प्रेरितो कै काम 13:36 - सिरमौरी नौवाँ नियम

³⁶ जिथुकै राजा दाऊद तौ पौरमेशवर कै इछा कै हिसाब शै आपणै सौमय दै सेवा कौरेयौ मौरे गौआ, औरौ आपणै पुराणिया आरी मिलै गौआ, औरौ शोड़े बै गौआ। इथलैई आमै जाणै पोऊँ कै दाऊद राजाए आपणै बारै मुंजी ना बौल़ै रैई थी।

Sirmouri

³⁶ “किन्देंखे के दाऊद तअ पंण्मिश्वर की हिछ़या के मुँताबिक शे आप्णे ज़ूगौ दे सेवा करियों मँरी गुऐ, अरह् आप्णे पुराँणियाऐं की गईलो खात्ती-कबर दे थुऐ गुऐ, अरह् शँड़ी-गल़ी भे गुऐ।

प्रेरितो कै काम 13:36 ပူးပေါင်းရင်းမြစ်များ

मत्ती 25:16

तोबै जैसीखै पाँच झोल़े दैय रौए थिए, तैणै शट जाऐबा तिनुलैई लैण-देण कौरा औरौ पाँच झोल़े हौजौ कमाए।

यूहन्ना 11:39

यीशुए बौल़ौ, “पाथर कै ऊबा टिपो।” लाजर कै बोईण मार्था यीशु खै बौलदै लागै, “ओए रै प्रभु, ऐसी पौरैशै ऐबै तौ बुरै बांस आए रौए, जिथुखै ऐसी मोरयों खै चार दूस हौए गौवै।”

प्रेरितो कै काम 13:22

तोबै पौरमेशवरे शाऊल खै पद शै हटायो तैसकै ठाँव पांदी दाऊद खै राजा बाणा; जैसकै बारै मुंजी तैणै गवाही दी, ‘मुखै ऐक आदमी, यिशै का बैटा दाऊद, मैरै मन कै हिसाब शै भैट गौआ। सैजाई मैरै सौबै इछा पोरे कौरदा।’

प्रेरितो कै काम 2:29

ओए रै बिशवाशी भाईयों, हांव तैसी पुराणिया राजा दाऊद कै बारै मुंजी तुऔं कैईंदु हिम्मत कै साथै बौल़ै सौकु कै सै तौ मौरे गौआ औरौ दबाए बै गौआ, औरौ तैसकै कब्र ऐलो तौड़ी अमारै इथै मौजूद औसौ।

प्रेरितो कै काम 20:27

जिथुकै मोऐं तुऔं कै सैजौ सौबै ठुँ बौताए राए जू पौरमेशवर चांव कै तुऐं जाणौ औरौ मोऐं तुंवादौ किछै ना छुपैई।

प्रेरितो कै काम 7:60

हौजौ घुंडू नियुड़ायो जोर सै बौल़ौ, “ओए रै प्रभु, ऐसी पाप कारिए इनु माफ कौर।” ऐजौ बौलेयौ सै मौरे गौआ।

प्रेरितो कै काम 8:1

शाऊल तैसकी मौत कै साथै पूरी तरह शै शामिल थिया। तैसी दूसै यरूशलेम शहर कै कलीसिया पांदी बौड़ा अत्याचार हौंदा लागा औरौ चोणेयौंदे चैलै कै छोड़ेयौ सौबै कै सौबै यहूदिया प्रदेश औरौ सामरिया प्रदेशो दै बैखरै गौवै।

1 कुरिन्थियों 15:18

जै मसीह मौरेयौंदे मुंजीदा ऊबा ना बिज़ रैई, तौ जू बिशवाशी मौरे गौवै, तिनु बौचाए ना रैई, बल्कि सै नाश हौए गौवै, औरौ सै सौदा कारिए पौरमेशवर शै जौई हौए गौवै।

1 कुरिन्थियों 15:6

तोबै पाँच सौ शै जादा चैलै खै ऐक साथै दैखिया, जिनु मुंजीदै बौहितै सारै इबी तौड़ी जियुंदी औसौ, पौरौ किछै मौरे गौवै।

1 थिस्सलुनीकियों 4:13

ओए रै बिशवाशी भाईयों, आमै चोऊं कै तुऐं ऐजौ जाणै पाव कै तिनु बिशवाशियौं कारिए ऐजौ कैशै हौंदौ जू आगै ही मौरे गौवै। ऐशै नी हौंव, कै तुऐं ओकी कै जैशणा शोक मौनांव जिथुकै तिनु आशा ना आथी कै मौरणौ कै बाद सै औटेयौ जियुंदी हौए जांदै।