प्रेरितो कै काम 11:12 - सिरमौरी नौवाँ नियम

¹² तोबै पवित्र आत्माए मुखै निशोंक हौयौ तिनुआरी जाणौ कारिए बौल़ौ, औरौ ऐजै छौ भाई बै मैरै ही साथी हौए गौवै, औरौ आमु तैसी आदमी कै घोरे दै हौटै।

Sirmouri

¹² पबित्र-आत्त्मा ऐ मुँखे तिनकी गईलो बैझीझ्क ज़ाणों खे बुलो; अरह् सेजे छ: बिश्वाषी भाऐ भे मेरी गईलो आऐ। अरह् आँमें तेसी आदमी कागी हुटे।

प्रेरितो कै काम 11:12 ပူးပေါင်းရင်းမြစ်များ

मत्ती 1:20

जोबै तैणै इनु बातौ खै सोंचै लोई थी तोबै स्‍वर्गदूत तैसकै सुईणै दा दैखिया औरौ बौलदा लागा, “ओए रै यूसुफ! दाऊद राजा कै वंश, तू आपणी हौणौवाल़ी घोरवाल़ी मरियम खै आपणै घोरे लाणौ खै डौरेया नै, जिथु जू तियांरै कोख दा औसौ, सै पवित्र आत्मा कै शौकतै शै औसौ।

यूहन्ना 16:13

पौरौ जोबै सैजा सत्‍य का आत्मा आला, तौ तुऔं पौरमेशवर कै बारै मुंजी जू बै साचौ औसौ बौतांदा। जिथुकै सै आपणै औधिकार शै ना बौलदा, पौरौ जू किछै पौरमेशवर कै ढौबौशौ शुणल़ा, सैजौई बौलदा, औरौ आणौवाल़ी बातौ तुऔं बौतांदा।

प्रेरितो कै काम 1:15

औरौ तिनु दूसौ दै जोबै लमसम ऐक शौ बीश बिशवाशी कौठै थिए, तोबै पतरस तिनकै बीच मुंजी खौड़ै हौयौ बौलदा लागा।

प्रेरितो कै काम 10:23

तोबै तैणै तिनु भीतरै बौएदैयौ तिनुखै रौणौ कै ठाँव दिया। औरौ दूजै दूसै, सै तिनकै साथै हौटा, औरौ याफा नगर कै कुणजैई भाई तैसकै साथै हौटै गौवै।

प्रेरितो कै काम 10:45

औरौ जैतरै खतना कौरेयौंदे यहूदी बिशवाशी पतरस कै साथी आए रौवै थिए, सै सौबै हैरान हुवे कै बैगानै यहूदी पांदी बै पवित्र आत्मा का दान दैय राए।

प्रेरितो कै काम 11:13

औरौ कुरनेलियुसे बौतौऊ, कै तैणै ऐकी स्‍वर्गदूत खै आपणै घोरे खौड़ा दैखा, जैणै बौल़ौ, “याफा नगर दा आदमी भैजैयो शमौन कै जैसकै पतरस बै बौल़ौए, बौएदै पा।

प्रेरितो कै काम 13:2

जोबै तिनुऐ उपवास कै साथै प्रभु की आराधना कौरे लोए थै, तौ पवित्र आत्माए बौल़ौ, “मुं कारिए बरनबास औरौ शाऊल कै मैरै सेवा कौरणौ कारिए जौई कौरौ जिथकारिए मोऐं तिनु बौयदै राए।”

प्रेरितो कै काम 13:4

इथकारिए शाऊल औरौ बरनबास पवित्र आत्मा कै भैजैयौंदे अन्‍ताकिया शहर शै सिलूकिया शहर कै बंदरगाह तौड़ी हौटै; औरौ तिथैदै जहाजो पांदी बौठेयौ साइप्रस टापू पांदी सलमीस बंदरगाह कै हौटै।

प्रेरितो कै काम 15:7

तोबै पतरसे बौहितै बैहसबाजी हौए जाणौ कै बाद खौड़ै हौयौ तिनुखै बौल़ौ, “ओए रै बिशवाशी भाईयों, तुऐं जाणौ, कै बौहितै दूस हौए गौवै, कै पौरमेशवरे तुऔं मुंजी शा मुखै चोणे राए, कै बैगानै यहूदी लोग मैरै दवारा सुसमाचार का वचन शोणेयो बिशवाश कौरौ।”

प्रेरितो कै काम 15:9

औरौ बिशवाश कै दवारा तिनकै मन शुध्द कौरेयौ आमु मुंजी औरौ तिनुमुंजी कुणजाई फोरक ना राखै रैई।

प्रेरितो कै काम 28:15

रोम शहर शै किछै बिशवाशी भाईए शुणु कै आमै तिथै आन्दै लागै रौवै औरौ सै आमुआरी भैटिणौ औरौ आमु रोम शहर लौए जाणौ कारिए अप्पियुस नगर कै बाज़ारो औरौ तीन-सराए नगर तौड़ी ओऊवे, जिनु दैखियौ खै पौलुसे पौरमेशवर का धन्यवाद कौरा, औरौ बैजाए हिम्मत बौड़ै।

प्रेरितो कै काम 8:29

तोबै पवित्र आत्माए फिलिप्‍पुस कै बौल़ौ, नज़दीक जायौ ऐसी रथ कै साथी हांड।

रोमियों 3:22

यानी आमै पौरमेशवर कै सामणै धरमी तोबै बौणु जोबै आमै यीशु मसीह पांदी बिशवाश कौरु। जिथुकै पौरमेशवर सौबी कै साथै ऐक जैशणा बर्ताव कौरौ;

2 थिस्सलुनीकियों 2:2

जै तुऐं शुणौए कै प्रभु यीशु कै औटेयौ पाछु आणौ कु दूस आगै शै ही आए गौ तौ आपणै विचारो दै काल़ैयौ घबराए नी जाया। जै कुणिए ऐजी हौणौवाल़ी बातौ कै रुप दै या शिक्षा या ऐशणै चिट्ठी जू मानौ कै अमारी तरफ शै तिनु भैटी रोए, तौ तिनका बिशवाश ना कौरेया।

प्रकाशितवाक्य 22:17

पौरमेशवर का आत्मा औरौ मेम्ने कै दुल्हन यीशु कैई बौल़ौ, “ताखै पाकौ आणौ चैंई।” सौबै जू ऐजौ शुणु, तैसी बै ऐजौ बौलणौ चैंई, “आ!” जू कुणिए बै तिशा औसौ, सै इथै आव। सैजौ पाणी पियौ जू जीवन दैंव, जू कै तिनु सौबी कै मुफ्त दौ भैटौ जू इथुकै पिणु चांव।