प्रेरितो कै काम 10:28 - सिरमौरी नौवाँ नियम

²⁸ पतरसे तिनुकै बौल़ौ, “तुऐं जाणौए, कै बैगानै यहूदी लोगौ कै संगति कौरणै या तिनकै इथै जाणौ आमु यहूदी लोगौ कारिए अमारै कानून कै खिलाफ औसौ, पौरौ पौरमेशवरे मुखै बौताए राए कै कोसी आदमी कै अपवित्र या अशुध्द ना बुलू।

Sirmouri

²⁸ तबे: संत्त-पतरस ऐं तिनखे बुलो, “तुँऐं जाँणों ऐं के गऐर यहूदी की संगत्ती कर्णी, के तिनू कागी ज़ाँणों यहूदी निय्म के बिरूध असो; परह् पंण्मिश्वर ऐं मुँखे ऐजो बुली थो, के कोसी भे आदमी खे अ-शुद्ध के पापी ने बुल्दे।

प्रेरितो कै काम 10:28 ပူးပေါင်းရင်းမြစ်များ

मरकुस 7:2

औरौ तिनुऐ तैसकै कुणजैई चैलै खै बिना हाथ धोए रोटी खांदै दैखै, जू यहूदी भोवारो कै हिसाब सै अशुध्द थियु।

लूका 18:11

फरीसी आदमी खौड़ा हौयौ आपणै मन दै ऐजै प्रार्थना कौरदा लागा, ‘ओए रै पौरमेशवर, हांव तैरा धन्यवाद कौरु, कै हांव ओकी आदमी कै जैशणा दुष्टता कौरणौवाल़ा न्याय ना कौरणौवाल़ा औरौ ना गौलत सौमबंध बौणाणौवाल़ा, औरौ ना ही ऐसी मामला लोणो वाल़ै कै जैशणा आथी।

यूहन्ना 18:28

औरौ सिपाही झीशींदै यीशु खै कैफा महायहूदी पुरोहित कै धोरे शै रोमी राज्यपाल पिलातुस कै महल खै लोए गौवै, पौरौ सै आपी महल कै भीतरै ना हुटी इथकै बौजैह ऐजै थै कै जै कुणिए बै महल कै भीतरै जांव, तौ सै अशुध्द हौए जांव थिए, औरौ तैसीखै फसह कै तैयारो कौ खाणौं खाणौ कै इजाज़त नी हौंव थै, जिथुकै पिलातुस बैगानै यहूदी का थिया।

यूहन्ना 4:27

तेथियो तैसकै चैलै आए गौवै, औरौ सै हैरान हौए गौवै कै सै बैटमाणिश आरी बातौ कौरदा लागै रौआ, तोबै बै तैसीखै कुणिए नै पूछी, “कै तू का चांए?” या “किथुकै इयौं आरी बातौ कौरी लैई?”

यूहन्ना 4:9

तियैं सामरी बैटमाणिशै यीशु खै बौल़ौ, “तू ऐक यहूदी औसौ, औरौ हांव ऐक सामरी बैटमाणिश औसौ। तू मुं कैईंदु पाणी किथुखै मांगै?” जिथुकै यहूदी लोग सामरियों कै साथै कैशणाई बै बर्ताव नै राखौ थिए।

प्रेरितो कै काम 10:29

इथकारिए मुखै जोबै बौईदा गौआ तौ बिना किछै पूछै आगु हौटा। ऐबै हांव पूछु कै मुखै कोसी कामौ कारिए बौएदै राए?”

प्रेरितो कै काम 11:9

ऐसी जवाब लैई गौयण पौरैशै दुजाल़ियो आवाज़ आए, “जू किछै पौरमेशवरे शुध्द बाणै राए, तिथु अशुध्द नी बौल।”