प्रेरितो कै काम 13:30 - सिरमौरी नौवाँ नियम

³⁰ पौरौ पौरमेशवरे तैसी मौरेयौंदे मुंजीदा जियुंदी कौरा,

Sirmouri

³⁰ पंण्मिश्वर ऐ तिनू मँरे अँदे मुँझ्शे च़ींज़ै देसे हजो पाछ़ू ऊँबे जीयाल़े।

प्रेरितो कै काम 13:30 ပူးပေါင်းရင်းမြစ်များ

मत्ती 28:6

सै इथै ना आथी, पौरौ आपणै वचन खै हिसाब शै मौरेयौंदे मुंजीदा जियुंदी हौए गौआ, आव, ऐजा ठाँव दैखौ, जिथै प्रभु पौड़ेयौंदा थिया।

यूहन्ना 10:17

पिता पौरमेशवर इथकारिए मुं आरी प्यार कौरौ जिथुकै हांव आपणी इछा शै मौरु ताकि हांव होटेयो जियुंदी हौए सौकु।

यूहन्ना 2:19

यीशुए तिनुकै जोवाब दिया, “ऐसी मन्दिरो खै ढाल़ै दैंव, औरौ हांव ऐसीखै ती दूसौ दा दुजाल़ियो बाणै दोऊंबा।”

प्रेरितो कै काम 10:40

पौरौ पौरमेशवरे तिजै दूसै तैसीकै मौरेयौंदे मुंजीदा जियुंदी कौरा, औरौ दिखाए बै दिया।

प्रेरितो कै काम 13:33

कै पौरमेशवरे यीशु खै मौत शै जियुंदी कौरेयौ, सैजी कौरार अमारै सन्‍तान कारिए पोरे कौरे; जैशै भजन संहिता दो बै लैख राए, पौरमेशवरे मसीह कै बारै मुंजी बौतौऊ, ‘तू मैरा बैटा औसौ; ऐलो दा उबा हांव तैरा पिता बौणै गौआ।’

प्रेरितो कै काम 13:34

औरौ तैसकै इयौं बातौ लैई मौरेयौंदे मुंजीदै जियुंदी हौणौ कै बारै मुंजी बै, कै सै कौलोंई नी शौड़ौ, पौरमेशवरे ऐजौ बौल राए, ‘हांव दाऊद पांदी कै पवित्र औरौ अटल आशीष तुऔं पांदी कौरदा।’

प्रेरितो कै काम 13:37

पौरौ यीशु जैसीखै पौरमेशवरे मौरेयौंदे मुंजीदा जियुंदी कौरा, सै शोड़ी ना।

प्रेरितो कै काम 17:31

जिथुकै तैणै ऐक दूस ठोराए राए, जिंदै सै तैसी आदमी लैई धार्मिकता शै दुनिया का न्याय कौरदा, जैसी तैणै ठोराए राए, औरौ तैसी मौरेयौंदे मुंजीदा जियुंदा कौरेयौ कै इयौं बातौ का सबूत सौबी लोगौ खै दैय राए।”

प्रेरितो कै काम 2:24

पौरौ हौजौ बै पौरमेशवरे तैसीखै मौत कै बंधन शै छुड़ायो मौरेयौंदे मुंजीदा जियुंदा कौरे दिया। जिथुकै ऐजौ नामुमकिन थियु कै मौत तैसीकै आपणै बोशो दा राखै सौकौ।

प्रेरितो कै काम 2:32

ऐसी यीशु खै पौरमेशवरे जियुंदी कौरा, जैसकै आमु सौबै गवाह औसौ।

प्रेरितो कै काम 3:13

अब्राहम, इसहाक औरौ याकूब का पौरमेशवर, अमारै पुराणिया कै पौरमेशवरे आपणै सेवक यीशु की महिमा कौरे, पौरौ तुऐं तैसी मारणौ कारिए यहूदी नेताओं कै हाथौ दा थोम्बाए दिया, औरौ जोबै राज्यपाल पिलातुसे तैसी छोड़े दैणौ का विचार कौरा, तोबै तुऐं तैसकै सामणै यीशु कै बैज्जती कौरे।

प्रेरितो कै काम 3:15

औरौ तुऐं तैसी जू लोगौ कै सौदा कै जिन्दगी दैंव मारै दिया, जैसी पौरमेशवरे मौरेयौंदे मुंजीदा जियुंदा कौरे दिया; औरौ इयौं बातौ कै आमु गवाह औसौ।

प्रेरितो कै काम 3:26

पौरमेशवरे आपणै सेवक कै मौरेयौंदे मुंजीदा बिज़ाल़ैयौ सौबिदा औगौड़ियौ तोंवारै धोरे भैजा, कै तुऐं आर्शीवाद पांव, ताकि तुऔं मुंजीदै हरेक पाप कै जिन्दगी शै फिरैयौ पौरमेशवर कै ढौबौ आणौ दै मौदद कौरौ।”

प्रेरितो कै काम 4:10

तौ तुऐं सौबै औरौ सारै इस्राएल देश कै लोग जाणै पाव कै ऐजौ नासरत गांव का यीशु मसीह कै नांव लैई कौरौ। तैसी यीशु कै तुऐं लोगै क्रूसो पांदी चौढ़ाए दिया थिया, पौरौ पौरमेशवरे तैसी मौरेयौंदे मुंजीदा दुजाल़ियो जियुंदी कौरा। ऐलो तैसकै नांव कै दवारा ऐजा आदमी तोंवारै सामणै आछा भोला खौड़ा औसौ।

इब्रानियों 13:20

औरौ ऐबै शान्तै का पौरमेशवर, जैणै अमारै प्रभु यीशु खै मौरेयौंदे मुंजीदा औटेयौ लियोऊवा, तुऔं तिनु सौबी चीज़ौ लैई भरपूर कौरौ जिथकी तुऔं तैसकै इछा पोरे कौरणौ कारिए जौरुरत औसौ। यीशु मसीह कै शौकतै कै दवारा तैणै तुऔं मुंजी सैजौ सौबै पौयदा कौरे राए जू तैसी खुशी कौरौ। यीशु हमैशा कै कौरार कै दवारा भेड़ो का महान रोखवाल़ा बौणै गौआ, तैणै आपणी मौत शै आपणै भेड़ो कै झुंड कै साथै कौरार कै स्थापना कौरे जू हमैशा कारिए बौणैयौंदे रौंदी। आमीन।