प्रेरितो कै काम 10:34 - सिरमौरी नौवाँ नियम

³⁴ तोबै पतरसे बौल़ौ, ऐबै मुखै बिशवाश हौए गौआ, कै पौरमेशवर कोसी का पक्ष ना लोंव,

Sirmouri

³⁴ तबे संत्त-पतरस ऐं बुल्णों शुरू करो, “ऐबे हाँव बिलकुल संहम्झीं गुवा; के पंण्मिश्वर कोसी आरी भी पक्षपात्त-अपणोंट ने करदा।

प्रेरितो कै काम 10:34 ပူးပေါင်းရင်းမြစ်များ

मत्ती 22:16

पौरौ तिनुऐ आपणै चैलै खै हेरोदियों कै साथी तैसकै धोरे ऐजौ बौलदा भैजा, “ओए रै गुरुजी, आमै जाणुए, कै तू साचा औसौ, औरौ कोसी कै पोरवा ना कौरे कै लोग मुखै का बौलल़ै; औरौ पौरमेशवर कै बाट सोच्‍चाई शै शिखांए। जिथुकै तू आदमी कै मुं दैखैयो बातौ ना कौरे।

मत्ती 5:2

औरौ यीशुए तिनुकै उपदैश दैणा शुरु कौरा:

लूका 20:21

तिनुऐ तैसीयांदो ऐजौ पूछु, “ओए रै गुरुजी आमु जाणुए कै तू ठीक बौल़ै, औरौ शिखाए बै औसौ औरौ कोसीआरी भैदभाव ना कौरे; औरौ पौरमेशवर कै बाट सौचाई सै बौताए।

प्रेरितो कै काम 10:33

तोबै मोऐं तावल़ै तैरै धोरे लोग भैजै, औरौ तुऐं ठीक कियु जू आए गौआ। ऐबै आमु सौबै इथै पौरमेशवर कै सामणै औसौ, ताकि जू किछै पौरमेशवरे ताखै बौल़ै राए सैजौ शुणु।”

प्रेरितो कै काम 15:9

औरौ बिशवाश कै दवारा तिनकै मन शुध्द कौरेयौ आमु मुंजी औरौ तिनुमुंजी कुणजाई फोरक ना राखै रैई।

प्रेरितो कै काम 8:35

तोबै फिलिप्पुसे बौलणौ शुरु कौरौ औरौ ऐसी पवित्र शास्त्र पौरैशौ शुरु कौरेयौ तैसीखै यीशु का सुसमाचार शुणौऊवा इथकारिए सैजा औधिकारी सौमझै गौआ औरौ यीशु पांदी बिशवाश कौरा।

रोमियों 2:11

जिथुकै पौरमेशवर सौबी लोगौ का न्याय ऐकैई तरीकै शै कौरौ।

रोमियों 3:29

पौरमेशवर सिरफ यहूदी लोगौ का पौरमेशवर ना आथी, पौरौ बैगानै यहूदी लोगौ का बै पौरमेशवर औसौ।

गलातियौं 2:6

तोबै यरूशलेम शहर कै कलीसिया कै तिनु अगुवे मैरै शिक्षा दै किछै बै मिलावट ना कौरी, मुखै इयौं बातौ लैई किछै फर्क ना पौड़ौ कै सैजै अगुवे किशैक रुतबे वाल़ै मानै जांव थिए, जिथुकै पौरमेशवर बायरौ का रुप दैखैयो न्याय ना कौरौ।

इफिसियों 6:9

ऐशैखैई ओए रै मालिक, तुऐं बै तिनु धमकियां नी दैंव पौरौ आपणै दास कै प्रति आछै बौणौ। जिथुकै तुऐं जाणौए, कै तिनका औरौ तोंवारा दुईनै का मालिक स्वर्ग दा औसौ, औरौ सै कोसी का पक्ष ना कौरौ।

कुलुस्सियों 3:11

ऐसी बौजैह शै ऐक यूनान देश कै रौणौवाल़ै लोगौ कै बीच कुणजाई भैदभाव ना आथी औरौ ना यहूदी लोगौ मुंजी, ना खतना कौरणौवाल़ौ मुंजी, ना बिना खतना कौरवाणौवाल़ै लोगौ मुंजी, ना विदेशी लोगौ मुंजी, ना असभ्य लोगौ मुंजी, ना दास औरौ ना गुलामो मुंजी कुणजाई भैदभाव औसौ, पौरौ मसीह ही सौबै ठुँ औसौ औरौ सै आपणै सौबी लोगौ मुंजी रौंव।

कुलुस्सियों 3:25

जिथुकै जू कुणिए बुराई कौरदा रौंव, पौरमेशवर तैसी सौजा दैंदा। पौरमेशवर कोसी का भैदभाव ना कौरौ।

याकूब 2:1

ओए रै मैरै भाईटु, तुऐं अमारै महिमा दैणै वाल़ा प्रभु यीशु मसीह कै चैलै औसौ इथकारिए तुऔं मुंजी भैदभाव कै भावना नी हौंव।

याकूब 2:4

तौ का तुऐं आपी मुंजी भैदभाव ना कौरी? औरौ का तुऐं बुरै विचार शै न्याय कौरणौवाल़ै ना हुवे?

याकूब 2:9

पौरौ जै तुऐं भैदभाव कौरौ तौ पाप कौरौ, औरौ नियम तुऔं दोषी ठोहरांव।

1 पतरस 1:17

पौरमेशवर जाणौए कै हरेक आदमीए का-का कौरे राए, औरौ सै सौबी आदमी का न्यांव बिना कोसी भैदभाव कै कौरौ। जोबै तुऐं पौरमेशवर शै प्रार्थना कौरौ तौ तैसी पिता बौल़ौ। इथकारिए जोबै कै तुऐं धोरती पांदी ऐक प्रदेशी हौयौ रौंव तौ तुऔं पौरमेशवर का डौर मानैयौ तैसका बैजाए आदर कौरणा चैंई।