प्रेरितो कै काम 10:20 - सिरमौरी नौवाँ नियम

²⁰ ऊबा बिज़यो उदा जा, बैशक सैजा आदमी बैगाना यहूदी औसौ, इथकारिए निशोंक तिनुआरी हौए जा, जिथुकै मोऐं तिनु भैजै राए।”

Sirmouri

²⁰ बीऊँज, अरह् ऊँदा ज़ा, अरह् बिलकुल बै-झीझ्क हंऐयों ईनकी गईलो आगू ज़ाव; किन्देंखे के ईनू मुँऐ ही डेयाल़ी थुऐ।”

प्रेरितो कै काम 10:20 ပူးပေါင်းရင်းမြစ်များ

मरकुस 16:15

तोबै यीशुए तिनुखै बौल़ौ, “तुऐं सारै दुनिया पांदी जाऐबा सारै धोरती कै लोगौ खै सुसमाचार प्रचार कौरौ।

प्रेरितो कै काम 10:21

तोबै पतरसे धैनै ओतरेयो तिनु आदमी कै बौल़ौ, “दैखौ, जैसीखै तुऐं जौए लौआ, सै हांव ही औसौ; तोंवारै आणौ कै का बौजैह औसौ?”

प्रेरितो कै काम 11:12

तोबै पवित्र आत्माए मुखै निशोंक हौयौ तिनुआरी जाणौ कारिए बौल़ौ, औरौ ऐजै छौ भाई बै मैरै ही साथी हौए गौवै, औरौ आमु तैसी आदमी कै घोरे दै हौटै।

प्रेरितो कै काम 13:4

इथकारिए शाऊल औरौ बरनबास पवित्र आत्मा कै भैजैयौंदे अन्‍ताकिया शहर शै सिलूकिया शहर कै बंदरगाह तौड़ी हौटै; औरौ तिथैदै जहाजो पांदी बौठेयौ साइप्रस टापू पांदी सलमीस बंदरगाह कै हौटै।

प्रेरितो कै काम 8:26

तोबै प्रभु कै ऐकी स्‍वर्गदूतै फिलिप्‍पुस कै बौल़ौ, बिज़यो, दक्षिण दिशा कै ढौबौ तैसी बाटो पांदी जा जू यरूशलेम शहर शै गाज़ा शहर कै जांव। ऐजी रेगिस्थान कै बाट औसौ।

प्रेरितो कै काम 9:15

पौरौ प्रभुए तैसीखै बौल़ौ, “तू आगु जा, जिथुकै तैसी तौ मोऐं बैगानै यहूदी औरौ राजाओं औरौ इस्राएल देश कै लोगौ कै सामणै मैरै बारै मुंजी प्रचार कौरणै औरौ आपणी सेवा कौरणौ कारिए चोणे राए।

प्रेरितो कै काम 9:17

तोबै हनन्‍याह बिज़यो तैसी घोरे ओऊवा, जिथै शाऊल रौकै रौआ थिया औरौ तैसी पांदी आपणा हाथ राखैयौ बौल़ौ, “ओए रै भाई शाऊल, तैसी प्रभु यीशुए मुखै भैजै राए जू ताखै तैसी बाटो पुंडा जिथैदा तू ओऊवा तैरै दैखिया, ताकि तू दुजाल़ियो दैखै सौकै औरौ पवित्र आत्मा लैई भोरै जाए।”

याकूब 1:6

पौरौ जोबै तुऐं पौरमेशवर शै मांगोए, तौ तुऔं बिशवाश कौरणा चैंई, शक ना कौरणा चैंई, जिथुकै जू शक कौरौ सै बिशवाश ना कौरौ, सै समुन्द्र कै फालो कै जैशणा बोदलदा रौंव जू हावा लैई बौं औरौ छिड़ौए।