प्रेरितो कै काम 13:26 - सिरमौरी नौवाँ नियम

²⁶ “ओए रै भाईयों, तुऐं जू अब्राहम कै सन्‍तान औसौ; औरौ तुऐं जू पौरमेशवर सै डोरणौवाल़ै बैगानै यहूदी औसौ, पौरमेशवरे तोंवारै धोरे उध्दार का सौंदेश भैज राए जू लोगौ खै बौचांव

Sirmouri

²⁶ “हे भाईयों! बाबा अब्राहम के अलाद, अरह् जुण्जे गऐर यहूदी भगत्त लोग ईथै हाजिर असो; मुँक्त्ति-छ़ूट्कारे खे बचन आँमो सोभी कैई डेयाल़ा गुवा।

प्रेरितो कै काम 13:26 ပူးပေါင်းရင်းမြစ်များ

मत्ती 10:6

पौरौ इस्राएल देश कै घोराणे कै खौऐयौंदी भेड़ो कै धोरे जाया।

मत्ती 3:9

औरौ ऐजौ नै सोंचैया कै तुऐं ऐजौ बौलेयौ बौचै सौकौ कै अब्राहम अमारा बुड़ेईक औसौ। हांव तुऔं खै बुलू, की पौरमेशवर इनु पाथरो कौरेयौ अब्राहम कारिए तिथमुंजी दै वंश पौयदा कौरे सौकौ।

लूका 1:69

औरौ आपणै सेवक राजा दाऊद कै वंशो मुंजीदा आमु कारिए ऐक उध्दार कौरणौवाल़ा भैजै राए।

लूका 1:77

तू पौरमेशवर कै लोगौ खै पापौ कै माफी औरौ उध्दार कै बारै मुंजी ज्ञान दैला।

लूका 24:47

औरौ यरूशलेम शहर शै लोएबा सौब देशो दा पाप कौरणै छोड़णे कै बारै मुंजी पापौ की माफी का प्रचार, तैसकै ही नांव शै हौंदा।

यूहन्ना 6:68

शमौन पतरसे यीशु खै जवाब दिया, “ओए रै प्रभु आमै कोसके धोरे जोऊं? सौदा कै जिन्दगी कै बातौ तौ तैरै ही धोरे औसौ।

प्रेरितो कै काम 10:2

सै पौरमेशवर कै भोक्‍ती कौरौ थिया, औरौ आपणै सौबै कुड़बे समैंत पौरमेशवर शै डौरौ थिया, औरौ गरीब यहूदी लोगौ कै बैजाए दान दैंव थिया, औरौ हमैशा पौरमेशवर शै प्रार्थना कौरौ थिया।

प्रेरितो कै काम 10:35

यानी हर देश दा जू पौरमेशवर शै डौरौ औरौ धरम कै काम कौरौ सै तिनु अपनावंए।

प्रेरितो कै काम 13:43

औरौ जोबै सभा-घोरो शै सौबवे हौटै गौवै तौ यहूदी नेता औरौ यहूदी मत दै आएयौंदे भोक्‍तो मुंजीदै भौरिशै पौलुस औरौ बरनबास कै पौछौड़ियौ हौए गौवै; औरौ तिनुऐ तिनुआरी बातौ कौरेयौ सौमझाए, कै पौरमेशवर कै अनुग्रह दै बौणैयौंदे रौव।

प्रेरितो कै काम 13:46

तोबै पौलुस औरौ बरनबासे निडर हौयौ बौल़ौ, “जौरुरी थियु, कै पौरमेशवर का वचन औगौड़ियौ तुऔं शुणाया जांदा; पौरौ जोबै तुऐं तैसी नकारै दिया, औरौ आपी खै सौदा कै जिन्दगी कै लायक ना ठोहरांव, तौ ऐबै, आमु बैगानै यहूदी कै धोरे जांदै।

प्रेरितो कै काम 16:17

सै पौलुस कै औरौ अमारै पौछौड़ियौ आयौ लैरौ मारदै लागै, “ऐजै आदमी परमप्रधान पौरमेशवर कै दास औसौ, जू तुऔं कै उध्दार कै बाट बौतांव।”

प्रेरितो कै काम 22:5

इयौं बातौ कारिए महायहूदी पुरोहित औरौ सौबै बुड़ेईको कै सभा गवाह औसौ, कै तिनुमुंजी दै हांव यहूदी भाईयों कारिए चिट्ठी नियौ खै दमिश्क शहर खै चालै रौआ थिया, कै जू तिथै हौं तिनु सौजा दियाणौ कारिए बांनैयौ खै यरूशलेम शहर दै नियुं।

प्रेरितो कै काम 28:28

इथकारिए तुऐं जाणै पाव, कै पौरमेशवर कै ऐजै उध्दार कै कथा बैगानै यहूदी लोगौ कै धोरे भैजै राए, औरौ सै अपनांदै।”

प्रेरितो कै काम 3:26

पौरमेशवरे आपणै सेवक कै मौरेयौंदे मुंजीदा बिज़ाल़ैयौ सौबिदा औगौड़ियौ तोंवारै धोरे भैजा, कै तुऐं आर्शीवाद पांव, ताकि तुऔं मुंजीदै हरेक पाप कै जिन्दगी शै फिरैयौ पौरमेशवर कै ढौबौ आणौ दै मौदद कौरौ।”

प्रेरितो कै काम 4:12

यीशु कै सिवाए कोसी ओकी कै दवारा उध्दार ना आथी जिथु स्वर्ग कै धैनै आदमी मुंजीदा ओका कुणजाई बै नांव ना दैय रैई, जैसकै दवारा आमै उध्दार पाए सौकु।”

प्रेरितो कै काम 5:20

“जाव मन्दिर दै खौड़ै हौयौ, लोगौ कै ऐसी नौवें सौदा कै जिन्दगी कै बारै मुंजी बौतांव।”

रोमियों 1:16

जिथुकै मुखै मसीह कै बारै मुंजी सुसमाचार पांदी पूरा भोरोशा औसौ, इथकारिए सुसमाचार शै ही पौरमेशवरे शुरु दा ही बैगानै यहूदी लोगौ का उध्दार कौरा औरौ ऐबै सौबी लोगौ का उध्दार कौरौ।

इफिसियों 1:13

तुऐं साचा सौंदेश शौणै राए, जू इथकै बारै मुंजी बौतांव, कै मसीह पौरमेशवरे कैशै तुऔं मोक्ति दैय राए जोबै तुऐं मसीह पांदी बिशवाश कौरे राए थिया, तौ पौरमेशवरे आपणै कौरेयौंदे वादै कै हिसाब शै पवित्र आत्मा तुऔं दैय राए, ऐजौ दिखाणौ कारिए कै तुऐं पौरमेशवर कै औसौ।

कुलुस्सियों 1:5

जिथुकै तुऐं ऐजौ तियौं आशा की बौजैह शै कौरौ जू तुऔं कारिए स्वर्ग दै राखै राए, जिथकै बारै मुंजी तुऐं शौणै राए जोबै आगली बैई लोगै तुऔं यीशु मसीह कै बारै मुंजी सुसमाचार शुणौऊवा जू पौरमेशवर का साचा सौंदेश औसौ।