प्रेरितो कै काम 1:10 - सिरमौरी नौवाँ नियम

¹⁰ औरौ तैसकै जांदै बैई जोबै तिनुऐ गौयणै कै ढौबौ दैखै लो थियु, तोबै एकदम दो आदमी चिटै खोटणो बांबयो तिनकै धोरे आयौ खौड़ै हौवे।

Sirmouri

¹⁰ अरह् जबे से अस्माँनों गंऐणीं की ढबै प्रभू यीशू ऊँबें ज़ाँदे देख्दे नींजाऐयों लागी रूऐ थिऐ; तअ तेख्णीं बेरा-बैरिऐ स्वर्गदूत्त च़ींटै खोट्णों बाँम्बियों दो आदमी तिन कैई पर्गट हुऐ।

प्रेरितो कै काम 1:10 ပူးပေါင်းရင်းမြစ်များ

मत्ती 17:2

औरौ तिनकै सामणै तैसका भैष बौदलै गौआ, औरौ तैसकौ मुँह सुरज कै जैशणौ चौमकौ औरौ तैसकै खोटणो पेयाशै कै जैशणै उजल़े हौए गौवै।

मत्ती 28:3

तैसका रुप बिजली खै जैशणा औरौ तैसखै खोटणो पालै कै साए चोमकैयौंदे थिए।

मरकुस 16:5

जोबै बैटमाणिशौ कब्रो कै भीतरै जाऐबा दैखौ कै ऐक जवान कै चोमकैयौंदे चिटै खोटणो बाम्बैयौंदा सोऐं ढौबौ बौठेयौंदा दैखा, औरौ सै बैजाए हैरान होई।

लूका 24:4

जोबै सै ऐसी बातौ लैई हैरान हौए गौए, तौ दो मर्द चोमकैयौंदे खोटणो बाम्बेयो तिनकै धोरे आयौ खौड़ै हौए।

यूहन्ना 20:12

औरौ तिथै तियैं दो स्‍वर्गदूतौ कै चिटै खोटणो बाम्बेयोंदे ऐकी कै शीराने कै ढौबौ औरौ दूजै कै लातो ढौबौ बोठेयोंदै दैखै, जिथै यीशु कै लाश राखै राए थै।

प्रेरितो कै काम 10:3

ऐकी दूसै, दोफारी कै लमसम ती बोजे तैणै दर्शन दो साफ-साफ दैखौ कै पौरमेशवर कै ऐकी स्‍वर्गदूतै तैसकै धोरे भीतरै आयौ बौल़ौ, “ओए रै कुरनेलियुस।”

प्रेरितो कै काम 10:30

कुरनेलियुसे बौल़ौ, “चार दूस आगै, ऐसी सौमय, मोऐं आपणै घोरे दै दोफारी कै ती बोजे प्रार्थना कौरे लोए थै, कै ऐक आदमी चौमकिला खोटणो बाम्बैयौ, मैरै सामणै आयौ खौड़ा हौए गौआ।

प्रकाशितवाक्य 3:4

पौरौ सरदीस शहर दै तोंवारै बीच किछै ही लोग औसौ, जू पाप शै अशुध्द ना हौए रैई, सै शुध्द चिटै लुस्कै बाम्बैयौ मैरै साथै चालदै, जिथुकै सै इथ लायक औसौ।

प्रकाशितवाक्य 7:14

मोऐं तैसीखै बौल़ौ, “ओए रै स्‍वामी, हांव ना जाणु पौरौ तू जाणै।” तैणै मुंकैई बौल़ौ, ऐजै सैजै लोग औसौ, जिनुवै बौड़ै कोष्ट महसूस कौरे। इनुवे आपणै लुस्कै कै मेम्ने कै लोऊ शै धोए पाए औरौ सै चिटै हौए गौवै, इथका मतलब ऐजा औसौ कै तिनकै पापौ कै मिटाए दिए गौवै।