प्रेरितो कै काम 11:19 - सिरमौरी नौवाँ नियम

¹⁹ स्तिफनुस कै मारै जाणौ कै बाद, कैई बिशवाशी लोगै यरूशलेम शहर कै छोड़ दिया औरौ बैखरै गौवै, सै घुमदै-घुमदै फीनीके प्रदेश औरौ साइप्रस टापू औरौ सीरिया प्रदेश कै अन्‍ताकिया शहर दै पौऊंचै, पौरौ यहूदी लोगौ कै सिवाए कोसी ओकी खै यीशु कै बारै मुंजी सौंदेश ना शुणाए राए थी।

Sirmouri

¹⁹ जुण्जे लोग तेसी कंल़ेष के कारण माँरे गुऐ, जुण्जे स्तिफनुस के कारण पड़ा थिया; अरह् सेजे लोग खिदर-बिदर हुऐ गुऐ थिऐ, अरह् से रिट्दे-फीर्दे फीनीके अरह् साइप्रस, अरह् अन्ताकिया दे पंह्ईचे; परह् यहूदियों के सुवाऐ से कोसी ओकी कैई बचन ने शुँणाँव थिऐ।

प्रेरितो कै काम 11:19 ပူးပေါင်းရင်းမြစ်များ

मत्ती 10:6

पौरौ इस्राएल देश कै घोराणे कै खौऐयौंदी भेड़ो कै धोरे जाया।

यूहन्ना 7:35

इथपांदी यहूदी नेताए आपी मुंजी चौर्चा कौरेयौ बौल़ौ, “ऐजा कुकै जांदा कै आमै ऐसी जौए ना सौकदै? शायद सै तिनु यहूदी लोगौ कै धोरे जाला जू यूनानी शहरो दै इस्राएल देश शै बायरै बिखरेयोंदे रौंव, औरौ तिनुकै शिक्षा दैणा चांव।

प्रेरितो कै काम 11:20

पौरौ तिनुमुंजी दै साइप्रस टापू कै रौणौवाल़ै किछै बिशवाशी औरौ कुरेन कै रौणौवाल़ै लोग थिए, जू अन्‍ताकिया शहर दै आयौ बैगानै यहूदी लोगौ खै बै प्रभु यीशु कै सुसमाचार की बातौ शुणादै लागै।

प्रेरितो कै काम 11:22

जोबै तिनकी चौर्चा यरूशलेम शहर कै कलीसिया कै शुणणौ दी आए, औरौ तिनुऐ बरनबास खै अन्‍ताकिया शहर भैजा।

प्रेरितो कै काम 13:1

अन्‍ताकिया शहर कै कलीसिया दै कैई पौरमेशवर कै बातौ बौताणौवाल़ै औरौ उपदैशक थिए; जैशै बरनबास औरौ शमौन तैसकौ औकौ नांव नीगर थियु; जिथका मतलब औसौ काल़ा आदमी औरौ लुकियुस कुरेनी औरौ चौथाई देश कै राजा हेरोदेस का दूधभाई मनोहम औरौ शाऊल।

प्रेरितो कै काम 13:4

इथकारिए शाऊल औरौ बरनबास पवित्र आत्मा कै भैजैयौंदे अन्‍ताकिया शहर शै सिलूकिया शहर कै बंदरगाह तौड़ी हौटै; औरौ तिथैदै जहाजो पांदी बौठेयौ साइप्रस टापू पांदी सलमीस बंदरगाह कै हौटै।

प्रेरितो कै काम 13:46

तोबै पौलुस औरौ बरनबासे निडर हौयौ बौल़ौ, “जौरुरी थियु, कै पौरमेशवर का वचन औगौड़ियौ तुऔं शुणाया जांदा; पौरौ जोबै तुऐं तैसी नकारै दिया, औरौ आपी खै सौदा कै जिन्दगी कै लायक ना ठोहरांव, तौ ऐबै, आमु बैगानै यहूदी कै धोरे जांदै।

प्रेरितो कै काम 14:26

औरौ तिथैशै जहाज पांदी अन्‍ताकिया शहर कै पाछु हौटै गौवै, जिथदै तिनु पौरमेशवर कै अनुग्रह दै सौंपैयौ तैसी काम कारिए भैजै राए थिए जिथु सै ऐबै पूरु कौरेयौ पाछु आए रौवै थिए।

प्रेरितो कै काम 15:22

तोबै यरूशलेम शहर दै सौबै कलीसिया समैंत चोणेयौंदे चैलै औरौ अगुवो खै आछौ लागौ, कै आपी मुंजीदै किछै आदमियों कै चुणो, यानी यहूदा जैसकौ औकौ नांव बरसब्‍बा औसौ, औरौ सीलास कै जू बिशवाशी भाईयों मुंजी जादा इजतदार थिया; औरौ तिनु पौलुस औरौ बरनबास कै साथी अन्‍ताकिया शहर दै कलीसिया कै धोरे भैजै।

प्रेरितो कै काम 15:3

औरौ कलीसिया कै लोगै तिनु बाटो पुंडे कै पौयसै औरौ खाणौ दियु; औरौ सै फीनीके प्रदेश औरौ सामरिया प्रदेश शै हौयौ कै कैशै बैगानै यहूदी लोग सुसमाचार शोणेयो मसीह दै बिशवाशी बोणदै लागै रौवै, औरौ इयौं बात लैई सौबै बिशवाशी भाईयों खै बैजाए खोशे हौए।

प्रेरितो कै काम 15:30

तोबै सै विदा हौयौ अन्‍ताकिया शहर दै पौऊंचै, औरौ सभा खै कौठै कौरेयौ इनु चिट्ठी दैय दै।

प्रेरितो कै काम 15:35

औरौ पौलुस औरौ बरनबास अन्‍ताकिया शहर दै रौए गौवै औरौ औकै भौरिशै लोगौ कै साथै प्रभु यीशु कै वचन का उपदैश कौरदै औरौ सुसमाचार शुणादै रौवै।

प्रेरितो कै काम 15:39

तिनुमुंजी ऐशणै बैहस हौए कै पौलुस औरौ बरनबास ऐकी दूजै शै जौई हौए गौवै; औरौ बरनबास, मरकुस कै नियौ जहाज शै साइप्रस टापू कै हौटै गौआ।

प्रेरितो कै काम 18:22

औरौ कैसरिया शहर दा ओतरेयो यरूशलेम शहर खै हौटा औरौ तिथै कलीसिया कै लोगौआरी भैटियो अन्‍ताकिया शहर दा ओऊवा।

प्रेरितो कै काम 21:16

कैसरिया नोगर पौरैशै बै किछैक चैलै अमारै साथी चालै, औरौ आमु मनासोन नांव कै ऐकी आदमीए आपणै घोरे नियै, जू साइप्रस टापू का रौणौवाल़ा थिया, सै सौब दै आगलै चैलो मुंजीदा ऐक थिया, औरौ आमै तैसी कागे टिके।

प्रेरितो कै काम 21:2

औरौ ऐक जहाज फीनीके प्रदेश कै जांदी बैई भैटौ, औरौ आमुए तिथपांदी चौढ़ेयौ यात्रा शुरु कौरे।

प्रेरितो कै काम 3:26

पौरमेशवरे आपणै सेवक कै मौरेयौंदे मुंजीदा बिज़ाल़ैयौ सौबिदा औगौड़ियौ तोंवारै धोरे भैजा, कै तुऐं आर्शीवाद पांव, ताकि तुऔं मुंजीदै हरेक पाप कै जिन्दगी शै फिरैयौ पौरमेशवर कै ढौबौ आणौ दै मौदद कौरौ।”

प्रेरितो कै काम 4:36

यूसुफ नांव का ऐक आदमी थिया। जू लेवी गोत्र का थिया औरौ तैसका जन्म साइप्रस टापू दा हौए रौआ थिया। जैसकौ नांव चोणेयौंदे चैलै बरनबास यानी शान्तै का बैटा राखै राए थियु।

प्रेरितो कै काम 6:5

ऐजै बात सौबी मण्‍डली कै आछी लागै औरौ तिनुऐ स्तिफनुस नांव का ऐक मर्द कै जू पवित्र आत्मा लैई भौरेयौंदा थिया, औरौ फिलिप्‍पुस औरौ प्रुखुरुस औरौ नीकानोर औरौ तीमोन औरौ परमिनास औरौ अन्‍ताकिया शहर कै रौणौवाल़ै नीकुलाउस खै जू यहूदी कै गुट शै आए गौआ थिया, चोणे पाए।

गलातियौं 2:11

जोबै ऐक दूस पतरस अन्‍ताकिया शहर दा ओऊवा, तौ मोऐं लोगौ खै सामणै तैसी फिटका, जिथुखै सै सोही काम ना कौरौ थिया।