प्रेरितो कै काम 13:27 - सिरमौरी नौवाँ नियम

²⁷ यरूशलेम शहर कै लोगै औरौ तिनकै नेताए यीशु मसीह कै ना पौछेयाणी औरौ तिनुऐ पौरमेशवर की बातौ बौताणौवाल़ै कै तिनु वचनो खै ना सौमझी, जिनु सै हर विशांव कै दूसै पोढ़ो थिए। इथकारिए तिनुऐ तैसी दोषी ठैहरोऊवा औरौ ऐशैखैई पौरमेशवर कै बातौ बौताणौवाल़ै कै वचनो खै पूरै कौरे।

Sirmouri

²⁷ किन्देंखे के यरूशलेम के रंहणों वाल़े, अरह् तिनके हाकम लोगे ऐं प्रभू यीशू पंह्छ़ियाँणीं ने, अरह् तिन्ऐ तिनखे शुँल़ी-फ़ाँषी के सजा शुँणाँऐयों अणजाँण हंणों के कारण ऋषियों को सेजो बुल्णों पुरो कोरो; जुण्जो ऐक नाँम बिषाँव के देसे पढ़ो अरह् शुँणाँव ज़ाँव।

प्रेरितो कै काम 13:27 ပူးပေါင်းရင်းမြစ်များ

मत्ती 22:29

यीशुए तिनुखै जोवाब दिया, “तुऐं गौलत औसौ जिथु तुऐं पवित्र शास्त्र औरौ पौरमेशवर कै अनौखी शौकतै कै ना जाणौ।

लूका 22:34

तैणै बौल़ौ, “ओए रै पतरस हांव ताखै बुलू, कै ऐलो कुकड़ै कै, बांक दैणौ दै औगौड़ियौ तू तीन बैई भाजै जाला, कै तू मुखै ना जाणै।”

लूका 23:13

राज्यपाल पिलातुसे मुख्य यहूदी पुरोहितो औरौ ठोगड़े औरौ लोगौ कै बोयदयो तिनु बौल़ौ,

लूका 24:20

औरौ मुख्य यहूदी पुरोहितो औरौ अमारै ठोगड़े तैसी पोकड़वाए दिया, कै तैसी पांदी मौत कै आज्ञा दैय जांव, औरौ तैसी क्रूसो पांदी चौढ़ाया जांव।

यूहन्ना 15:21

पौरौ ऐजौ सौबै ठुँ सै तोंवारै साथै कौरदै, जिथुकै तुऐं मैरै चैलै औसौ, औरौ सैजै मैरै भैजणौवाल़ै पौरमेशवर कै ना जाणौ।

यूहन्ना 16:3

ऐजौ सैजै इथकारिए कौरदै कै तिनुऐ पिता पौरमेशवर कै ना जाणी औरौ ना मुखै जाणौ।

यूहन्ना 5:39

तुऐं पवित्र शास्त्र कै ध्यान शै पोढ़ो, जिथुकै तुऐं सुंचौ कै तिंदी तुऔं कै सौदा कै जिन्दगी भैटौए, औरौ ऐजा सैजाई औसौ, जू मैरी गवाही दैंव।

यूहन्ना 8:28

तोबै यीशुए बौल़ौ, “जोबै तुऐं मुखै आदमी कै बैटै खै क्रूसो पांदी चौढ़ाल़ै, तोबै तुऐं जाणदै कै हांव सैजाई औसौ जू शुरु शै तुऔं उपदैश दैंदा औरौ बौतांदा आए रौआ कै हांव ही औसौ, औरौ आपी शै किछै ना कौरु। पौरौ जैशै मैरै पिता पौरमेशवरे मुखै शिखाए राए ऐशैखैई हांव ऐजी सौबै बातौ बुलू।

प्रेरितो कै काम 15:21

जिथुकै मूसा कै ऐसी कानून का प्रचार पुराणै सौमय शै नोगर-नोगर दा हौंदा आए रौआ, औरौ सै हर विशांव कै दूसै यहूदी सभा-घोरो दै पौढ़ै जांव।”

प्रेरितो कै काम 28:23

तोबै तिनु यहूदी लोगै पौलुस कै साथै ऐक दूस राखौ, औरौ बौहितै लोग तैसकै इथै कौठै होवे, औरौ सै पौरमेशवर कै राज्य कै गवाही दैन्‍दा रौआ, औरौ मूसा कै कानून औरौ पौरमेशवर कै बातौ बौताणौवाल़ै कै किताबो पौरैशौ यीशु कै बारै मुंजी सौमझाए-सौमझायौ झीशो शै बैल़खै तौड़ी बौतांदा रौआ।

प्रेरितो कै काम 3:17

“औरौ ऐबै ओए रै भाईयों हांव जाणुए कै तुऐं औरौ तुंआरै नेताए यीशु कै अणजाणै दा मारै दिया, जिथुकै तुऔं पोता ना थी कै सै मसीह थिया।

रोमियों 11:25

ओए रै बिशवाशी भाईयों, हांव ना चोऊं कै तुऐं ऐसी भैद शै अणजाण रौंव ऐशै ना हौंव कै तुऐं आपी पांदी घमण्‍ड कौरदै लागौ, ऐजौ साचौ औसौ कै इस्राएल देश कै किछै लोग बिशवाश कौरणौ कै तैयार ना आथी, पौरौ जोबै पौरमेशवर पांदी बिशवाश कौरणौवाल़ै बैगानै यहूदी लोगौ कै गिनती पूरै हौए जालै, तौ इस्राएल कै लोग बिशवाश कौरदै औरौ पौरमेशवर कै धोरे पाछु आए जांदै।

1 कुरिन्थियों 2:8

इयौं दुनिया कै हाकिमै पौरमेशवर कै योजना खै ना सौमझी, जिथुकै जै सै जाणदै, तौ तेज़ोमय प्रभु खै क्रूसो पांदी नै चौढ़ांदै।

2 कुरिन्थियों 3:14

पौरौ सै नासमझ हौए गौवै, जिथुकै ऐलो तौड़ी पुराणै कौरार पोढ़दै बैई तिनकै दिलो पांदी सैजाई पोरदा पौड़ेयौंदा रौआ; पौरौ सिरफ मसीह पांदी बिशवाश कौरणौ कै दवारा ही पोरदा हौटाया जांव।

2 कुरिन्थियों 4:4

ऐसी दुनिया कै ईशवर शैतानै तिनु अबिशवाशियौं कै बुध्‍दि खै बंद कौरे राए, इथकारिए सै मसीह कै औरौ तैसकै महिमा कै बारै मुंजी सौंदेश कै ना सौमझै सौकौ जू पौरमेशवर कै जैशणा औसौ।

1 तीमुथियुस 1:13

हांव तौ बिशवाशी बाणणौ दा आगै मसीह कै बारै मुं‍जी बुरी बातौ कौरणौवाल़ा, औरौ बिशवाशी कै सौताणौवाल़ा, औरौ तिनुकै नुकसान पोऊंचाणौ वाल़ा थिया, जिथुकै हांव इबी तौड़ी मसीह पांदी बिशवाश ना कौरु थिया औरौ इयौं बौजैह शै हांव सौमझै ना सौकी कै जू मोऐं कौरे लो थियु सै गौलत थियु। इथकारिए पौरमेशवरे मुं पांदी दया कौरे, जिथुकै हांव ना सौमझी कै मोऐं का कौरे लो थियु औरौ मुखै इबी तौड़ी मसीह पांदी बिश‍वाश ना थी।