प्रेरितो कै काम 13:38 - सिरमौरी नौवाँ नियम

³⁸ इथकारिए, ओए रै भाईयों; तुऐं जाणै पाव कै यीशु कै दवारा पापौ कै माफी का सुसमाचार तुऔं दैय राए।

Sirmouri

³⁸ “हे भाईयों! तुँऐं ऐजो सुओं करियों संहम्झी पाव, के जुण्जी खुषख्बरी तुओं कैई शी शुँणाँऐ लंऐ से ऐजी असो; के प्रभू यीशू के जाँणें पापों खे माँफी भेटो; परह् ऋषी-मूसा खे भेटे गुऐ अज्ञाँ-निय्म के जाँणें, तुओं खे मुँक्त्ति-छ़ूट्कारा ने भेटी सक्दा।

प्रेरितो कै काम 13:38 ပူးပေါင်းရင်းမြစ်များ

मत्ती 1:21

सै ऐक बैटा पौयदा कौरली, औरौ तू तैसकौ नांव यीशु राखैया, जिथु सै आपणै लोगौ कै तिनकै पापौ शै बौचांदा।”

लूका 24:47

औरौ यरूशलेम शहर शै लोएबा सौब देशो दा पाप कौरणै छोड़णे कै बारै मुंजी पापौ की माफी का प्रचार, तैसकै ही नांव शै हौंदा।

यूहन्ना 1:29

ओकी दूसै यूहन्नाए यीशु खै आपणै ढौबौ आन्दै बैई दैखैयो बौल़ौ, “दैखौ, ऐजा पौरमेशवर का मेम्‍ना औसौ जू (आपी खै बलिदान कौरेयौ) दुनिया का पाप उठाणौ वाल़ा औसौ।

प्रेरितो कै काम 10:43

तैसकै सौबै पौरमेशवर कै बातौ बौताणौवाल़ै गवाही दैंव कै जू कुणिए यीशु पांदी बिशवाश कौरला, तैसी तैसकै नांव कै दवारा पापौ की माफी भैटदै।

प्रेरितो कै काम 2:14

तोबै पतरस तिनु ग्‍यारो चोणेयौंदे चैलै कै साथै खौड़ा हौआ औरौ जोर शै बौलदा लागा, “ओए रै यहूदिया प्रदेश दै रौणौवाल़ै लोगौ, औरौ ओए रै यरूशलेम शहर दै रौणौवाल़ै सौबै लोगौ, ऐजौ जाणौ औरौ कान लायौ खै मैरी बातौ शुणौ।

प्रेरितो कै काम 2:38

पतरस तिनुकै बौल़ौ, “पाप कौरणै छोड़े दैंव औरौ तुऔं मुंजीदा हरेक आपणै-आपणै पापौ कै माफी कारिए यीशु मसीह कै नांव शै बपतिस्मा लौ; तौ तुऐं पवित्र आत्मा का वरदान पांदै।

प्रेरितो कै काम 28:28

इथकारिए तुऐं जाणै पाव, कै पौरमेशवर कै ऐजै उध्दार कै कथा बैगानै यहूदी लोगौ कै धोरे भैजै राए, औरौ सै अपनांदै।”

प्रेरितो कै काम 4:10

तौ तुऐं सौबै औरौ सारै इस्राएल देश कै लोग जाणै पाव कै ऐजौ नासरत गांव का यीशु मसीह कै नांव लैई कौरौ। तैसी यीशु कै तुऐं लोगै क्रूसो पांदी चौढ़ाए दिया थिया, पौरौ पौरमेशवरे तैसी मौरेयौंदे मुंजीदा दुजाल़ियो जियुंदी कौरा। ऐलो तैसकै नांव कै दवारा ऐजा आदमी तोंवारै सामणै आछा भोला खौड़ा औसौ।

प्रेरितो कै काम 5:31

तैसीखैईं पौरमेशवरे राजा औरौ उध्दार कौरणौवाल़ा ठोहराएयो, आपणै सोऐं हाथौ कै सौबी दै बौड़ै ठाँव पांदी बौठाल़े दिया ताकि सै इस्राएल देश कै लोगौ कै आपणै बुरै सोंच विचारो औरौ बुरै बाटो शै पौरमेशवर कै ढौबौ फिरो औरौ तैसकै दवारा तिनुकै आपणै पापौ कै माफी दै।

इफिसियों 1:7

मसीह कै लोऊ बोवाणो कै दवारा पौरमेशवरे आमु बौचाए राए यानी अमारै पापौ कै माफ कौरे राए। पौरमेशवर का अनुग्रह बैजाए बौड़ा औसौ जू तैणै आमु दैय राए।

इफिसियों 4:32

ऐकी दूजै पांदी दयालु औरौ करूणामय बौणौ, औरौ जैशै पौरमेशवर मसीह दै तोंवारै पाप माफ कौरे, ऐशैखैई तुऐं बै ऐकी दूजै कै पाप माफ कौरौ।

कुलुस्सियों 1:14

पौरमेशवरे आपणै बैटै कै बलिदान कै दवारा आमु कै शैतान की शौकतै शै छुटकारा दैय राए यानी अमारै पापौ कै माफ कौरे राए।

इब्रानियों 8:6

पौरौ जू पुरोहित का काम यीशु मसीह खै भैटा, सै तैसी काम दा कौथी बौढ़ेयौ औसौ जू ओकी पुरोहितो खै दैय राए थिया। जिथुकै सै सैजाई औसौ जू महान वादो कै आधार पांदी, पौरमेशवर कै सामणै अमारै खातिर ऐक बैजाए महान वादै कै बीचवैई कौरौ।

इब्रानियों 9:22

मूसा कै कानून कै हिसाब शै, लमसम सौबै चीज़ौ नियम कै हिसाब शै लोऊ लैई साफ कौरणी चैंई। लोऊ बौवाए बिना, पौरमेशवर लोगौ खै तिनकै पापौ कारिए माफ ना कौरे सौकौ।

1 यूहन्ना 2:12

ओए रै नानड़िया, हांव तुऔं इथकारिए लिखु कै यीशु मसीह कै नांव शै तोंवारै पाप माफ हौए रौवै।