प्रेरितो कै काम 10:2 - सिरमौरी नौवाँ नियम

² सै पौरमेशवर कै भोक्‍ती कौरौ थिया, औरौ आपणै सौबै कुड़बे समैंत पौरमेशवर शै डौरौ थिया, औरौ गरीब यहूदी लोगौ कै बैजाए दान दैंव थिया, औरौ हमैशा पौरमेशवर शै प्रार्थना कौरौ थिया।

Sirmouri

² से अरह् तेस्का बादा कोड़बा धर्मी अरह् पंण्मिश्वर के डर-भय दे रंह् थिऐ, अरह् यहूदी लोगो खे बैजाऐ दाँण-दछ़्णाँ दियों थिया; अरह् हर बख्त्ते पंण्मिश्वर शी प्रार्थना करह् थिऐ।

प्रेरितो कै काम 10:2 ပူးပေါင်းရင်းမြစ်များ

मत्ती 25:17

ऐशैकैई जैसीखै दो झोल़े भैटी रौवै थिए, तैणै बै दो हौजौ कमाए।

लूका 18:1

यीशुए आपणै चैलै शै इथकै बारै मुंजी बौल़ौ, कै तिनु रौज प्रार्थना कौरणी चैंई औरौ हिम्मत नी छोड़णे चैंई। तैणै तिनु ऐजा उदारण दिया:

लूका 2:25

तैसी सौमय यरूशलेम शहर दा शमौन नांव का ऐक आदमी थिया औरौ सैजा आदमी धरमी औरौ भकत थिया, औरौ बैसब्री शै मसीह कै आणौ का इंतजार कौरे लौआ थिया कै सै इस्राएल देश कै शान्तै दैंव, औरौ पवित्र आत्मा तैसी पांदी थै।

प्रेरितो कै काम 10:22

तिनुऐ बौल़ौ, “कुरनेलियुस सूबेदार जू धरमी औरौ पौरमेशवर शै डोरणोवाल़ा औरौ सौबै यहूदी जाति कै लोगौ दा सुनांव आदमी औसौ, तैणै ऐक पवित्र स्‍वर्गदूतौ शै ऐजै बात पाए राए, कै ताखै आपणै घोरे बौएदैयौ तांव कैईंदा उपदैश शुणौ।”

प्रेरितो कै काम 10:31

औरौ बौलदा लागा, ‘ओए रै कुरनेलियुस, तैरी प्रार्थना शौणै पाए औरौ तैरै दान पौरमेशवर कै सामणै याद राए कौरे।’

प्रेरितो कै काम 10:35

यानी हर देश दा जू पौरमेशवर शै डौरौ औरौ धरम कै काम कौरौ सै तिनु अपनावंए।

प्रेरितो कै काम 10:4

कुरनेलियुसे तैसी ध्यान शै दैखा औरौ डौरेयौ बौल़ौ, “ओए रै मालिक का औसौ?” तैणै तैसी बौल़ौ, “तैरी प्रार्थनाए औरौ तैरै दान याद कारिए पौरमेशवर कै सामणै पौऊंचै रौवै।

प्रेरितो कै काम 10:7

जोबै स्‍वर्गदूत कुरनेलियुस शै बातौ कौरेयौ हौटै गौआ, तोबै कुरनेलियुसे दु नोकरो खै, जू तैसकै धोरे हाजिर रौंव थिए तिनुमुंजी दै ऐकी कै बौईदा, जू पौरमेशवर कै भोक्‍ती कौरणौवाल़ा सिपाही थिया।

प्रेरितो कै काम 11:14

सै तुऔं ऐशणी बातौ बोताला, जिथलैई पौरमेशवर ताखै औरौ तैरै घोराणे कै सौबी लोगौ खै बौचांदा।

प्रेरितो कै काम 13:16

तोबै पौलुस खौड़ै हौयौ हाथौ लैई चुपी रौणौ का इशारा कौरेयौ सौमझौऊवे की मेसो रौंव, “ओए रै इस्राएल देश औरौ पौरमेशवर सै डोरणौवाल़ै, बैगानै यहूदी शुणौ

प्रेरितो कै काम 13:26

“ओए रै भाईयों, तुऐं जू अब्राहम कै सन्‍तान औसौ; औरौ तुऐं जू पौरमेशवर सै डोरणौवाल़ै बैगानै यहूदी औसौ, पौरमेशवरे तोंवारै धोरे उध्दार का सौंदेश भैज राए जू लोगौ खै बौचांव

प्रेरितो कै काम 13:50

पौरौ यहूदी नेताए भोक्‍त औरौ पौरमेशवर का डौर मानणोवाल़ी बैटमाणिशौ खै औरौ नगर कै खास लोगौ कै उकसोऊवे, औरौ पौलुस औरौ बरनबास कै खिलाफ तरकीब बाणैयौ तिनु आपणै इलाके शै बायरै निकाल़ै दियै।

प्रेरितो कै काम 18:8

तोबै यहूदी सभा-घोरो का ठोगड़ा क्रिस्पुसे आपणै सौबै कुड़बे समैंत प्रभु पांदी बिशवाश कौरा औरौ बौहितै कुरिन्थुस शहर कै रौणौवाल़ै लोगै वचन शोणेयो बिशवाश कौरा औरौ बपतिस्मा लौआ।

प्रेरितो कै काम 2:5

तैसी सौमय पौरमेशवर का डौर मानणोवाल़ै कैई यहूदी लोग थिए जू दुनिया कै हर देश शै तैयार मौनांदै आए रौवै थिए, औरौ यरूशलेम शहर दै रोए रौवै थिए।

प्रेरितो कै काम 22:12

“तोबै हनन्‍याह नांव का कानून खै हिसाब शै ऐक भोक्‍त आदमी जू मूसा कै कानून खै मानणौ वाल़ा थिया, जू दमिश्क नगर कै रौणौवाल़ै सौबी यहूदी लोगौ मुंजीदा सुनाम थिया, मैरै धोरे ओऊवा।

प्रेरितो कै काम 8:2

औरौ किछै मोरदै जू पौरमेशवर का आदर कौरौ थिए स्तिफनुस कै कब्रो दा राखा औरौ तैसी कारिए बैजाए शोग मोनोऊवा।

प्रेरितो कै काम 9:11

तोबै प्रभुए तैसी बौल़ौ, “बिज़यो, ‘सीधी’ नांव कै गल़ी दा जा, औरौ यहूदा कै घोरो दा शाऊल नांव कै ऐक आदमी कै बारै मुंजी पूछै पा; जू तरसुस शहर का रौणौवाल़ा औसौ जिथुकै तैणै प्रार्थना कौरे लोए,

प्रेरितो कै काम 9:31

ऐशैकैई सारै यहूदिया प्रदेश औरौ गलील जिले औरौ सामरिया प्रदेश दा कलीसिया कै लोगौ कै चैन भैटा औरौ तिनकी बोढ़ोतरी हौंदै लागै; औरौ सै प्रभु कै डौर औरौ पवित्र आत्मा कै मौदद लैई बौहितै लोगै प्रभु यीशु पांदी बिशवाश कौरा।

प्रेरितो कै काम 9:36

याफा नगर दा तबीता नांव कै ऐक बिश‍वाशनी बैटमाणिश थै, यूनानी भाषा दो तियौंको नांव दोरकास थियु। सै बौहितै भोल़ै-भोल़ै काम औरौ गरीब लोगौ कै मौदद कौरौ थै।

कुलुस्सियों 4:2

लगातार प्रार्थना कौरदै रौव, औरौ जोबै तुऐं प्रार्थना कौरौ तौ चौकश रौव औरौ सौदा पौरमेशवर का धन्यवाद कौरदै रौव।

1 थिस्सलुनीकियों 5:17

सौदा प्रार्थना कौरदै रौव।

याकूब 1:5

पौरौ जै तुऔं मुंजी दै कोसी कै बुध्‍दि की कमी हौंव, तौ पौरमेशवर कैईंदी मांगो, जू आमु दी बिना गौलती जौए सौबी कै बौड़ी दया शै दैंव; औरौ पौरमेशवर तुऔं कै बै दैला।

प्रकाशितवाक्य 15:4

“ओए रै प्रभु, सौबी लोगौ कै दवारा तैरा आदर कौरा जांव, औरौ सै सौबै जोणे तैरै नांव कै इज्जत कौरौ, जिथुकै सिरफ तू ही पवित्र पौरमेशवर औसौ। हरेक राज्य कै सौबै लोग तैरै धोरे आंव, औरौ सै तैरी आराधना कौरौ, जिथुकै तैरै धरम कै काम सौबै जोणे आछी तरह शै जाणौ।”