प्रेरितो कै काम 1:14 - सिरमौरी नौवाँ नियम

¹⁴ तिनकै साथै तिथैशी बैजाए बैटमाणिशौ थी जिनुवै यीशु कै मौदद कौरे राए थै औरौ यीशु कै माँ मरियम तैसकै भाईयों कै साथै बौठेयो ऐक मन हौयौ प्रार्थना कौरेया कौरौ थिए।

Sirmouri

¹⁴ तबे से बादे झुणें ऊकी कंऐ तिरोई आरी, अरह् प्रभू यीशू के माँ मरियम, अरह् प्रभू यीशू के भाई आरी ऐक मंन हऐयों प्रार्थना कर्दे लागे अंदे रूऐ।

प्रेरितो कै काम 1:14 ပူးပေါင်းရင်းမြစ်များ

मत्ती 12:46

जोबै यीशुए भीड़ौ मुंजी बातौ कौरे लोई थी, तोबै तैसकै माँ औरौ भाए बायरै खौड़ै थिए, औरौ तैसीआरी बातौ कौरणी चांव थिए।

मत्ती 21:22

औरौ जू किछै तुऐं प्रार्थना मुंजी बिशवाश सै मांगलै सैजौ सौबै तुऔं खै भैटी जांदो।”

मत्ती 27:55

तिथै बौहिती बैटमाणिशौ जू गलील जिले शै यीशु कै सेवा कौरदी बैई तैसकै साथै आए रैई थी दूर दु ऐजौ सौबै दैख लो थियु।

मरकुस 15:40

बौहिती बैटमाणिशै बै दूर दो दैखै लौ थियु: तिनुमुंजी दै मगदेला गांव कै मरियम थी, औरौ ठिकड़ै याकूब औरौ योसेस कै माँ मरियम, औरौ सलोमी थी।

मरकुस 16:1

जोबै विशांव कौ दूस बीतै गौ, तौ मगदेला गांव कै मरियम, औरौ याकूब कै माँ मरियम, औरौ सलोमी बोड़िया बांसोवाल़ौ तेल मोलै लोयो आई, तोबै यहूदी भोवार कै हिसाब शै यीशु कै लाशो पांदी मुल़ौ।

लूका 11:13

जोबै तुऐं बुरै हौयौ आपणै नानड़िया कै आछी चीज़ौ दैंव, तौ तोंवारा स्वर्ग का पिता तुऔं सौदा दैणौ कारिए तैयार रौंव जू तैसी कैईंदी पवित्र आत्मा मांगोए।”

लूका 18:1

यीशुए आपणै चैलै शै इथकै बारै मुंजी बौल़ौ, कै तिनु रौज प्रार्थना कौरणी चैंई औरौ हिम्मत नी छोड़णे चैंई। तैणै तिनु ऐजा उदारण दिया:

लूका 23:49

औरौ तैसकै सौबै दोस्त औरौ जू बैटमाणिशौ गलील जिले शै तैसकै साथै आए रौए थी, दूर खौड़ै हौयौ जू किछै हौए रौ थियु, दैखै लौ थियु।

लूका 23:55

औरौ तिनु बैटमाणिशौ कै जू यीशु कै साथै गलील जिले पौरैशी आए रौए थी, तिनुऐ पौछौड़ियौ-पौछौड़ियौ जाऐबा तियौं कब्रो कै दैखै औरौ ऐजौ बै कै तैसकै लाश कुकै राखै राए।

लूका 24:10

जिनुवै चोणेयौंदे चैलै कै ऐजी बातौ बुली, सै मगदेला गांव कै मरियम औरौ यूहन्ना औरौ याकूब कै माँ मरियम औरौ तिनकै साथै कै ओकी बैटमाणिशौ बै थी।

लूका 24:33

सैजै तौलोंई बिज़यो यरूशलेम शहर कै हौटै गौवै, औरौ तिनु गयारो चैलै औरौ तिनकै दोस्तो कै कौठै दैखै।

लूका 24:53

औरौ सै हर दूस मन्दिर दै जाऐबा पौरमेशवर कै स्तुति कौरौ थिए।

लूका 8:20

औरौ कुणिए तैसी बौल़ौ, “तैरै माँ औरौ तैरै नानड़ै भाए बायरै खौड़ै औसौ, औरौ तांव आरी भैटिणौ चांव।”

प्रेरितो कै काम 2:1

जोबै यहूदी लोगौ कै पिन्‍तेकुस्‍त का दूस ओऊवा, तोबै सै सौबवे ऐकी जौगैह कौठै थिए।

प्रेरितो कै काम 2:42

औरौ सै चोणेयौंदे चैलै शै शिक्षा पाणौ औरौ संगति राखणौ औरौ प्रभु भोज दै शामिल हौणौ औरौ मिलैयौ खाणौ औरौ प्रार्थना दै मगन रौंव थिए।

प्रेरितो कै काम 2:46

सै हर दूसै ऐक मन हौयौ मन्‍दिर कै आँगणो दै कौठै हौं थिए औरौ घोर-घोर प्रभु भोज कौरदै बैई खुशी मौनांदै औरौ नम्र मन शै खाणौ खांव थिए।

प्रेरितो कै काम 6:4

पौरौ आमुए तौ प्रार्थना औरौ वचनो का प्रचार औरौ शिक्षा दैणौ दै लागैयौंदे रौंदै।”

रोमियों 12:12

आमुकैंई जू आशा औसौ, तिथमुंजी तुऔं आनन्द हौणा चैंई, औरौ कौल़ेश दा सब्र राखैयौ प्रार्थना कौरदै रौव।

1 कुरिन्थियों 14:13

इयौं बौजैह शै जू जौई-जौई भाषा पांव, तौ सै प्रार्थना कौरौ, कै जू सै बौल़ौ तिथका मतलब खुद सौमझाए पांव।

इफिसियों 6:18

औरौ हर सौमय औरौ हर प्रकार शै आमु तैशै ही प्रार्थना कौरणै चैंई जैशै पवित्र आत्मा आमु अगुवाई कौरौ, इथकारिए जागदै रौव औरौ सौबी पौरमेशवर कै लोगौ कारिए हमैशा बिन्ती कौरदै रौव।

कुलुस्सियों 4:2

लगातार प्रार्थना कौरदै रौव, औरौ जोबै तुऐं प्रार्थना कौरौ तौ चौकश रौव औरौ सौदा पौरमेशवर का धन्यवाद कौरदै रौव।