प्रेरितो कै काम 10:39 - सिरमौरी नौवाँ नियम

³⁹ औरौ आमुए चोणेयौंदे चैलै लोगौ खै तिनु सौबी बातौ कै बारै मुंजी बौताए लो, जू आमु यीशु कै यरूशलेम शहर दै औरौ बाकी यहूदी देश दै कौरदै दैखा औरौ यरूशलेम कै यहूदी नेताए तैसीखै क्रूसो पांदी लोटकायो मारै दिया।

Sirmouri

³⁹ प्रभू यीशू ऐं जुण्जो किऐ यहूदा ईलाके अरह् यरूशलेम दो करो, तिन्दें के गुवाह्-शाज़्त्त आँमें असो; तिनू ही यीशू मसीया लोगें ऐ शुँल़ी-फ़ाँषी दे देऐयों माँरी दिते।

प्रेरितो कै काम 10:39 ပူးပေါင်းရင်းမြစ်များ

लूका 1:2

तिनुऐ सैजौ लिखु जू आमुखै तिनु लोगै बौताए राए थियु, जिनुवै यीशु कै सेवा कै शुरुआत शै दैख राए थिया औरौ जू बाद मै पौरमेशवर कै वचन कै सेवक बौणै गौवै।

लूका 24:48

तुऐं इनु सौबी बातौ कै गवाह औसौ।

यूहन्ना 15:27

औरौ तुऐं बै गवाह औसौ जिथुकै तुऐं शुरु दै ऊबै मैरै साथै रौए रौवै।”

प्रेरितो कै काम 1:8

पौरौ जोबै पवित्र आत्मा तुऔं पांदी आला तोबै तुऐं अनौखी शौकतै पांदै, औरौ यरूशलेम शहर औरौ सौबै यहूदिया प्रदेश औरौ सामरिया प्रदेश तौड़ी औरौ सोंईसारी कै हर जौगैह तौड़ी लोगौ कै मैरै बारै मुंजी बौतांदै।”

प्रेरितो कै काम 10:41

सौबी लोगै तैसी ना दैखी पौरौ तिनु गवाहै जू पौरमेशवर कै चोणेयौंदे चैलै औसौ जिनुखै पौरमेशवरे औगौड़ियौ ही चोणे राए थिए, मतलब आमु जिनुवै तैसकै मौरेयौंदे मुंजीदै जियुंदी हौणौ कै बाद तैसकै साथी खोऊ पियु;

प्रेरितो कै काम 13:31

औरौ सै तिनु जू तैसकै साथी गलील जिले शै यरूशलेम शहर दै आए रौवै थिए, बौहितै दूसौ तौड़ी आपणै चैलै खै दैखिंदा रौआ; लोगौ कै सामणै ऐबै जिनुवै तैसी दैखा सैजैई तैसकै गवाह औसौ।

प्रेरितो कै काम 2:32

ऐसी यीशु खै पौरमेशवरे जियुंदी कौरा, जैसकै आमु सौबै गवाह औसौ।

प्रेरितो कै काम 4:10

तौ तुऐं सौबै औरौ सारै इस्राएल देश कै लोग जाणै पाव कै ऐजौ नासरत गांव का यीशु मसीह कै नांव लैई कौरौ। तैसी यीशु कै तुऐं लोगै क्रूसो पांदी चौढ़ाए दिया थिया, पौरौ पौरमेशवरे तैसी मौरेयौंदे मुंजीदा दुजाल़ियो जियुंदी कौरा। ऐलो तैसकै नांव कै दवारा ऐजा आदमी तोंवारै सामणै आछा भोला खौड़ा औसौ।

प्रेरितो कै काम 7:52

पौरमेशवर कै बातौ बौताणौवाल़ै खै तोंवारै पुराणियाए ना सोताए रैई थी? औरौ तिनुऐ पौरमेशवर कै बातौ बौताणौवाल़ै खै मारै दियै जिनुवै तैसी धरमी आदमी यानी मसीह कै आणौ कै बारै मुंजी बौल़ै राए थियु, औरौ जोबै मसीह ओऊवा, तौ तुऐं तैसी धौखा दिया औरौ तैसकै मारै दिया।

गलातियौं 3:13

मसीह अमारै बौजैह शै क्रूसो पांदी मौरा तौ तैणै शराप खै आपी पांदी लोयो आमु मूसा कै कानून कै शराप शै बौचाए राए। जिथुकै पवित्र शास्त्र दो लैखै राए कै, “शरापित औसौ सै जू क्रूसो पांदी मारै दिया जाला।”

1 पतरस 2:24

जोबै मसीह मौरा, तौ अमारै पापौ कै बौजैह शै क्रूस पांदी तैसकै शोरीर खै सौजा दै। तैणै ऐशै इथकारिए कौरौ ताकि आमु पाप कौरणा बंद कौरे दियु औरौ धरमी जीवन जिणा शुरु कौरे दियु औरौ तिनु जख्मौ कै बौजैह शै जू मसीहे झैलै, आमै आत्मा, प्राण औरौ शोरीर दै ठीक हौए गौवै।