प्रेरितो कै काम 11:21 - सिरमौरी नौवाँ नियम

²¹ औरौ प्रभु कै शौकतै तिनु पांदी थै, औरौ बौहितै बैगानै यहूदी लोगै तिनकै सौंदेश पांदी बिशवाश कौरा औरौ प्रभु यीशु पांदी बिशवाश कौरणा शुरु कौर दिया।

Sirmouri

²¹ प्रभू की शक्त्ति तिनकी गईलो थी। अरह् बैजाऐ भहित्ते लोग बिश्वाष करियों प्रभू के ढबे फिरे।

प्रेरितो कै काम 11:21 ပူးပေါင်းရင်းမြစ်များ

लूका 1:66

औरौ सौबी शुणणौवाल़ै आपणै-आपणै मनो दो सोंचैयो बौल़ौ, “ऐजा भेइया कैशणा हौंदा?” जिथुकै प्रभु कै शौकतै तैसीआरी औसौ।

प्रेरितो कै काम 11:24

बरनबास ऐक आछा आदमी थिया, औरौ पवित्र आत्मा औरौ बिशवाश शै भौरेयौंदा थिया, औरौ औकै भौरिशै लोग प्रभु आरी मिलै गौवै।

प्रेरितो कै काम 15:19

इथकारिए मैरा विचार ऐजा औसौ, कै बैगानै यहूदी लोगौ मुंजीदै जू लोग पौरमेशवर कै धोरे आंव तिनु पांदी दबाव नी पाव कै तिनु अमारै सौब यहूदी कानून औरौ भोवारो खै मानणै चैंई।

प्रेरितो कै काम 2:47

औरौ पौरमेशवर कै बौड़ाए कौरदै रौंव थिए, औरौ सौबै लोग तिनुदै खुशी थिए। औरौ जू उध्दार पांव थिए, तिनुखै प्रभु हर दूसै तिनकै बिशवाशी गुट मुंजी मिलाए दैंव थिया।

प्रेरितो कै काम 4:4

पौरौ सौंदेश कै शुणणौवाल़ै मुंजीदै बौहितै यीशु पांदी बिशवाश कौरा, औरौ तिनकै गिनती कुल मिलायौ पाँची हजार आदमी कै लमसम थै जू यीशु पांदी बिशवाश कौरणौवाल़ै थिए।

प्रेरितो कै काम 5:14

प्रभु दै बिशवाश कौरणौवाल़ै लोगौ कै गिनती बौढ़दै गौए औरौ भौरिशै मर्द औरौ बैटमाणिशौ का ऐक बौड़ा गुट बौणै गौआ।

प्रेरितो कै काम 6:7

औरौ पौरमेशवर का वचन फौयल़दा गौआ औरौ यरूशलेम शहर दै चैलै कै गिनती बैजाए बौढ़दै गौए औरौ बौड़ी संख्या दै यहूदी पुरोहिते बै यीशु मसीह पांदी बिशवाश कौरणौ कै ऐसी सौंदेश कै मानै पोऊवा।

प्रेरितो कै काम 9:35

लुदा औरौ शारोन नगर कै सौबै रौणौवाल़ै लोगै तैसी दैखा औरौ प्रभु यीशु पांदी बिशवाश कौरा।

1 थिस्सलुनीकियों 1:5

जिथुकै अमारा यीशु मसीह कै बारै मुंजी सुसमाचार तुऔं कैई बौताणा सिरफ बातौ मुंजी ही ना आथी, पौरौ पवित्र आत्मा कै अनौखी शौकतै लैई, पूरै आशवासन कै साथै ऐजा सुसमाचार साचा औसौ। जैशैखै तुऐं जाणौए कै तोंवारै कल्याण कारिए तोंवारै बीच दा अमारा चाल चलन कैशणा थिया।