प्रेरितो कै काम 13:3 - सिरमौरी नौवाँ नियम

³ तोबै तिनुऐ उपवास औरौ प्रार्थना कौरेयौ औरौ तिनु पांदी हाथ राखैयौ तिनु पौरमेशवर का काम कौरणौ कारिए भैजै।

Sirmouri

³ तबे तिनू बिश्वाषी भाऐ-बंईणी ऐं बरनबास अरह् शाऊल गाशी, आप्णें हाथ थंऐयों बरत्त अरह् प्रार्थना करियों तिनू दुईन्ने झुणें सेवकाई खे डेयाल़ी दित्ते।

प्रेरितो कै काम 13:3 ပူးပေါင်းရင်းမြစ်များ

लूका 2:37

औरौ सै चौरासी सालो शै विधवा थै। औरौ मन्दिरो कै ना छोड़ो थी पौरौ उपवास औरौ प्रार्थना कौरेयौ रात दूस आराधना कौरौ थी।

प्रेरितो कै काम 1:24

औरौ ऐजौ बौलेयौ प्रार्थना कौरे, “ओए रै प्रभु, तू जू सौबी कै मोनो कै जाणै, ऐजौ प्रगट कौर कै इनु दु मुंजीदा तुऐं कोसी कै चोणे राए।

प्रेरितो कै काम 13:2

जोबै तिनुऐ उपवास कै साथै प्रभु की आराधना कौरे लोए थै, तौ पवित्र आत्माए बौल़ौ, “मुं कारिए बरनबास औरौ शाऊल कै मैरै सेवा कौरणौ कारिए जौई कौरौ जिथकारिए मोऐं तिनु बौयदै राए।”

प्रेरितो कै काम 13:4

इथकारिए शाऊल औरौ बरनबास पवित्र आत्मा कै भैजैयौंदे अन्‍ताकिया शहर शै सिलूकिया शहर कै बंदरगाह तौड़ी हौटै; औरौ तिथैदै जहाजो पांदी बौठेयौ साइप्रस टापू पांदी सलमीस बंदरगाह कै हौटै।

प्रेरितो कै काम 14:23

औरौ तिनुऐ हरेक कलीसिया दै सौबी समूह कारिए अगुवे ठौहरा दियै औरौ उपवास कै साथै प्रार्थना कौरेयौ तिनु प्रभु यीशु कै सौंपै दिए जैसी पांदी तिनुऐ बिशवाश कौरे राए थिया।

प्रेरितो कै काम 14:26

औरौ तिथैशै जहाज पांदी अन्‍ताकिया शहर कै पाछु हौटै गौवै, जिथदै तिनु पौरमेशवर कै अनुग्रह दै सौंपैयौ तैसी काम कारिए भैजै राए थिए जिथु सै ऐबै पूरु कौरेयौ पाछु आए रौवै थिए।

प्रेरितो कै काम 15:40

पौरौ पौलुसे सीलास खै चुणा, औरौ बिशवाशी भाईयों खै पौरमेशवर कै अनुग्रह दै सौंपैयौ अन्‍ताकिया शहर शै चालै पौड़ै।

प्रेरितो कै काम 6:6

औरौ तिनु चोणेयौंदे चैलै कै सामणै लोऊवे औरौ तिनुऐ प्रार्थना कौरेयौ तैसी कामौ खै कौरणौ कारिए तिनुखै चुणै।

प्रेरितो कै काम 9:17

तोबै हनन्‍याह बिज़यो तैसी घोरे ओऊवा, जिथै शाऊल रौकै रौआ थिया औरौ तैसी पांदी आपणा हाथ राखैयौ बौल़ौ, “ओए रै भाई शाऊल, तैसी प्रभु यीशुए मुखै भैजै राए जू ताखै तैसी बाटो पुंडा जिथैदा तू ओऊवा तैरै दैखिया, ताकि तू दुजाल़ियो दैखै सौकै औरौ पवित्र आत्मा लैई भोरै जाए।”

रोमियों 10:15

औरौ इदै आगै कै सुसमाचार शुणाणौ वाल़ै जायौ तिनु बौताए सौकौ, सुसमाचार शुणाणौ वाल़ै खै भैजणै जौरुरी औसौ, इथकारिए पवित्र शास्त्र बौल़ौ, “तिनकै पांव किशैक सुन्दर औसौ, जू आछी बातौ का सुसमाचार शुणांव!”

1 तीमुथियुस 4:14

तैसी वरदान शै जू हौणौवाल़ी बातौ कै दवारा तांव पांदी कलीसिया कै अगुवे कै हाथ राखदै सौमय ताखै भैटी रौआ थिया, तैसी लगातार ताखै इस्तैमाल कौरणा चैंई।

1 तीमुथियुस 5:22

जांव तौड़ी सै आपी कै मसीह कै प्रति बिशवाश लायक साबित ना कौरे दैंव तांव तौड़ी तैसीकै अगुवा नी बाण औरौ जै तू ऐशै कौरे, तौ तू तैसकै पापौ कारिए बै जुमैवार औसौ, ठाणै पा कै तू आपी पाप ना कौरे।

2 तीमुथियुस 1:6

इयौं बौजैह शै हांव ताखै याद दियोऊं कै तिनु वरदानो कै औटेयौ इस्तैमाल कौर जू पौरमेशवरे ताखै दैय राए थिए जौल़ौ मोऐं तैरै मुंडो पांदी आपणा हाथ राखा।

2 तीमुथियुस 2:2

तुऐं मुखै बौहितै लोगौ कै सामणै मसीह कै बारै मुंजी सौंदेश कै शिखांदै बैई शौणै राए। इथकारिए, हांव चोऊं कै तू बै ओकी बिशवाशियौं कै ऐजा ही सौंदेश शिखा जू बिशवाश लायक लोग औसौ, औरौ जू ओकी खै बै ऐजौई शिखाणौ कै लायक हौंदै।

3 यूहन्ना 1:6

तिनुमुंजी दै किछै लोग इथै कै कलीसिया कै बिशवाशियौं कै साथै तैरै प्यार कै बारै मुंजी बौताए राए जू तू आपणै मसीहियों शै कौरे। ऐबै हांव तांव कैई बुलू कै ताखै ऐशणै लोगौ कै मौदद कौरणी चैंई जू ऐक जौगैह शै ओकी जौगैह दै सफर कौरौ जिथुकै ऐशै कौरणौ पौरमेशवर कै आछौ लागौ।

3 यूहन्ना 1:8

इथकारिए ऐशणै लोगौ का आपणै घोरे स्वागत कौरणा चैंई, ताकि आमै बै सौचाई कै प्रचार कै काम दा भाग लौए सौकु।