प्रेरितो कै काम 1:15 - सिरमौरी नौवाँ नियम

¹⁵ औरौ तिनु दूसौ दै जोबै लमसम ऐक शौ बीश बिशवाशी कौठै थिए, तोबै पतरस तिनकै बीच मुंजी खौड़ै हौयौ बौलदा लागा।

Sirmouri

¹⁵ ऐक देस, जबे के ऐक षौ, बींष बिश्वाषी भाऐ-बंईणों के लग-भग लोग कंट्ठै थिऐ; तअ संत्त-पतरस तिनू सोभी के बीच दे खह्ड़े हंऐयों बुल्दे लागे।

प्रेरितो कै काम 1:15 ပူးပေါင်းရင်းမြစ်များ

मत्ती 13:31

तैणै तिनुखै ऐक उदारण हौजौ दिया, “स्वर्ग का राज्य राई कै दाणै कै जैशणा औसौ, जैसी कोसी आदमीए आपणै बागड़ी दा जाएयो बौए दिया।

लूका 22:32

पौरौ मोऐं तांव कारिए प्रार्थना कौरे राए कै तू बिशवाश कौरणा छोड़े ना दैय, औरौ जोबै तू मैरै धोरे पाछु आए रौआ, तौ तू आपणै भाईड़ी कै मजबूत कौरेया कै सै मुं पांदी बिशवाश कौरौ।”

यूहन्ना 14:12

“हांव तुऔं खै साचौ-साचौ बुलू, कै जू मुं पांदी बिशवाश राखौ, ऐजै काम जू हांव कौरु सैजै बै कौरदै, बल्कि इदै बै बौड़ै काम कौरदै, जिथु हांव पिता पौरमेशवर कै धोरे जांदा लागै रौआ।

यूहन्ना 21:23

इथकारिए बिशवाशी भाईयों मुंजी ऐजै बात फोयलै गौए, कै सैजा चैला मौरदा ना। तोबै यीशुए तैसीखै ऐजौ नी बुली, कै सै ना मौरदा; पौरौ ऐजौ कै, “जै हांव चोऊं कै सै मैरै पाछु आणौ तौड़ी जियुंदी रौंव, तौ ताखै इंदु का?”

प्रेरितो कै काम 10:23

तोबै तैणै तिनु भीतरै बौएदैयौ तिनुखै रौणौ कै ठाँव दिया। औरौ दूजै दूसै, सै तिनकै साथै हौटा, औरौ याफा नगर कै कुणजैई भाई तैसकै साथै हौटै गौवै।

प्रेरितो कै काम 11:1

तोबै चोणेयौंदे चैलै औरौ बिशवाशी भाईए जू यहूदिया प्रदेश दै थिए शुणु, कै बैगानै यहूदीए बै पौरमेशवर का वचन मानै पाए।

प्रेरितो कै काम 11:12

तोबै पवित्र आत्माए मुखै निशोंक हौयौ तिनुआरी जाणौ कारिए बौल़ौ, औरौ ऐजै छौ भाई बै मैरै ही साथी हौए गौवै, औरौ आमु तैसी आदमी कै घोरे दै हौटै।

प्रेरितो कै काम 11:26

औरौ जोबै तिनुआरी भैटिया तौ तैसी अन्‍ताकिया शहर दा लोऊवा, औरौ ऐशैखै हौं कै शाऊल औरौ बरनबास ऐकी सालो तौड़ी कलीसिया कै साथी भैटिंदा औरौ बौहितै लोगौ खै प्रभु यीशु कै बारै मुंजी बौतांदा रौआ, औरौ चैलै सौबी दै आगै अन्‍ताकिया शहर दै ही मसीह जाणै गौवै।

प्रेरितो कै काम 11:29

तोबै चैलै फोयसला कौरा कै हरेक आपणी-आपणी हैसीयत कै हिसाब शै यहूदिया प्रदेश दै रौणौवाल़ै बिशवाशी भाईयों कारिए मौदद भैजौ।

प्रेरितो कै काम 12:17

तोबै तैणै तिनु हाथौ लैई इशारा कौरा कै चुपी रो; औरौ तिनु बौतौऊ कै प्रभुए कैशैकै मुखै कोयदै पौरैशा निकाल़ैयो लाए राए। हौजौ बौल़ौ, “याकूब औरौ तैसकै भाईयों खै ऐजै बात बौताए दैया।” तोबै निकल़ैयो सै ओकी जौगैह दा हौटै गौआ।

प्रेरितो कै काम 14:2

पौरौ बिशवाश ना कौरणौवाल़ै यहूदी लोगै बैगानै यहूदी लोगौ कै मन बिशवाशी भाईयों कै खिलाफ दै भड़कौऊवे, औरौ बैर पौयदा कौर दिया।

प्रेरितो कै काम 15:1

तोबै किछै य‌हूदी बिशवाशी यहूदिया प्रदेश शै अन्‍ताकिया शहर खै आए औरौ बिशवाशियौं खै शिखांदै लागै कै, “जै मूसा कै कानून कै हिसाब शै तोंवारा खतना ना हौं तौ तुऐं उध्दार ना पाए सौकौ।”

प्रेरितो कै काम 15:3

औरौ कलीसिया कै लोगै तिनु बाटो पुंडे कै पौयसै औरौ खाणौ दियु; औरौ सै फीनीके प्रदेश औरौ सामरिया प्रदेश शै हौयौ कै कैशै बैगानै यहूदी लोग सुसमाचार शोणेयो मसीह दै बिशवाशी बोणदै लागै रौवै, औरौ इयौं बात लैई सौबै बिशवाशी भाईयों खै बैजाए खोशे हौए।

प्रेरितो कै काम 16:2

औरौ लुस्त्रा औरौ इकुनियुम शहर कै बिशवाशी भाईटु मुंजी तैसका आछा नांव थिया।

प्रेरितो कै काम 16:40

सै कोयदखाने पौरैशै निकल़ैयो लुदिया कै घोरे हौटै, औरौ बिशवाशी भाईआरी भैटियो कै तिनु शान्तै दै, औरौ आगु हौटै।

प्रेरितो कै काम 17:10

बिशवाशी भाईए तौलोंई रातो रात पौलुस औरौ सीलास खै बिरीया नोगरो दै भैज दियै, औरौ सै तिथै पोंचैयो यहूदी लोगौ कै यहूदी सभा-घोरो दै हौटै।

प्रेरितो कै काम 17:14

तोबै बिशवाशी भाईए तावल़ा पौलुस खै विदा कौरा कै समुन्द्र कै किनारे बाटी आगु जा; पौरौ सीलास औरौ तीमुथियुस बिरीया नोगरो दै रोए गौवै।

प्रेरितो कै काम 17:6

तिनु तिथै ना दैखियौ कै, तिनिए यासोने औरौ किछै बिशवाशी भाईयों खै नोगरो कै राज्यपालो कै धोरे खिंचैयौ लैयाए, तिनिए लैलियायो कै बौल़ौ “ऐजै लोग जिनुवै हर जौगैह पौरैशानी खोड़ी कोरी राए, इथै बै आए रौवै।

प्रेरितो कै काम 18:18

औरौ पौलुस बौहितै दूसौ तौड़ी कुरिन्‍थुस शहर दा रौआ, तोबै बिशवाशी भाईयों मुंजीदा आगु जायौ सै किंख्रिया नोगर दा हौटा। तैसी नोगरो दै पौलुसे आपणै मुंडो कै खुल़मुंडी बाणै, जिथुकै तैणै ऐक हिच कौरे राए थी, औरौ बाद मै समुन्द्रो कै बाटो बाटी सीरिया प्रदेश खै हौटै गौआ औरौ तैसकै साथी प्रिस्किल्‍ला औरौ अक्विला थिए।

प्रेरितो कै काम 18:27

औरौ जोबै तैणै ठाणी पोऊँ कै पार ओतरेयो अखाया प्रदेश कै जोऊं तौ बिशवाशी भाईए तैसी जाणौ कारिए हौंसला दैयौ चैलै खै ऐक चिट्ठी लैखै कै सै तैसीआरी आछै शै भैटियो, औरौ अपुल्लोसे तिथै पौंचेयौ तिनु लोगौ कै बौड़ै मौदद कौरे जिनुवै अनुग्रह कै बौजैह शै बिशवाश कौरे राए थिया।

प्रेरितो कै काम 21:17

जोबै आमु यरूशलेम शहर दै पौऊंचै, तौ बिशवाशी भाई बौड़ै खुशी कै साथै आमुआरी भैटियै।

प्रेरितो कै काम 21:20

तिनुऐ ऐजौ शोणेयो पौरमेशवर कै महिमा कौरे, तोबै तैसीखै बौल़ौ, “ओए रै भाई, तू जाणै, कै यहूदी लोगौ मुंजीदै कैईंयौं हजार लोगै बिशवाश कौरा; औरौ सौबवे मूसा कै कानून खै मानौए।

प्रेरितो कै काम 21:7

सूर नोगर दै यात्रा शुरु कौरेयौ आमु पतुलिमयिस नोगरो दै पौऊंचै, औरौ आपणै बिशवाशी भाईयों खै नमशकार कौरेयौ तिनकै साथी ऐक दूस रौवै।

प्रेरितो कै काम 22:5

इयौं बातौ कारिए महायहूदी पुरोहित औरौ सौबै बुड़ेईको कै सभा गवाह औसौ, कै तिनुमुंजी दै हांव यहूदी भाईयों कारिए चिट्ठी नियौ खै दमिश्क शहर खै चालै रौआ थिया, कै जू तिथै हौं तिनु सौजा दियाणौ कारिए बांनैयौ खै यरूशलेम शहर दै नियुं।

प्रेरितो कै काम 28:14

तिथै आमुखै किछै बिशवाशी भाई भैटी, औरौ तिनकै बौलणौ शै आमै तिनकै इथै सात दूसौ तौड़ी रौवै; औरौ ऐशैखैई तिनकै साथै रौणौ कै बाद, पौयदल हांडेयो रोम शहर खै ढौबौ चाल पौड़ै।

1 कुरिन्थियों 15:6

तोबै पाँच सौ शै जादा चैलै खै ऐक साथै दैखिया, जिनु मुंजीदै बौहितै सारै इबी तौड़ी जियुंदी औसौ, पौरौ किछै मौरे गौवै।

प्रकाशितवाक्य 11:13

तैसी सौमय यरूशलेम शहर दौ ऐक बौहितु बौड़ौ भुईचोल़ ओऊ, औरौ शहर कै इमारतौ का देशवाँ हिस्सा ढौल़ै गौआ, औरौ तैसी भुईचौलौ लैई सात हजार आदमी मौरे गौवै, औरौ जू लोग बौचै गौवै थिए, सै डौर कै मारै रुंदै लागै औरौ तैसी पौरमेशवर की महानता कै महिमा कौरदै लागै जू स्वर्ग दा थिया।

प्रकाशितवाक्य 3:4

पौरौ सरदीस शहर दै तोंवारै बीच किछै ही लोग औसौ, जू पाप शै अशुध्द ना हौए रैई, सै शुध्द चिटै लुस्कै बाम्बैयौ मैरै साथै चालदै, जिथुकै सै इथ लायक औसौ।