प्रेरितो कै काम 10:11 - सिरमौरी नौवाँ नियम

¹¹ औरौ तैणै दैखौ, कै स्वर्ग खोले गौ; औरौ किछै चीज़ कुणजै ऐक बौड़ै चादर कै जैशणै चोऊ कुणै शै लोटकैयौंदे, धोरती कै ढौबौ उतरदै लागै रोए थै।

Sirmouri

¹¹ संत्त-पतरस ऐ देखो, के स्वर्ग खोली गुओं; अरह् ऐक बड़ी लाँम्बी-बीयूल़ी चादर जेऐ किऐ चींज स्वर्गो शी ऊदी आँदी लागी, अरह् तिन्दें के चारे कुँणें धर्त्ती गाशी थंऐ लुऐ थिऐ।

प्रेरितो कै काम 10:11 ပူးပေါင်းရင်းမြစ်များ

मत्ती 8:11

औरौ हांव तुऔं खै बुलू, की बौहितै सारै बैगानै यहूदी लोग पूरब औरौ पश्‍चिम दै आयौ अब्राहम, इसहाक औरौ याकूब कै साथै स्वर्ग राज्य कै दावत मुंजी शामिल हौंदै।

लूका 3:21

जोबै सौबी लोगै बपतिस्मा लौआ, औरौ यीशु बै बपतिस्मा लोयो प्रार्थना कौरे लोए थी, तोबै स्वर्ग खौलै गौ।

यूहन्ना 1:51

हौजौ तैसीखै बौल़ौ, “हांव तुऔं खै साचौ-साचौ बुलू कै तुऐं स्वर्गो खै खुलू औरौ पौरमेशवर कै स्‍वर्गदूतौ कै ऊबै जांदै औरौ मुं आदमी कै बैटै कै उपरोशे उरतदै बैई दैखदै।”

यूहन्ना 11:52

पौरौ सिरफ तिनु कारिए ना मौरदा। सै पौरमेशवर कै ओकी संतान कारिए बै मौरदा जू इयौं दुनिया पांदी बिखरेयोंदे औसौ, ताकि तिनु कौठै कौरे सौकौ।

यूहन्ना 12:32

औरौ हांव इयौं धरती पांदी दा ऊंचे पांदी चौढ़ाए जांदा, औरौ सौबी खै आपणै धोरे लांदा।”

प्रेरितो कै काम 10:12

जिथमुंजी धोरती कै सौबै भान्त कै चौपाए औरौ रेंगणैवाल़ै कीड़ै मकोड़े औरौ गौयण कै चुड़कुल़ै थिए। इनु मुंजी कुणजैई जीव-जन्तु ऐशणै थिए जू अशुध्द थिए औरौ मूसा कै कानून कै हिसाब शै इनु खाणै मोना थिए।

प्रेरितो कै काम 11:5

मोऐं याफा नगर दै प्रार्थना कौरे लोए थै, औरौ बेहोश हौयौ ऐक दर्शन दैखा, कै मानौ ऐक बौड़ी चादर कै जैशणौ चोऊ कुणै दै लोटकैयौंदे, गौयणै पौरैशौ ओतरेयो मैरै धोरे आयो।

प्रेरितो कै काम 7:56

बौल़ौ, “दैखौ, हांव स्वर्ग कै खोलेयौंदा, औरौ आदमी कै बैटै कै पौरमेशवर कै सोऐं ढौबौ खौड़ा हौएयौंदा दैखु।”

रोमियों 1:16

जिथुकै मुखै मसीह कै बारै मुंजी सुसमाचार पांदी पूरा भोरोशा औसौ, इथकारिए सुसमाचार शै ही पौरमेशवरे शुरु दा ही बैगानै यहूदी लोगौ का उध्दार कौरा औरौ ऐबै सौबी लोगौ का उध्दार कौरौ।

रोमियों 9:4

सै पौरमेशवर कै लोग औसौ; पौरमेशवरे तिनु आपणै नानड़िया बाणै औरौ तिनु कारिए आपणै महिमा कै प्रकट कौरे; तिनकै साथै आपणै कौरार बानै औरौ तिनु मूसा कै कानून दियै; ताकि सै साची तरीकै शै पौरमेशवर कै आराधना कौरौ; तिनुकै पौरमेशवर कै प्रतिज्ञाएँ भैटी रौई।

गलातियौं 2:15

आमै जू जन्म कै यहूदी औसौ, औरौ सैजै नी जिनु यहूदी बैगानै पापी बौल़ौ।

गलातियौं 3:28

मसीह दै ऐक यहूदी या बैगानै यहूदी लोग या ऐक दास या ऐक आज़ाद आदमी कै बीच मुंजी कुणजाई अंतर ना आथी। इथमुंजी कुणजाई भैदभाव ना आथी कै तुऐं ऐक मर्द औसौ या बैटमाणिश औसौ। आमै सौबै मसीह यीशु दै ऐक जैशणै औसौ।

इफिसियों 1:10

औरौ पौरमेशवर कै योजना ऐजै औसौ कै सोही सौमय पांदी, जू किछै स्वर्ग औरौ धोरती पांदी औसौ, तिनु सौबी कै मसीह कै औधिकार तौड़ी कौरदा।

इफिसियों 3:6

औरौ भैद ऐजा औसौ कै यीशु मसीह कै साथै अमारै सौमबंध की बौजैह शै सुसमाचार कै दवारा यहूदी लोगौ कै जैशणै बैगानै यहूदी लोग बै तिनु आशीषौ कै पांदै, औरौ जू ऐकी शोरीर का हिस्सा औसौ औरौ पौरमेशवर कै कौरेयौंदे वादै दै बै भागीदार औसौ।

कुलुस्सियों 3:11

ऐसी बौजैह शै ऐक यूनान देश कै रौणौवाल़ै लोगौ कै बीच कुणजाई भैदभाव ना आथी औरौ ना यहूदी लोगौ मुंजी, ना खतना कौरणौवाल़ौ मुंजी, ना बिना खतना कौरवाणौवाल़ै लोगौ मुंजी, ना विदेशी लोगौ मुंजी, ना असभ्य लोगौ मुंजी, ना दास औरौ ना गुलामो मुंजी कुणजाई भैदभाव औसौ, पौरौ मसीह ही सौबै ठुँ औसौ औरौ सै आपणै सौबी लोगौ मुंजी रौंव।

प्रकाशितवाक्य 11:19

औरौ पौरमेशवर का जू मन्दिर स्वर्ग दा औसौ, सै खोले गौआ, औरौ तैसकै मंदिर दा तैसकी कौरार का सन्‍दूक दैखिया, औरौ गुड़कौ, औरौ शोब्द औरौ बिजली औरौ भुईचोल़ हौंदै लागै, औरौ गौयण शै बर्फ कै पाथरो कै साथै बैजाए बारिश हौए।

प्रकाशितवाक्य 19:11

तोबै मोऐं स्वर्ग खै खोलेयौंदा दैखा, तिथै मैरै सामणै ऐक चिटा घोड़ा थिया, औरौ तैसी पांदी ऐक शवार थिया, जू पौरमेशवर का बिशवाश लायक औरौ साचा सेवक थिया। सै जू बातौ पौरमेशवर कै नज़र दी सोही औसौ तिथकै हिसाब शै पौरमेशवर कै दुशमन कै खिलाफ न्याय कौरदा औरौ लौड़ाए कौरदा।

प्रकाशितवाक्य 4:1

जोबै ऐजी सौबै बातौ हौए गोई, तौ मोऐं दैखौ कै स्वर्ग दा ऐक दरवाज़ा खोलेयौंदा थिया। तोबै मोऐं सैजी आवाज़ औटेयौ शौणै जू कै तुरही कै आवाज़ कै जैशणै थै। तैणै मुखै बौल़ौ, “मैरै धोरे इथै ऊबा आ, औरौ हांव सैजी बातौ ताखै दिखोऊ, जिथका इनु बातौ कै बाद पूरु हौणौ जौरुरी औसौ।”