प्रेरितो कै काम 11:14 - सिरमौरी नौवाँ नियम

¹⁴ सै तुऔं ऐशणी बातौ बोताला, जिथलैई पौरमेशवर ताखै औरौ तैरै घोराणे कै सौबी लोगौ खै बौचांदा।

Sirmouri

¹⁴ से ताँव कैई शा बचन शुँणाँला, जिन्दे लई तू अरह् तेरे कुड़्बे खे मुँक्त्ति भेंट्ली।’

प्रेरितो कै काम 11:14 ပူးပေါင်းရင်းမြစ်များ

मरकुस 16:16

जू मुं पांदी बिशवाश कौरलै औरौ ऐक निशान कै तौर पांदी बपतिस्मा लोले। तिनु पौरमेशवर तिनकै पापौ कै सौजा शै बौचाल़ा, पौरौ जू कुणिए मुं पांदी बिशवाश नी कौरला, तिनुखै तिनकै पापौ कै सौजा दैला।

लूका 19:10

जिथुकै हांव आदमी का बैटा लोगौ कै सौदा कै सौजा शै बौचाणौ औरौ तिनका उध्दार कौरदा आए रौआ।”

यूहन्ना 12:50

औरौ हांव जाणुए कै तैसकै आज्ञा कै मानणै सौदा कै जिन्दगी कै ढौबौ लोए जांव इथकारिए हांव तुऔं सैजौई बौतौऊं, जू पिता पौरमेशवर मुंकैई बौल़ौ।”

यूहन्ना 20:31

पौरौ ऐजौ इथकारिए लैखै राए, कै तुऐं बिशवाश कौरौ, कै यीशु ही पौरमेशवर का बैटा मसीह औसौ, औरौ तैसी पांदी बिशवाश कौरेयौ कै तैसकै नांव लैई सौदा कै जिन्दगी पांव।

यूहन्ना 4:53

तोबै तैसकै बापू जाणै पोऊँ, कै ऐजौ तैसी सौमय हौ, जैसी सौमय यीशुए बौल़ै राए थियु कै, “तैरा बैटा जियुंदा औसौ,” औरौ तैसकै परिवार कै सौबी लोगै बिशवाश कौरा।

यूहन्ना 6:63

पौरमेशवर कै आत्मा तौ जिन्दगी दैणौ वाल़ी औसौ, शोरीर शै किछै बै ना हौए सौकौ। मोऐं तुऔं कैंई जू बौल़ै राए, सै पवित्र आत्मा कै ढौबौशौ औसौ, औरौ सैजी बातौ आदमी कै सौदा कै जिन्दगी दैंव।

यूहन्ना 6:68

शमौन पतरसे यीशु खै जवाब दिया, “ओए रै प्रभु आमै कोसके धोरे जोऊं? सौदा कै जिन्दगी कै बातौ तौ तैरै ही धोरे औसौ।

प्रेरितो कै काम 10:2

सै पौरमेशवर कै भोक्‍ती कौरौ थिया, औरौ आपणै सौबै कुड़बे समैंत पौरमेशवर शै डौरौ थिया, औरौ गरीब यहूदी लोगौ कै बैजाए दान दैंव थिया, औरौ हमैशा पौरमेशवर शै प्रार्थना कौरौ थिया।

प्रेरितो कै काम 10:22

तिनुऐ बौल़ौ, “कुरनेलियुस सूबेदार जू धरमी औरौ पौरमेशवर शै डोरणोवाल़ा औरौ सौबै यहूदी जाति कै लोगौ दा सुनांव आदमी औसौ, तैणै ऐक पवित्र स्‍वर्गदूतौ शै ऐजै बात पाए राए, कै ताखै आपणै घोरे बौएदैयौ तांव कैईंदा उपदैश शुणौ।”

प्रेरितो कै काम 10:43

तैसकै सौबै पौरमेशवर कै बातौ बौताणौवाल़ै गवाही दैंव कै जू कुणिए यीशु पांदी बिशवाश कौरला, तैसी तैसकै नांव कै दवारा पापौ की माफी भैटदै।

प्रेरितो कै काम 10:6

शमौन ऐसी सौमय कुणजाई चामड़े का धान्‍धा कौरणौवाल़ै कै घोरे मैहमान बौणैयौं टीकी रौआ थिया, जैसकौ घोर समुन्द्रो कै किनारे पांदी थियु।”

प्रेरितो कै काम 11:13

औरौ कुरनेलियुसे बौतौऊ, कै तैणै ऐकी स्‍वर्गदूत खै आपणै घोरे खौड़ा दैखा, जैणै बौल़ौ, “याफा नगर दा आदमी भैजैयो शमौन कै जैसकै पतरस बै बौल़ौए, बौएदै पा।

प्रेरितो कै काम 16:15

औरौ जोबै तियैं आपणै कुड़बे समैंत बपतिस्मा लौआ, तौ तियैं बिन्ती कौरे, “जै तुऐं मुखै सौथीखै प्रभु कै बिश‍वाशनी सौमझौ, तौ चालैयौ मैरै घोरे रौव, औरौ सै आमु कै मौनायो कै लोय गौए।”

प्रेरितो कै काम 18:8

तोबै यहूदी सभा-घोरो का ठोगड़ा क्रिस्पुसे आपणै सौबै कुड़बे समैंत प्रभु पांदी बिशवाश कौरा औरौ बौहितै कुरिन्थुस शहर कै रौणौवाल़ै लोगै वचन शोणेयो बिशवाश कौरा औरौ बपतिस्मा लौआ।

प्रेरितो कै काम 2:39

जिथुकै ऐजा वादा तुऔं, औरौ तोंवारै नानड़िया, औरौ तिनु दूर-दूर कै सौबी लोगौ कारिए बै औसौ जिनुखै प्रभु अमारा पौरमेशवर आपणै धोरे बौईददा।”

1 कुरिन्थियों 1:16

ऐबै मुखै याद औसौ कै मोऐं स्तिफनास कै परिवार खै बै बपतिस्मा दैय राए; इनुखै छोड़ेयौ, हांव ना जाणु कै मोऐं ओकी कोसी खै बपतिस्मा दिया।