प्रेरितो कै काम 10:30 - सिरमौरी नौवाँ नियम

³⁰ कुरनेलियुसे बौल़ौ, “चार दूस आगै, ऐसी सौमय, मोऐं आपणै घोरे दै दोफारी कै ती बोजे प्रार्थना कौरे लोए थै, कै ऐक आदमी चौमकिला खोटणो बाम्बैयौ, मैरै सामणै आयौ खौड़ा हौए गौआ।

Sirmouri

³⁰ सुबेदार कुरनेलियुस ऐ जबाब दिता, “चार देसो आगे ऐसी ही बख्त्ते मुँऐ आप्णें घरह् दी किऐ च़ीन बाजे की प्रार्थना करी लंऐ थी; के ऐक च़ींट्टै-ऊँज्ल़े खोट्णों बाँम्बियों कुँऐ मंरोद् मेरे सहाँम्णें ऐक-दमं खह्ड़ा हुवा।

प्रेरितो कै काम 10:30 ပူးပေါင်းရင်းမြစ်များ

मत्ती 28:3

तैसका रुप बिजली खै जैशणा औरौ तैसखै खोटणो पालै कै साए चोमकैयौंदे थिए।

मरकुस 16:6

तैणै तिनुखै बौल़ौ, “हैरान नी हौया, तुऐं यीशु कै जू नासरत गांव का औसौ, जू क्रूसो पांदी चौढ़ाया गौआ थिया, जैसी तुऐं जौए लौआ। सै मौरेयौंदे मुंजीदा जियुंदी हौए गौआ, सै इथै ना आथी; दैखौ, ऐजाई सैजा ठाँव औसौ, जिथै तिनुऐ तैसीखै धोरे राए थिया।

लूका 24:4

जोबै सै ऐसी बातौ लैई हैरान हौए गौए, तौ दो मर्द चोमकैयौंदे खोटणो बाम्बेयो तिनकै धोरे आयौ खौड़ै हौए।

प्रेरितो कै काम 1:10

औरौ तैसकै जांदै बैई जोबै तिनुऐ गौयणै कै ढौबौ दैखै लो थियु, तोबै एकदम दो आदमी चिटै खोटणो बांबयो तिनकै धोरे आयौ खौड़ै हौवे।

प्रेरितो कै काम 10:22

तिनुऐ बौल़ौ, “कुरनेलियुस सूबेदार जू धरमी औरौ पौरमेशवर शै डोरणोवाल़ा औरौ सौबै यहूदी जाति कै लोगौ दा सुनांव आदमी औसौ, तैणै ऐक पवित्र स्‍वर्गदूतौ शै ऐजै बात पाए राए, कै ताखै आपणै घोरे बौएदैयौ तांव कैईंदा उपदैश शुणौ।”

प्रेरितो कै काम 10:29

इथकारिए मुखै जोबै बौईदा गौआ तौ बिना किछै पूछै आगु हौटा। ऐबै हांव पूछु कै मुखै कोसी कामौ कारिए बौएदै राए?”

प्रेरितो कै काम 10:3

ऐकी दूसै, दोफारी कै लमसम ती बोजे तैणै दर्शन दो साफ-साफ दैखौ कै पौरमेशवर कै ऐकी स्‍वर्गदूतै तैसकै धोरे भीतरै आयौ बौल़ौ, “ओए रै कुरनेलियुस।”

प्रेरितो कै काम 10:31

औरौ बौलदा लागा, ‘ओए रै कुरनेलियुस, तैरी प्रार्थना शौणै पाए औरौ तैरै दान पौरमेशवर कै सामणै याद राए कौरे।’

प्रेरितो कै काम 3:1

पतरस औरौ यूहन्ना दोफारी कै ती बौजै प्रार्थना कै सौमय मन्दिर दै जांदै लागै रौवै थिए।