौ यीशु कै बारै मुंजी सौमझाए-सौमझायौ झीशो शै बैल़खै तौड़ी बौतांदा रौआ।

प्रेरितो कै काम 8:8

औरौ तैसी शहर कै बौहितै सारै लोग बैजाए खुशी हुवे।

रोमियों 11:7

भलैई इस्राएल देश कै लोग पौरमेशवर कै साथै धरमी बौणणौ कै कौचिश कौरौ पौरौ सै नाकाम रौवै, जोबै कै जिनु लोगौ कै पौरमेशवरे चोणे राए सै तिनकै साथै धरमी बौणणौ कै कौचिश कौरौ, औरौ बाकी लोगौ कै जिद्दी बाणै दियै औरौ पौरमेशवर कै बात शुणणौ शै मोना कौरे दियु।

रोमियों 13:1

हरेक आदमी प्रधान औधिकारियो कै अधीन रौया; जिथुकै सारै औधिकार पौरमेशवर कै ढौबौशै औसौ; औरौ जू औधिकारी औसौ, सैजै पौरमेशवर कै दवारा ही ठोहराए राए।

रोमियों 8:28

औरौ आमै जाणुए, कै जू लोग पौरमेशवर आरी प्यार राखौ, पौरमेशवर तिनु लोगौ कै खातिर सौबी चीज़ौ कै ऐक आछै अन्त पांदी लांदा जू तैसीआरी प्यार कौरौ। यानी तिनु कारिए जू तैसकै इछा शै चोणे राए।

1 कुरिन्थियों 16:15

ओए रै बिशवाशी भाईयों, तुऐं स्तिफनास औरौ तैसकै परिवार कै जाणौए, कै सै अखाया प्रदेश कै आगलै आदमी थिए जिनुवै मसीह पांदी सौबिदा आगै बिशवाश कौरा औरौ संत लोगौ कै सेवा कै खातिर तैयार रौवै।

इफिसियों 1:11

पौरमेशवरे आमु यहूदी लोगौ कै मसीह कै साथै ऐक हौणौ की बौजैह शै आपणै लोग बाणणौ कारिए चोणे राए जिथुकै शुरु शै ही तैसकै ऐजै योजना थै। औरौ सै ऐजौ सौबै ठुँ आपणी इछा कै हिसाब शै कौरौ।

इफिसियों 1:19

हांव चोऊं कै तुऐं तैसी महान औरौ पराक्रमी शौकतै कै बारै मुंजी जाणै सौकौ, जू पौरमेशवर कै धोरे आमु कारिए औसौ, जू मसीह पांदी बिशवाश कौरौ। ऐजी सैजी अनौखी शौकतै औसौ।

इफिसियों 1:4

पौरमेशवरे दुनिया कै बाणणौ दै औगौड़ियौ ही आमु आपणै पवित्र लोग हौणौ कारिए चोणे राए जिथुकै आमै मसीह कै साथै ऐक औसौ; ताकि आमै तैसकै सामणै पवित्र औरौ निर्दोष बौणै सौकु।

इफिसियों 1:5

जिथुकै पौरमेशवर आमुआरी प्यार कौरौ, इथकारिए तैणै बैजाए आगै ऐजा फोयसला कौरा कै सै आमु आपणै संतान बाणदा जिथुकै आमै यीशु मसीह कै साथै ऐक औसौ पौरमेशवरे ऐशै आपणै ही इछा औरौ खुशी कै हिसाब शै कौरे राए।

2 थिस्सलुनीकियों 3:1

ओए रै बिशवाशी भाईयों, आखिर दै, आमु कारिए प्रार्थना कौरौ, ताकि आमै तावल़ै सौबै जौगैह दै प्रभु यीशु मसीह कै बारै मुंजी सौंदेश कै पोऊंचाए सौकु औरौ लोग इथपांदी तैशैखैई बिशवाश कौरौ जैशै तुऐं कौरे राए थिया।