प्रेरितो कै काम 12:11 - सिरमौरी नौवाँ नियम

¹¹ तोबै पतरसे होशो दै आयौ बौल़ौ, “ऐबै मोऐं साचौ जाणै पोऊँ कै प्रभुए आपणा स्‍वर्गदूत छाड़ैयो मुखै राजा हेरोदेस कै कैद शै छुड़ाए राए, औरौ यहूदी अगुवे कै उमीदो खै नाकाम कौरे दी।”

Sirmouri

¹¹ तबे संत्त-पतरस शुह्झ़ी-होष दा आऐ, तबे तिन्ऐ आपू ही आरी बुलो; “ऐबे मुँऐ जाँणी पाव, के प्रभू ऐ आप्णा दूत्त डेयाल़ियों मुँह राजा हेरोदेस के हाथ शा छुड़ाऐया, अरह् यहूदियों के बादे भोर्षे गाशी पाणीं फेरियों तिनका बादा पलाँन खत्त्म करियों मुँह बंचाऐ दिता।”

प्रेरितो कै काम 12:11 ပူးပေါင်းရင်းမြစ်များ

लूका 15:17

जोबै सै आपणै होशो दा ओऊवा, तोबै बौलदा लागा, ‘मैरै बापू कै घोरे कैतरै मजदूरो खै जौरुरत शै जादा रोटी भैटौ, पौरौ हांव इथै भूखा मौरदा लागै रौआ।’

प्रेरितो कै काम 12:7

तोबै एकदम प्रभु का ऐक स्‍वर्गदूत पतरस कै नेड़िक खौड़ा हौआ, औरौ तियौं कोठरी दो पेयाशो चौमकौ, औरौ तैणै पतरस कै पोसली पांदी हाथ लायौ तैसी बिजाल़ा, औरौ बौल़ौ, “शट बिज़, तावल़ो कौर।” औरौ तैसकै हाथौ पौरैशी शांगुल़ी खौलेयौ धैनै छुटै गोई।

प्रेरितो कै काम 24:27

पौरौ जोबै दो साल बीतै गोई, तौ फेलिक्स कै जौगैह पुरकियुस फेस्तुस राज्यपाल बौणै गौआ। औरौ फेलिक्स यहूदी लोगौ खै खुश कौरणौ की इछा शै पौलुस खै कोयदी दा ही राखा।

प्रेरितो कै काम 25:9

राज्यपाल फेस्तुसे यहूदी नेताओं कै खुश कौरणौ कै इछा शै पौलुस कैईंदु पूछु, “का तू चांए औसौ कै यरूशलेम शहर खै जांए; औरौ तिथै मैरै सामणै तैरा ऐजा मुकदमा तय कौरा जांव?”

प्रेरितो कै काम 5:19

पौरौ राती कै प्रभु कै ऐकी स्‍वर्गदूतै कोयदखाने कै दवार खौलेयौ तिनु बायरै लायौ बौल़ौ,

इब्रानियों 1:14

तोबै स्‍वर्गदूतौ कै हौणौ का, का मकसद औसौ? सै सिरफ पौरमेशवर कै सेवक औसौ; जू पौरमेशवर कै दवारा तिनु लोगौ कै मौदद कौरणौ कारिए छाड़ै जांव जू उध्दार पांव।

2 पतरस 2:9

जोबै कै प्रभुए इनु सारी चीज़ौ खै कौरे राए, तौ इथलैई पौता चालौ कै सै जाणौए कै तैसकै लोगौ खै तिनकै दुखो लैई कैशै छुड़ाणे, औरौ कैशै बुरै लोगौ खै न्याय कै दूस तौड़ी लगातार सौजा दैणी।