प्रेरितो कै काम 13:39 - सिरमौरी नौवाँ नियम

³⁹ औरौ जिनु बातौ शै तुऐं मूसा कै कानून कै दवारा निर्दोष ना ठौहरै सौकौ, तिनु सौबी बातौ दा हरेक बिशवाश कौरणौवाल़ा यीशु कै दवारा निर्दोष ठौहरौ।”

Sirmouri

³⁹ पंण्मिश्वर ऐं प्रभू यीशू के जाँणें मुँक्त्ति-छ़ूट्कारा देऐयों, ऐक नाँम बिश्वाषी लोग धर्मी बाँणें।

प्रेरितो कै काम 13:39 ပူးပေါင်းရင်းမြစ်များ

लूका 10:25

ऐकी दूसै जोबै यीशुए लोगौ खै शिक्षा दैय लोए थै, तौ यहूदी शास्त्र का ऐक ज्ञानी ओऊवा; औरौ ऐजौ बौलेयौ, तैसकी परीक्षा कौरदा लागा, “ओए रै गुरुजी, सौदा कै जिन्दगी का वारिस हौणौ कारिए हांव का कौरु?”

लूका 10:28

तैणै तैसी बौल़ौ, “तुऐं ठीक जोवाब दैय राए, ऐजौई कौर, तौ ताखै सौदा का जीवन भैटला।”

लूका 18:14

यीशुए बौल़ौ हांव तुऔं खै बुलू, कै फरीसी आदमी ना, पौरौ मामला लोणो वाल़ा आदमी पौरमेशवर कै नज़र दा धरमी हौयौ आपणै घोरे हौटै गौआ; जिथुकै जू कुणिए आपी खै बौड़ा सौमझला सै नानड़ा हौंदा; औरौ जू आपी खै नानड़ा सौमझला, सै बौड़ा बौणाए जांदा।”

यूहन्ना 1:17

इथकारिए कै कानून तौ मूसा कै दवारा दैय राए, पौरौ महान दया औरौ सौचाई तौ यीशु मसीह कै दवारा आए।

यूहन्ना 5:24

हांव तुऔं खै साचौ-साचौ बुलू, जू मैरा वचन शौणैबा मैरै भैजणैवाल़ै पांदी बिशवाश कौरौ कै पिता पौरमेशवरे मुखै छाड़ै राए, सै सौदा कै जिन्दगी पांव, औरौ तिनुखै सौजा ना भैटदै, पौरौ सै सौदा कै मौत शै बौचै गौवै औरौ आगैई नौवें जिन्दगी दा प्रवेश कौरे पाए।”

प्रेरितो कै काम 10:43

तैसकै सौबै पौरमेशवर कै बातौ बौताणौवाल़ै गवाही दैंव कै जू कुणिए यीशु पांदी बिशवाश कौरला, तैसी तैसकै नांव कै दवारा पापौ की माफी भैटदै।

रोमियों 10:10

आमै आपणै मन शै बिशवाश कौरु, औरौ इथकारिए आमु पौरमेशवर कै साथै धरमी साबित होऊं। औरौ अमारै मुँह कै अंगीकार अमारै बिशवाश कै दिखांव जिथलैई आमै बौचाए जोऊं।

रोमियों 10:4

जिथुकै मसीह कै आणौ शै मूसा कै कानून का मकसद पूरा हौए गौआ इथकारिए जू कुणिए मसीह पांदी बिशवाश कौरौ पौरमेशवर तैसी धरमी साबित कौरौ।

रोमियों 3:19

आमै जाणुए, कै मूसा कै कानून जू किछै बौल़ौए, सै तिनु लोगौ शै बौल़ौ, जू मूसा कै कानून कै अधीन औसौ। ताकि लोगौ कै भानै बाणणौ शै रौकै सौकौ, औरौ दुनिया कै सौब लोग पौरमेशवर कै सामणै दोषी ठैहराए जांव।

रोमियों 3:20

मूसा कै कानून का पालन कौरेयौ लोग पौरमेशवर कै साथै सोही ना ठौहरै सौकौ, इथकारिए मूसा कै कानून कै दवारा आमु आछी तरह शै जाणु कै आमुए पाप कौरे राए।

रोमियों 4:15

मूसा कै कानून ना मानणोवाल़ौ पांदी पौरमेशवर गुस्सा हौंव, औरौ जिथै मूसा कै कानून ना आथी तौ तिथै तिथकै टाल़मटाल़ी बै ना आथी।

रोमियों 4:24

पौरौ आमु कारिए बै पौरमेशवर धरमी साबित कौरौ, जै आमु पौरमेशवर पांदी बिशवाश कौरु, जैणै अमारै प्रभु यीशु कै मौरेयौंदे मुंजीदा जियुंदी कौरा, तौ आमु बै बिशवाश की बौजैह शै धार्मिक मानै जांदै।

रोमियों 5:1

इथकारिए जोबै आमै आपणै बिशवाश लैई धरमी बौणै गौवै, तौ अमारै प्रभु यीशु मसीह कै दवारा पौरमेशवर कै साथै अमारा मेलमिलाप हौए रोआ।

रोमियों 5:20

मूसा कै कानून इथकारिए दैय राए ताकि सौबै लोग दैखै सौकौ कै सै कैतरै पापी थिए। पौरौ जोबै लोगै जादा शै जादा पाप कौरे, तिथै पौरमेशवरे जू अनुग्रह दिखोऊवा सै जादा शै जादा हौआ।

रोमियों 5:9

तौ जोबै कै आमु, धरमी साबित कौरे राए जिथुकै मसीह आमु कारिए मौरा औरौ अमारै पापौ कारिए आपणा लोऊ बौऊवा।

रोमियों 8:1

इयौं बौजैह शै ऐबै जू मसीह यीशु दै औसौ, तिनु पांदी सौजा कै आज्ञा ना आथी।

रोमियों 8:3

जिथुकै जू काम मूसा कै कानून अमारै पापी स्‍वभाव दै कमजोर हौयौ ना कौरे सौकी, तैसी काम कै पौरमेशवरे कौरा, यानी आपणै ही बैटै कै अमारै जैशणा आदमी हौणौ कारिए, औरौ अमारै पापौ कै बलिदान हौणौ कारिए भैजा। आपणै बैटै कै शोरीर कै दवारा पौरमेशवरे पाप कै शौकतै कै मिटाए दी।

रोमियों 9:31

पौरौ इस्राएल देश कै लोग, मूसा कै कानून मानैयौ पौरमेशवर कै साथै धरमी साबित हौणा चांव, पौरौ सै धरमी बौणणौ मुंजी सफल ना होई।

1 कुरिन्थियों 6:11

तुऔं मुंजीदै किछै लोग ऐशणै बै थिए पौरौ ऐबै प्रभु यीशु मसीह कै नांव लैई औरौ अमारै पौरमेशवर कै आत्मा लैई तोंवारै पापौ खै धोए राए, औरौ तुऔं पवित्र औरौ धरमी बाणै।

गलातियौं 2:16

तोबै बै आमु यहूदी बिशवाशी जाणुए कै मूसा कै कानून का पालन कौरेयौ कुणजाई बै आदमी पौरमेशवर कै नज़र दा धरमी ना ठोहरदा। पौरौ सिरफ यीशु मसीह पांदी बिशवाश कौरणौ कै दवारा धरमी ठोहराए जांव। इथकारिए आमुए आपी बै यीशु मसीह पांदी बिशवाश कौरा, कै आमै मूसा कै कानून कै कामौ लैई नी पौरौ यीशु मसीह पांदी बिशवाश कौरणौ शै धरमी ठोहरदै; जिथुकै मूसा कै कानून का पालन कौरणौ शै कुणिए बै आदमी धरमी ना ठोहरदा।

गलातियौं 2:19

जोबै मोऐं मूसा कै कानून का पालन कौरणौ कै कौचिश कौरे, तौ मूसा कै कानूनै मुखै दोषी ठैहरोऊवा। इथकारिए मानौ कै हांव मूसा कै कानून कारिए मौरे गौआ ताकि हांव पौरमेशवर कारिए जी सौकु।

गलातियौं 3:8

पवित्र शास्त्र दौ बैजाए सौमय आगै ऐजौ लैखै राए थियु, कै पौरमेशवर बैगानै यहूदी लोगौ खै बिशवाश कै आधार पांदी धरमी साबित कौरदा, ऐजौ हौणौ दै आगै पौरमेशवरे अब्राहम खै ऐजा आछा सौंदेश बौताए दिया थिया, “कै तैरै दवारा, हांव इयौं दुनिया कै सौबी लोगौ खै आशीष दैंदा।”

गलातियौं 5:3

मोऐं तुऔं औटेयौ चैतावणी दैय लौए कै जू आदमी इयौं उमीद लैई खतना कौरांव कै पौरमेशवर कै नज़र दै धरमी बौणै सौकौ, तौ तैसी मूसा कै कानून दी दैययौंदी हरेक आज्ञा कै मानणी पौड़दी।

इब्रानियों 10:11

हरेक यहूदी पुरोहित हर रौज वेदी कै सामणै खौड़ा रौंव औरौ लोगौ कै पापौ खै दूर कौरणौ कारिए नियमौ खै पूरा कौरौ। सै लगातार ऐक जैशणै बलिदानों खै चौढ़ादा रौंव जू कौलोंई बै तैसी आदमी कै पापौ खै दूर ना कौरे सौकौ, जू तैणै कौरे राए।

इब्रानियों 7:19

इथकारिए मूसा कै कानून कोसी बात खै सिध्द ना कौरी, औरौ तिनु कानून कै ठाँव पांदी आमु ऐक ऐशणै आछी आशा औसौ, जू यीशु मसीह दी औसौ, जिथकै दवारा आमु पौरमेशवर कै नेड़िक जाए सौकु।