प्रेरितो कै काम 10:22 - सिरमौरी नौवाँ नियम

²² तिनुऐ बौल़ौ, “कुरनेलियुस सूबेदार जू धरमी औरौ पौरमेशवर शै डोरणोवाल़ा औरौ सौबै यहूदी जाति कै लोगौ दा सुनांव आदमी औसौ, तैणै ऐक पवित्र स्‍वर्गदूतौ शै ऐजै बात पाए राए, कै ताखै आपणै घोरे बौएदैयौ तांव कैईंदा उपदैश शुणौ।”

Sirmouri

²² तिन्ऐं ऐजा जबाब दिता, “सुबेदार कुरनेलियुस जुण्जा धर्मी, अरह् प्रभू! का भगत्त, अरह् पंण्मिश्वर का डर-भय माँनणों वाल़ा असो; अरह् तेस्का बादे यहूदी लोग, भे आदर-ईज्जत्त करह्, अरह् तेस्खे ऐक पबित्र स्वर्गदूत्त ऐं अज्ञाँ देऐ थंऐ; के से तुओं आप्णें कागी बंईदो, अरह् से तुओं कैई शे बचन की खुषख्बरी शुँणों।”

प्रेरितो कै काम 10:22 ပူးပေါင်းရင်းမြစ်များ

मत्ती 1:19

तोबै तियांरा हौणौवाल़ा घोरवाल़ा यूसुफ जू आछा आदमी थिया औरौ तियौंखै बदनाम कौरणै ना चांव थिया, औरौ तैणै तियौंखै चुपी छौड़णौ का विचार कौरा। (तियौंखै बियाव हौणौ दौ औगौड़ियौ होल़किणु हौए गौ थियु, जू मूसा कै कानून कै खिलाफ थियु)

मत्ती 2:12

तोबै सुईणै दै ऐजै चैतावणी पायौ कै हेरोदेस राजा कै धोरे हौजौ नै जाया, औरौ सै ओकी बाटो बाटी आपणै देशो खै हौटै गौवै।

मरकुस 6:20

जिथु हेरोदेस यूहन्ना खै धरमी औरौ पवित्र आदमी जाणैबा तेसिदा डौरौ थिया, औरौ तैसकै कोयदै दै बै रक्षा कौरौ थिया। औरौ यूहन्ना कै बातौ शौणैबा बैजाए होड़बड़ाए जांव थिया, पौरौ तोबै बै सै तैसकी बातौ शुणणी पसन्द कौरौ थिया।

मरकुस 8:38

जू लोग ऐलो जियुंदी औसौ, औरौ सै पौरमेशवर आरी धौखा कौरौ सैजै ऐकी धोकैबाज घोरवाल़ी साए औसौ, जू मुखै औरौ मैरी शिक्षा कै ना मानौ। हांव आदमी का बैटा, जोबै पवित्र स्‍वर्गदूतौ कै साथै आपणै पिता कै महिमा कै साथै इयौं धोरती पांदी आन्दा, तोबै हांव बै तिनकै भाजै जांदा, कै तुऐं मैरै चैलै औसौ।”

लूका 2:25

तैसी सौमय यरूशलेम शहर दा शमौन नांव का ऐक आदमी थिया औरौ सैजा आदमी धरमी औरौ भकत थिया, औरौ बैसब्री शै मसीह कै आणौ का इंतजार कौरे लौआ थिया कै सै इस्राएल देश कै शान्तै दैंव, औरौ पवित्र आत्मा तैसी पांदी थै।

लूका 23:50

तिथै यूसुफ नांव का ऐक महासभा का ऐक सदस्य थिया, जू भला औरौ धरमी मर्द थिया।

लूका 9:26

जू कुणिए मुं दै औरौ मैरी बातौ दै शरमाले; हांव आदमी का बैटा बै, जोबै पवित्र स्‍वर्गदूतौ कै साथै आपणै पिता कै महिमा कै साथै इयौं धोरती पांदी ओऊंबा, तोबै हांव बै तिनुकै भाजै जांदा, कै तुऐं मैरै चैलै औसौ।

यूहन्ना 13:20

हांव तुऔं कैंई साचौ-साचौ बुलू, जू कुणिए बै मैरै छाड़ैयोंदे कै औपनांव, सै मुखै औपनांव; औरौ जू कुणिए मुखै औपनांव, सै मैरै भैजणौवाल़ै पौरमेशवर कै अपनांव।”

यूहन्ना 17:20

“हांव सिरफ इनुई चैलै कारिए बिन्ती ना कौरु, पौरौ तिनु कारिए बै बिन्ती कौरु, जू इनकै सौंदेश कै दवारा मुं पांदी बिशवाश कौरदै,

यूहन्ना 17:8

जिथुकै जू सौंदेश तुऐं मुखै दिया, सै मोऐं तिनुखै दिया औरौ तिनुऐ तैरै सौंदेश पांदी बिशवाश कौरा, ऐबै तिनु यकीन औसौ कै हांव तैरै ढौबौशा आए रौआ। औरौ ऐजा बिशवाश कौरे राए कै तुऐंई मुखै छाड़ा।

यूहन्ना 5:24

हांव तुऔं खै साचौ-साचौ बुलू, जू मैरा वचन शौणैबा मैरै भैजणैवाल़ै पांदी बिशवाश कौरौ कै पिता पौरमेशवरे मुखै छाड़ै राए, सै सौदा कै जिन्दगी पांव, औरौ तिनुखै सौजा ना भैटदै, पौरौ सै सौदा कै मौत शै बौचै गौवै औरौ आगैई नौवें जिन्दगी दा प्रवेश कौरे पाए।”

यूहन्ना 6:63

पौरमेशवर कै आत्मा तौ जिन्दगी दैणौ वाल़ी औसौ, शोरीर शै किछै बै ना हौए सौकौ। मोऐं तुऔं कैंई जू बौल़ै राए, सै पवित्र आत्मा कै ढौबौशौ औसौ, औरौ सैजी बातौ आदमी कै सौदा कै जिन्दगी दैंव।

यूहन्ना 6:68

शमौन पतरसे यीशु खै जवाब दिया, “ओए रै प्रभु आमै कोसके धोरे जोऊं? सौदा कै जिन्दगी कै बातौ तौ तैरै ही धोरे औसौ।

प्रेरितो कै काम 10:2

सै पौरमेशवर कै भोक्‍ती कौरौ थिया, औरौ आपणै सौबै कुड़बे समैंत पौरमेशवर शै डौरौ थिया, औरौ गरीब यहूदी लोगौ कै बैजाए दान दैंव थिया, औरौ हमैशा पौरमेशवर शै प्रार्थना कौरौ थिया।

प्रेरितो कै काम 10:21

तोबै पतरसे धैनै ओतरेयो तिनु आदमी कै बौल़ौ, “दैखौ, जैसीखै तुऐं जौए लौआ, सै हांव ही औसौ; तोंवारै आणौ कै का बौजैह औसौ?”

प्रेरितो कै काम 10:30

कुरनेलियुसे बौल़ौ, “चार दूस आगै, ऐसी सौमय, मोऐं आपणै घोरे दै दोफारी कै ती बोजे प्रार्थना कौरे लोए थै, कै ऐक आदमी चौमकिला खोटणो बाम्बैयौ, मैरै सामणै आयौ खौड़ा हौए गौआ।

प्रेरितो कै काम 10:33

तोबै मोऐं तावल़ै तैरै धोरे लोग भैजै, औरौ तुऐं ठीक कियु जू आए गौआ। ऐबै आमु सौबै इथै पौरमेशवर कै सामणै औसौ, ताकि जू किछै पौरमेशवरे ताखै बौल़ै राए सैजौ शुणु।”

प्रेरितो कै काम 10:6

शमौन ऐसी सौमय कुणजाई चामड़े का धान्‍धा कौरणौवाल़ै कै घोरे मैहमान बौणैयौं टीकी रौआ थिया, जैसकौ घोर समुन्द्रो कै किनारे पांदी थियु।”

प्रेरितो कै काम 11:14

सै तुऔं ऐशणी बातौ बोताला, जिथलैई पौरमेशवर ताखै औरौ तैरै घोराणे कै सौबी लोगौ खै बौचांदा।

प्रेरितो कै काम 22:12

“तोबै हनन्‍याह नांव का कानून खै हिसाब शै ऐक भोक्‍त आदमी जू मूसा कै कानून खै मानणौ वाल़ा थिया, जू दमिश्क नगर कै रौणौवाल़ै सौबी यहूदी लोगौ मुंजीदा सुनाम थिया, मैरै धोरे ओऊवा।

प्रेरितो कै काम 24:15

औरौ पौरमेशवर शै आशा राखु जू सैजै आपी बै राखौए, कै धरमी औरौ अधरमी दुईनै कै पौरमेशवर मौरेयौंदे मुंजीदा जियुंदी कौरदा।

प्रेरितो कै काम 6:3

इथकारिए ओए रै बिशवाशी भाईयों, आपी मुंजीदै सात इजतदार मर्दो कै जू पवित्र आत्मा औरौ बुध्दि शै भौरेयौंदे हौंव, जिनकै बारै मुंजी सौबै जोणे जाणौ हौलै, चोणे पाव, कै आमु तिनु ऐसी कामौ कै जुमैवारै सौंपै सौकु।

रोमियों 1:17

जिथुकै सुसमाचार दा पौरमेशवर लोगौ कै आपणै साथै सोही बौणांव औरौ पूरी तरह शै तिथपांदी भोरोशा कौरणा चैंई; जू शुरु शै आखरी तौड़ी बिशवाश पांदी टिकैयौंदा औसौ: जैशै पवित्र शास्त्र दो लैखै राखौ, “सैजा आदमी जू बिशवाश शै धरमी बौणै रौआ सै जियुंदी रौंदा।”

2 कुरिन्थियों 5:18

औरौ सौबै बातौ पौरमेशवर कै ढौबौशी औसौ, जैणै मसीह कै दवारा आमु आपणै धोरे पाछु लाए राए, औरौ तैणै आमु तैसकै औरौ ओकी कै बीच शान्तै कायम राखणौ का काम दैय राए।

1 तीमुथियुस 3:7

औरौ कलीसिया शै बायरै कै लोगौ मुंजी बै तैसका आछा नांव हौणा चैंई। ताकि लोग तैसकै बारै मुंजी बुरी बातौ नी कौरौ औरौ शैतान तैसी आपणै जाल दा ना फौशांव।

इब्रानियों 10:38

औरौ मैरै सैजै लोग जू बिशवाश शै धरमी बौणै रौवै सै जियुंदी रौंदै। औरौ जै सै पौरमेशवर पांदी भोरोशा कौरणा छोड़े दैंव, तौ हांव सौथीखै तिनुदा खुशी ना हौंदा।”

इब्रानियों 11:2

अमारै पुराणिया का ऐशणा बिशवाश थिया। सिरफ इयौं बौजैह शै पौरमेशवर तिनुदा खुशी थिया।

इब्रानियों 12:23

तुऐं पौरमेशवर कै पहलौठै कै कलीसिया दै आए रौवै, जिनकै नांव स्वर्ग दै लैख राए। तुऐं आपी पौरमेशवर कै धोरे आए रौवै, जू सौबी लोगौ पांदी न्याय कौरौ। तुऐं स्वर्ग दै धरमी लोगौ की आत्माओं कै धोरे आए रौवै जिनु ऐबै सिध्द बाणै राए।

2 पतरस 3:2

मोऐं ऐशै इथकारिए कौरे लौ जिथुकै हांव चोऊं कै तुऐं तिनु वचनो खै याद राखौ, जू पौरमेशवर कै बातौ बौताणौवाल़ै बैजाए औगौड़ियौ दी बौल़ै राए थिए औरौ अमारै मोक्ति दैणौवाल़ै, प्रभु यीशु मसीह की शिक्षाओं खै याद राखौ जू तुऔं तिनु चोणेयौंदे चैलै शिखाए राए थी जू तोंवारै धोरे आए रौवै थिए।

3 यूहन्ना 1:12

कलीसिया कै सौबै लोग बौल़ौए कै दिमेत्रियुस ऐक आछा आदमी औसौ औरौ सौचाई कै हिसाब शै जियौंए, औरौ आमै बै ऐजौ बुलू कै सै ऐक आछा आदमी औसौ, औरौ तू जाणै कै आमै जू बौल़ै लो सैजौ साचौ औसौ।