प्रेरितो कै काम 1:4 - सिरमौरी नौवाँ नियम

⁴ ऐकी सौमय जोबै सैजै ऐक साथै थिए तौ यीशुए चोणेयौंदे चैलै कै आज्ञा दै, “यरूशलेम शहर कै नी छोड़ेया, पौरौ तैसी तौफे का इंतजार कौरदै रौव, जू मैरै पिता पौरमेशवरे तुऔं दैणौ का वादा कौरे राए, जिथकै बारै मुंजी तुऐं मुखै बौलदै बैई शौणै राए।

Sirmouri

⁴ ऐक देस प्रभू यीशू ऐ आप्णें खास-चैले कंट्ठै करियों, तिनखे ऐजी अज्ञाँ दिती; के “यरूशलेम नंगर ताँव तोड़ी ने छुह्ड़े; जाँव तोड़ी परंम-पिता पंण्मिश्वर का बाय्दा, जिन्दें का बंखाँण मुँऐ आगे ही करी थुवा थिया, सेजा ही बाय्दा पुरा ने हों।

प्रेरितो कै काम 1:4 ပူးပေါင်းရင်းမြစ်များ

मत्ती 10:20

पौरौ बापू पौरमेशवर कै आत्मा तुऔं खै बौताए दैला कै तोंवारै का बौलणौ।

लूका 11:13

जोबै तुऐं बुरै हौयौ आपणै नानड़िया कै आछी चीज़ौ दैंव, तौ तोंवारा स्वर्ग का पिता तुऔं सौदा दैणौ कारिए तैयार रौंव जू तैसी कैईंदी पवित्र आत्मा मांगोए।”

लूका 12:12

जिथु पवित्र आत्मा तैसी सौमय तुऔं शिखाए दैंदा कै तोंवारै का बौलणौ।”

लूका 24:49

औरौ हांव आपी तुऔं दै पवित्र आत्मा कै छाड़दा, जैसीकै छाड़णौ का वादा मैरै बापूए कौरे राए। पौरौ जांव तौड़ी तुऔं स्वर्ग पौरैशै अनौखी शौकतै ना भैटौ, तांव तौड़ी इयौंई नोगरो दै रौकैयौंदे रौव।”

यूहन्ना 14:16

औरौ हांव पिता पौरमेशवर शै बिन्ती कौरुबा, औरौ सै तुऔं ऐक ओका हौंसला दैणौवाल़ा दैन्‍दा, कै सै सौदा तोंवारै साथै रौंव।

यूहन्ना 15:26

पौरौ जोबै सैजा हौंसला दैणौवाल़ा आला, जैसी हांव तोंवारै धोरे पिता पौरमेशवर कै ढौबौशा भैजदा, या सच का आत्मा जू पिता पौरमेशवर कै ढौबौशा भेजेयोंदा औसौ, सै मैरै गवाही दैला।

यूहन्ना 20:22

ऐजौ बौलेयौ तैणै तिनु पांदी फूंक मारै औरौ तिनुखै बौल़ौ, पवित्र आत्मा लौ।

यूहन्ना 7:39

यीशुए ऐजै बात बौल़ै, तौ सै पवित्र आत्मा कै बारै मुंजी बौल़ै लोए थी, जू तैसी पांदी बिशवाश कौरौ सै पवित्र आत्मा कै पाणौ वाल़ै थिए; पवित्र आत्मा इबी तौड़ी ना उतरे रैई थी। जिथुखै पौरमेशवरे इबी तौड़ी यीशु कै महिमा कै प्रकट ना कौरे रैई थी।

प्रेरितो कै काम 10:41

सौबी लोगै तैसी ना दैखी पौरौ तिनु गवाहै जू पौरमेशवर कै चोणेयौंदे चैलै औसौ जिनुखै पौरमेशवरे औगौड़ियौ ही चोणे राए थिए, मतलब आमु जिनुवै तैसकै मौरेयौंदे मुंजीदै जियुंदी हौणौ कै बाद तैसकै साथी खोऊ पियु;

प्रेरितो कै काम 2:33

ऐबै सै स्वर्ग दा पौरमेशवर कै सोऐं हाथौ कै सौबी दै बौड़ै इज्जत वाल़ै ठाँव पांदी बौठेयौंदा औसौ। औरौ पिताए जैशै तैणै वादा कौरे राए थिया, तैसीखै पवित्र आत्मा दै औरौ तैणै पवित्र आत्मा आमु दै, जैसी ऐलो तुऐं दैखौ औरौ शुणौए।